Aiseya 33:15 - ALLALA KUMƐ

¹⁵ Kɔnɔ ni wole tora ko-telennɛ mala ka tonyɛ fɔ, wo si to wo niyi la wo rɔ. Wo kana wo raya ka bolo-kolɔnnu bolo labira, ni wo ma, ka dogonta-fan bira mɔgɛnu bolo. A karagbɛlɛ wo, a mɔgɔ-fagala wo, wo kana kofu wonu ma.

Aiseya 33:15 ပူးပေါင်းရင်းမြစ်များ

Yobu 31:7

Ni n bara kilɛ boloka tele-kelen-bɛrɛni, n ni a ma, karagbɛlɛyɛ ni n sagan a wara la, ni n bara kɔsɔ hakɛ-kɛ bolo,

Yaburi 106:3

Mɔgɔ-sewanɛ le wo tigi la min bi ata kumɛ birala ka to ko-latelennɛ kɛla tolon!

Yaburi 119:37

N miriya bɔ ko-fuyinu ko. Nyimaya n ma iko i wara n yili-madiya nya min.

Yaburi 15:5

A si mɔgɔ dɔndɔ, a ti tɔnɔ sa a kuma. Ni mɔgɛ min yilikinɛ kumɛ rɔ, a ti sɔn dogonta-fan birala wo bolo. Min bi a mala a fɛrɛma ko sufa kɛ dama ma, mɔgɛ wo ra ti maga muk!

Hɛnkilimaya-Kumɛnu 1:10

Nna den, ko-yogoma-kɛlɛnu ba anu taya i saganna anuna ko-yogomɛnu tɔ, i kana sɔn kofula anu ma.

Hɛnkilimaya-Kumɛnu 1:15

Nna den, i masɛgi mɔgɔ-sufa wonu na. I kana bila anu kurun tɔ

Hɛnkilimaya-Kumɛnu 10:9

Minnu natelennɛ, wonu nafɛrɛni de! Kɔnɔ minnu natelenni ma, wonu si bira mɔrɔtɔ!

Hɛnkilimaya-Kumɛnu 15:27

Tɔnɔ-yogoma-nyininɛ si nanparan lana a kebilɛ kuma kɔnɔ min ti sɔn dogonta-fan la, wo si simayɛ sɔrɔn.

Aiseya 58:6

Mari ko ale ye nyinina min ma sun-don-bole rɔ, wo le kɛ la. Wo ara minnu nadon yele la anu yoe kuma, wo ni wonu nabɔ ka yɔlɔkɛ ratɛgɛ anu ma. Wo ni anu kunyɛ bɔ wɔli-wulen-bɛ kɔrɔ.

Aiseya 58:8

Mari ko ni wo ya ko-sufa kɛnu ma, ale Mari si ata waan raka wo ma ka to wo tanban-gbɛnu nakɛndɛyala. A ko a si sɔ wo yarɔ ka wo lakanan. A ko ata gbiliyɛ si bila wo fɛ alako yanba kana yalan wo ma.

Isikiyɛli 22:13

“N si n bolo-nɔlɔnɛ laperepere ka a yira ko n ma sɔn anu bolo ka a tɛgɛ anuna kankanyɛ anubɛ mɔgɔ-fagɛ ma.

Malakayi 2:6

Wo wati rɔ, a ko wole saraka-masɔlɛnu ya mɔgɛnu karan kila-telennɛ la, kila-raduni ma de! Anubɛ saraka-masɔlɛnu bi ko kelen tɔ nun wo wati rɔ. A ko wo ye ko-latelennɛ minnu mala wo wati rɔ, wo ma dan wo dɔrɔn ma de! Wo ya mɔgɔ-gbɛrɛkɛnu fanan karan alako wonu fanan ni fara ko-yogomɛ la.

Yilan-Yilan Koe 16:15

Wo kɔma, Musa yisi bɔra! A ya a fɔ Mari ye ko, “I kana sɔn anuta kɔ-fan la mumɛ! N ma ko-yogoma ma mɔgɛ kɛnu na! N ma anu bɔni fenfen na. Hali sofɛlɛ kelen, n ma wo bi anu bolo kɔ-fenyɛ la.”

Matiyu 26:15

A ya a fɔ anu ye ko, “Ni n ya Yisa don wo bolo, wo si nfen di n ma?” Anu ya wodi-gbɛ bi-sawa dan ka wo di a ma.

Luka 1:6

Anu filɛ bɛɛ telennɛ Alla yala. Anu ya Marita tɔn anubɛ sereya bɛɛ bira a kila-bɛrɛbɛrɛ fɛ.

Luka 19:8

Sakiyasi ya a lasɔ ka a fɔ Mari ye ko, “N tigi, i wɔlɔ matɔlɔ! N si nna nɔnfulu-talɛ di bolo-kolɔnnu ma. N bara fen bɔ minnu bolo kensunteyɛ la, n si wo nyɔgɔn nani lasɛgi wo tiginu ma tun.”

Romu 2:7

Mɔgɛ donu bi bonyɛ anubɛ gbiliyɛ anubɛ habadan-nimayɛ nyinina Alla bolo min kɛ, woletɔ anu si to ko-nyimɛ kɛla dɛɛ! Tonyɛ le wo la, Alla si habadan-nimayɛ di wonu denu ma.

Tɔn-Fɔɛ-Fila-Nyɔgɛ 16:19

Anu kana ma mɔgɔ-radunɛnu na. Anu kana lafisayalɛ kɛ kiti tɛgɛ tinɛ. Anu kana dogonta-fan bira. Hali mɔgɛ hɛnkili kolo, dogonta-fan si a ma, a ni fiyonya. Hali a telenta, a ra si du kɔnkɔrɔntɔn!

Yemesi 5:4

Mɔgɛ minnu wɔlita wo ye wola sɛnɛnu tɔ, wo ya wonu kensunya. Alla ara wola yasere-masa-kan lamɔɛn. Nba, minnu ya wola fui-fan tɛgɛ ka a ladɛn wo ye, wonu di-kɛ-kan ara ke Mari Alla Sɛnbɛ Bɛɛ Tigi tole rɔ!

1 Yɔni 3:7

N diyana-dannu, wo kana sɔn, mɔgɛ ni wo yanfa! Minnu bi ko-latelennɛ kɛla, mɔgɔ-nyimɛ le wonu na iko Kirasiti ye nya min.

1 Samuwɛli 12:3

Wo ma n sɔnɛ yen kɛ la? Ni n bara ko-yogomɛ ma min na wo tɛma, wo tigi ni a sɔ n tɔ Mari anubɛ ala mansa-yabɔnɛ yakɔrɔ yan tɔ. Ni n bara mɔgɛ minna ninki bi a bolo, ni wo ma, ala sofɛlɛ, wo tigi ni a sɔ n tɔ yan tɔ. Ni n bara min kensunya, ni n bara min tɔrɔ ka a kɔndɔfili, ni n bara dogonta-fan bira min bolo, ni n bara kɛ sufa ma mɔgɔ-wo-mɔgɔ la wo tɛma, wo tigi ni a sɔ n tɔ. Ni n ya min bi wo tigi bolo, n si a lasɛgi wo ma tun.”