Aiseya 33:14 - ALLALA KUMƐ

¹⁴ Yerusalɛm hakɛ-tiginu bi yɛrɛyɛrɛnna kilan bolo. Anu bi a fɔla ko, “Marita kiti mani de iko tɛ min ti sa mumɛ! Ta-sufa wo si male do to a niyi la?”

Aiseya 33:14 ပူးပေါင်းရင်းမြစ်များ

Yobu 18:11

A ma si to banna ko-makilannɛnu bolo kan tinɛ bɛɛ rɔ. Anu bilanɛ a fɛ kan-bo-kan.

Yaburi 11:6

Mari si tɛ anubɛ munku-gbɛ layigi karagbɛlɛnu kuma. A si anu tɔrɔ fɔn-kalamɛ la.

Yaburi 21:9

Mansɛ yisi wa bɔ, a si a yogenu kasara iko tɛ wa nɔrɔn bira. Mari si anu ban ala fondo-bɔɛ la. Ata tɛ si anu mintan gburr!

Yaburi 50:3

Mata Alla ye nala. A madeni sa nala de! Ta-belebele le ye a yarɔ. A ye banda-fin-fɔn-belebele tɛma.

Yaburi 53:5

Kɔnɔ karagbɛlɛnu si yɛrɛyɛrɛn kumakɔɛ bolo, hali a ma anu kumakɔ-kunya bɔ bawo Alla si a diyana-mɔgɛnu yogenu tanyɛnsɛn. Alla ara a ban anu na min kɛ, Isirɛla mɔgɛnu si anu nɔ feu!

Hɛnkilimaya-Kumɛnu 28:1

Karagbɛlɛ si a buri hali mɔgɔ sa a kɔma kɔnɔ mɔgɔ-latelennɛ kerinte iko yarɛ.

Aiseya 1:28

Kɔnɔ mɔgɔ-wo-mɔgɔ wa hakɛ kɛ ka murutiya a ma, a ko a si wo tigi bunden. Min bɛɛ bannɛ a la, a si wo bɛɛ faga.

Aiseya 10:16

Ma Tigi, Mari Sɛnbɛ-Bɛɛ-Tigi ko kɛlɛ-den bu lafanɛ minnu bi nyɔ, a si kiraya-fitinɛ lana wonu ma alako wonu si bara wao! A ko anu fɛrɛ-kaliyanɛ si to kodokodo, iko tɛ wa sigi fen na.

Aiseya 10:6

A ko a ara wo latugu Alla-lɔnbɛlɛ donu kan ma bawo anu bara a ladiminya. A ara wo lata bumalɛ anubɛ kankanyɛ anubɛ Yuda kɛnu tatɛntɛn tinɛ ka anu ma iko gbangban.

Aiseya 29:13

Mari ko mɔgɛ kɛnu bi a fɔla anu da rɔ ko ale Mari di anu ye kɔnɔ a wara-koe sa anu yisi-kunyɛ la. Anuna dina manɛ tɔn anubɛ namunya-gbansan le la. Wo le manɛ anu bolo kuntɔ-karan la.

Aiseya 29:6

Mari Sɛnbɛ-Bɛɛ-Tigi si na san-sɛran anubɛ dugu-yɛrɛyɛran la wo lakanan-koe la. Mari si wo lakisi fɔnyɔ anubɛ ta-wɛ la.

Aiseya 32:11

Wo siginɛ ladiyɛ rɔ, hɔn sa wo la kɔnɔ wo ni yɛrɛyɛrɛn kumakɔɛ bolo. Wo ni wo gbu-makolonya ka wo buta kiri kasa-kurɛ la.

Aiseya 34:9

Idɔm bɛnu si ma nagatikali, iko kolota. Nyɔ-dugi si yɛlɛma munku-gbɛ la. Nyamanɛ wo mumɛ si mintan iko ta-yi le rawuyanɛ a ma.

Aiseya 47:14

I makawandilɛ kɛnu si ma iko tɛ wa sigi yefe-gbalɛ la. Hali ka anu nyɛrɛ lakanan, anu ti ke. Tɛ wo wuyan si anu tabɔ, ado anu gbala ta ma kɛ la.

Aiseya 5:24

Nba kaka, wo ara wo suli min nayigi iko kɔlɔmatɛ, wonu si tuli. Wo fere minnu bi wo la, fɔnyɔ si wonu nayalan. Wo si ma iko binyɛ min sanɛ tɛ rɔ bawo wo ara wo ban Isirɛlata Alla Sɛnimɛ, Mari Sɛnbɛ-Bɛɛ-Tigita labilɛ la.

Aiseya 66:24

Minnu bi Mari kan ma, Mari-batolɛnu si ta wonu furinu bolokanɛ yen belenna soe kɔma. Tunbi minnu bi wonu dɔnna, wonu ti faga. Tɛ min bi furi wonu mintanna, wo ti dufen. Furi wonu mafɛlan ti a diya don mɔgɛ rɔ.

Aiseya 7:2

A lamɔɛn Yuda mansɛ bolo nun ko Siriya kɛlɛ-dannu bara don Isirɛla nyamanɛ rɔ, anubɛ ala nyamanita-mɔgɛnu kilanta ha anu tora yɛrɛyɛrɛnna iko fɔnyɔ tenbi kɔlɔmanu namagala.

Aiseya 9:17

Woletɔ Mari ti sɔn kemini-mɛsɛ wo fenfen kunyɛ ni bɔ a rɔ muk! Hali kelennɛnu anubɛ kɛɛ-nyaganɛnu, a ti kinikini wonu ma bawo Alla-lɔnbɛlɛ anubɛ karagbɛlɛ le mɔgɛ damasi la. Anu darɔ-kan bɛɛ yogo. Kɔnɔ hali wo, wo ti a ma, Marita fondo-bɔɛ ni ban. Ha bi, Mari kɔɛn kɔrɔbinɛ anu tɔrɔ-koe la.

Aiseya 9:18

Mɔgɛnuna wunduyogoyɛ ye mintannɛ kɛla iko tɛ tenbi wɔnɔ-fira-gbalanɛ la. A si mintannɛ kɛ fanan iko tɛ tenbi kala-gbalɛ la. A sisi si yɛlɛ kulakula!

Aiseya 9:19

Mari Sɛnbɛ-Bɛɛ-Tigita fondo-bɔ-belebele kɛ si mintannɛ kɛ ka nyamanɛ mumɛ bɛɛ mintan gburr! Mɔgɔ-wo-mɔgɔ ti a nyɔgɔn denkun. Bɛɛ paraparɛ si ta a kun fɛ.

Emɔsi 9:10

A ko minnu ba a fɔ ko, “Alla ti sɔn ko-wo-ko ni male dumɛ,” hakɛ-tigi wonu kunyɛ si to kɛlɛ rɔ.

Nehami 1:6

Alla fonde wa bɔ tumɛ min, yon si to a niyi la worɔ? A fondo-kaliyanɛ ye tɛ min nabɔla, yon si ke wo rakɔnɔna? Mari wa fondo-magboyɛ labɔ iko ta-mɛlan, farɛnu si ma gbangban la a kɔrɔ.

Malakayi 3:2

Mari kɛ wa na wati min, yon si ke tola a niyi la a kɔrɔ? Ale wa bɔ gbɛ rɔ, yon si kanan? A wa bɔ gbɛ rɔ wati min, a si ma iko sefini-diyamɛ min si nɔgɛ bɛɛ toronde kura-nɔgɔnɛ la. A si ma fanan iko numɛnuna tɛ min si nɛgɛ lalee bandin, ka a kɛndɛ bɔ a boe yala.

Matiyu 18:8

“Ni i bole, ni wo ma, i kian ya a ma, i ni hakɛ kɛ, a tɛgɛ a la ka a lakɛ a rɔ! A fisa, ni i bɔnɔta i bolo kelan, ni wo ma, i kin kelan rɔ ka ta nimayɛ rɔ wo nya, yanni i fɛrɛ bɛɛ la ni don habadan-tɛ rɔ.

Matiyu 22:12

Mansɛ ya a manyinika ko, ‘N bɔ, ile donta yan kama, kɔnyɔ-masɔ-duruki sa i kan na?’ A ma ke fenfen fɔla.

Matiyu 24:51

A tigi si a ratɛgɛtɛgɛ ka anubɛ kolandinu don kan-tina-kelen. Mɔgɛnu si di nyɔ ka anu nyin masɔgɔ dumɛ bolo.

Matiyu 25:41

“Wo kɔma, minnu bi n maran rɔ, n si a fɔ wonu ye ko, ‘Wo ni wo bɔ n fɛ, wole min bi Allala dankɛ kɔrɔ! Wo ta habadan-tɛ rɔ min tabɛnnɛ Setanɛ anubɛ ata melikanu ye!

Matiyu 25:46

“Nba, wonu si ta habadan-tɔrɔyɛ rɔ kɔnɔ telenbagɛnu si ta habadan-nimayɛ rɔ.”

Tɔn-Fɔɛ-Fila-Nyɔgɛ 4:24

bawo wota Mari Alla mani de iko ta-wɔnkɔrɔmɛ. A sa nyinina a ma ko fenfen ni a senaya.

2 Tɛsalonaika 1:8

ta-mɛlan la. A si Alla-lɔnbɛlɛnu tɔrɔ anubɛ minnu ma sɔn ma Mari Yisa, Allata-Mɔgɔ-Yabɔnɛta kibara-nyimɛ bira-koe ma.

Hiburunu 12:29

ado mata Alla mani de iko tɛ min si fan bɛɛ mintan gburr!

Lankɛnimayɛ 14:10

Allata diminyɛ si wo bira iko baan. Ala diminyɛ min manɛ iko baan-sɛnbɛmɛ, a ara wo wuya ala diminya-yi-lafɛ rɔ. Min bɛɛ ye wo minna, wonu si nyankankantan sɔrɔn tɛ anubɛ munku-gbɛ bolo melika-sɛnimɛnu anubɛ saga-dan-yakɔrɔ.

Lankɛnimayɛ 20:10

Nyinɛ wo, Setanɛ, kɔni, min ya anu yanfa, wo lafilita tɛ anubɛ munku-gbɛ-dalɛ rɔ, sogo-feremɛ anubɛ foninya-nɛbi lafilita kan min nun. Anu si nyankankantan sɔrɔn nyɔ su-ni-tele habadan!