Aiseya 33:18 - ALLALA KUMƐ

¹⁸ Wo kilannɛ sibolo-gbɛrɛ duti-makelelɛ anubɛ ko-lakɔrɔsilɛ minnu na nun, wo si to wo hɛnkili ma dɔrɔn!

Aiseya 33:18 ပူးပေါင်းရင်းမြစ်များ

Ko-Dabirɛnu 23:16

Iburayima sɔnta wo ma. Ɛfirɔn ya wodi-gbɛ minna ko fɔ mɔgɔ-ba wonu yala, Iburayima ya wodi-gbɛ-gbu kɛmɛ nani (400) wo suman a ye iko yilanu si fan suman nya min.

2 Mansɛnu 15:19

Asiriya Mansa Pulu tara bui Isirɛla nyamanita-mɔgɛnu ma. Wo le ya a ma, Isirɛla Mansa Mɛnahɛmu ya wodi-gbɛ makele nɔnfulu-tiginu bolo ala nyamanɛ rɔ fɔrɔsɛ la. Nɔnfulu-tigi kelen-kelennamɛ-bɛɛ ya wodi-gbɛ-gbu bi-loli bi-loli labɔ. Mansa Mɛnahɛmu ya wodi-gbɛ min nadɛn, wola gbiliyɛ anubɛ fui-fan bɔrɔ kɛmɛ loli rakɛn de. A ya wo di Mansa Pulu ma alako wo ni sɔ a fɛ. A ya wo ma alako a sɛnbɛ ni koloya Isirɛla mɔgɛnu kuma. Wodi-gbɛ wo ya Mansa Pulu hɛnɛ. A sɛgira a warɛ nyamanɛ rɔ.

2 Mansɛnu 18:14

Mansa Hɛsakaya ya kilayɛnu nata Mansa Sɛnakaribu ma Lesi soe burɔ. A ko, “N bara ko-yogomɛ le ma. I yandi, ma to nyɔ rɔ. I ya fenfenna ko fɔ, n si wo di i ma.” Asiriya mansɛ wo ya a fɔ a ye ko a ni wodi-gbɛ lata a ma minna gbiliyɛ anubɛ fui-fan bɔrɔ kɛmɛ ani bɔrɔ bi-loli rakɛn anubɛ sɛnɛ fanan minna gbiliyɛ anubɛ fui-fan bɔrɔ tan-ni-loli rakɛn.

2 Mansɛnu 18:31

A ko wo kana wo tole masɔ Mansa Hɛsakaya kɛ la. Mata mansɛ ko wo dama ni bɔ soe kɛ burɔ ka wo niyi latenbi ma ma. A ko ni wo ya wo ma, a si a ma worɔ, wo ni to wola ki-fen-gbɔɛnu dɔnna anubɛ wola kɔlɔntɔ-yinu minna

Yaburi 31:22

N kilanta. N ya a lɔn nun ko Mari ara n gben a dafɛ. Kɔnɔ n ya a rakele tumɛ min n dɛnbɛn-koe la, a ya n di-kɛ-kan lamɔɛn.

Yaburi 71:20

I ya tɔrɔyɛ anubɛ dumɛ lana n ma, hali wo, i si na n sɛnbɛ kuraya. I si a ma, n ti yigi kanbɛ rɔ tun.

Aiseya 17:14

Wurala-tumɛ wa ke, mɔgɛnu kumakɔnɛ si to kɔnɔ yanni bandɛ ni ka, wo si a taran, anu bara tunu iko munku-gbu kelan. Mɔgɔ-wo-mɔgɔ wa na ma kɛlɛ tinɛ, a ye mala wonu na wo nya na le.

Aiseya 54:14

Telenbagayɛ si ile Yerusalɛm tagbɛlɛya gben! Bumalɛ anubɛ kilan fɛ si yanya i la.

1 Kɔrɛnti 1:20

Nba, hɛnkilimɛnu anubɛ tɔn-karan-mɔgɛnu anubɛ sɔsɔli-sala-wɛnu, wonu bi kama? Alla ara a lagbɛ ko duninya kɛ hɛnkilimayɛ, yuwaya-koe le wo la!

2 Timoti 3:11

Mɔgɛnu bara n kɔn nya min ka n tɔrɔ, i wara wo lamɔɛn nun. Koe min bɛɛ kɛra n na Antiyaki anubɛ Aikoniyam anubɛ Lisitira soenu tɔ, i ya wo fanan lɔn. N bara n munyu gbɛlɛya-wɛ wonu kɔrɔ kati! Kɔnɔ Mari ya n kandan wo bɛɛ rɔ,

1 Samuwɛli 30:6

Dawudala keminɛnu yisi tinyanta anuna denbayɛnuna ko la ha Dawuda-mabon-sɔgɛ ya anu bira. Dawuda ye yakɔrɔ-mamɔɛ wo rɔ kɔnɔ hali wo, ata Mari Alla ya sɛnbɛ di a ma.