Aiseya 33:16 - ALLALA KUMƐ

¹⁶ Wo si a ma, wo la ni tanka. Wo la si kanan iko wo ye kan-tina-gbɛlɛmɛ do le tɔ. Dɔn-fan anubɛ yi ti dasa wo ma muk!

Aiseya 33:16 ပူးပေါင်းရင်းမြစ်များ

1 Mansɛnu 19:6

Nɛbi Ilaya ya a kunyɛ kɔrɔbi wati min, a ya biredi-lɔngbɔn anubɛ yi-barɛ yen a kun kantɔ. A ya wo dɔn ka a min. A ya a sa tun.

Yaburi 107:41

A ya bolo-kolɔnnu kunyɛ bɔ tɔrɔyɛ rɔ ka anuna denbayɛnu nasiyaya iko kolo-fen-wɔrɛnu.

Yaburi 111:5

Minnu bi a gbiliyala, a si wonu beli-fan di anu ma, ado a ti nyina a sarama-kan ko mumɛ!

Yaburi 15:1

Mari, a bɛnnɛ, yon ni don i Bato-Bɔn la? Yon si ke i batola Yerusalɛm kɔnkɔ-sɛnimɛ kuma?

Yaburi 18:33

Ale si a ma, n kian ra ni tɛgɛ dugi ma iko mina. Hali n bi kɔnkɛnu tɛma, a si n sɔ-bole rabɛn.

Yaburi 33:18

Mari kolan bɛnnɛ a gbiliyalɛnu ma. Minnu bara la Mari la ka anu yigi sa ata keninteya-dannatɛgɛbɛlɛ rɔ, a kolan bɛnnɛ wonu fanan ma.

Yaburi 34:10

Hali yarɛnu ta si faga kɔnkɛ bolo. Kɔnɔ minnu bi Marita tɔnnu birala, fenfen ti dasa wonu ma.

Yaburi 37:3

La Mari la. I ni ko-nyimɛ kɛ. Wo si a ma, i ni sigi i fanbolo ila nyamanɛ rɔ.

Yaburi 62:7

Nna kisi-koe anubɛ nna gbiliyɛ bɛɛ tonɛ ile le ma. Nna tankala-gbengben le Alla la. Nna ninɛ le ale la.

Yaburi 90:1

E, n tigi, ka a bi fɔlɔ ma, ha duninya si ban, ma sulen tinɛ le ile la.

Yaburi 91:14

Alla ko ale di minnu ye, a si wonu nakisi. A ko minnu ya ale lɔn Mari la, a si wonu nakanan.

Hɛnkilimaya-Kumɛnu 1:33

Ni mɔgɛ min ya a tole masɔ nna hɛnkilimaya-kumɛ kɛ la ka a bira, wo tigi la si feri. Hɔn ti taran wo la. Wo ko-wo-ko sa nyɔ a si kilan min na.”

Hɛnkilimaya-Kumɛnu 10:9

Minnu natelennɛ, wonu nafɛrɛni de! Kɔnɔ minnu natelenni ma, wonu si bira mɔrɔtɔ!

Hɛnkilimaya-Kumɛnu 18:10

Mari le mɔgɔ niyi lakisilɛ la iko so-latankanɛ, telenbagɛnu si anu buri ka ta anu dogon kan min.

Aiseya 25:4

Bolo-kolɔnnu anubɛ fugarɛnu dimatoe ara na i wara anu dɛnbɛn-koe rɔ. Anu bi tɔrɔyɛ rɔ tumɛ min, i ya anu kumafunfan. Fɔn-digidigi-wɛ nanɛ, i mara anu ye bɔn la. Ala kunayɛ tele bolo anu kuma, i mara anu ye ninɛ la. Karagbɛlɛnu taranta anu kan ma iko banda tenbi gbesila dandan la.

Aiseya 30:20

Mari si a lagbɛlɛya wo kuma kɔnɔ ale nyɛrɛ-nyɛrɛ si to wo karanna wo bɛɛ rɔ. Wo ti to a nyinɛ kun na.

Aiseya 32:18

Hɔnyɛ si bɔ Allata mɔgɛnu kan la, bɛɛ si to yisi-kimɛ anubɛ lafɛrɛ rɔ.

Aiseya 49:10

Kan-nagbalɛ anubɛ kɔnkɛ ti anu bira. Tele anubɛ tele-mara-tele ti anu tɔrɔ bawo anu di anu makandannɛ ye. A si ta anu na tenke-dɛ la.

Yɛrɛmaya 37:21

Wo le ya a ma, ale Sɛdɛkaya ko anu ni n namara ala kata burɔ. Tele-wo-tele, anu si biredi-lɔngbɔn kelen di n ma ha biredi-koe banta soe wo burɔ.

Yowɛli 3:16

Mari kulu-mayɛlɛnɛ si bɔ Yerusalɛm kɔnkɔ-sɛnimɛ kuma. Dugi anubɛ san-kole si yɛrɛyɛrɛn. Kɔnɔ hali wo, a si ala mɔgɛnu kumafunfan.

Habakuku 3:19

Ma tigi Mari le n sɛnbɛ la. A ya n kian banban dugi ma iko mina ka n nakanan kɔnkɛnu kuma.

Matiyu 6:11

I ni bita dɔn-fan di ma ma.

Tɔn-Fɔɛ-Fila-Nyɔgɛ 33:29

Wole Isirɛla mɔgɛnu, duwa-dan le wole la. Sibolo-gbɛrɛkɛ sa minnu bi iko wole bawo Alla ya wole kisi. Wo kandan-fan le Mari la anubɛ wola kɛlɛ-kɛ-faan. A ye wo tankala ka nɔlɛ di wo ma. Wo yogenu si kilan wo la ka dɛgɛ min wo ye. Wo si anuna bɛsɛ kɔ tinɛnu tinya.”