Aiseya 32:9 - ALLALA KUMƐ

⁹ Wole musi minnu bi wo diya, hɔnya sa wo kan na, wo ni wo tole masɔ n kan la.

Aiseya 32:9 ပူးပေါင်းရင်းမြစ်များ

Yaburi 123:4

Fen-tiginu bara mɛ ma mayɛlɛnna, bi ko ma de! Wasintenu bara mɛ anu dɛ bosila a kɔrɔ ma ma.

Aiseya 28:23

Wo ni wo tole masɔ nde, Aiseyala kumɛ la. Wo ni wo yɛ lana.

Aiseya 3:16

Mari ko, “Yerusalɛm musinu wasi-nya mafɛlɛn. Anu sungban siginɛ tala san ma. Anu bi keminɛnu wululula anu yɛ tɔnkɔn la. Anu bi tala anu tɛbulan ramagala. Anu kin-na-yɔlɔkɔ-kan ye tala bɔla anu kian la se se se.”

Yɛrɛmaya 9:19

Mɔgɛnu bi worondo-kan lamɔɛnna Yerusalɛm soe burɔ. Anu bi a fɔla ko, “Ma ara halaki pɔ! Ma ara miliya dɔgɔma-ma-de! Fɔ ma ni mala nyamanɛ kɛ boloka le bawo mala bɔnnu bara tii mɛmɛ!”

Yɛrɛmaya 9:20

Nde, Yɛrɛmaya ya a fɔ wole, Yuda nyamanita musinu ye ko wo ni wo tole masɔ Marita kumɛ la. Wo ni wo tole laka ka ale Mari kan lamɔɛn. Wo ni wola dunmusinu nabila yerelen-tɛgɛ-bole ma. Wo ni wo nyɔgɔn karan mamusi-sigi la.

Nimisa Koe 4:5

Minnu bi dɔn-fen-diyama-su bɛɛ dɔnna fɔlɔ nun, wonu bolokanɛ kila-kole la kɔnkɛ bolo. Hali fen-tiginuna-dannu, wonu bi dugu-matɔnbɔnna kaka.

Sɛfanaya 2:15

Minnu bi Ninɛfa soe burɔ, wonu wasinɛ dɔgɔma-ma-de! Anu mirinɛ ko laa-wo-laa sa anu na. Anu kɛnɛna a fɔla ko, “Mala soe kɛ makawara ka tenbi soe dama la.” Kɔnɔ tɔ-a-la, nyɔ si ma tonbon-bɛrɛbɛrɛ la. Fɔ sogenu dɔrɔn, wonu denu si taran nyɔ. Mɔgɔ-wo-mɔgɔ wa tenbi nyɔ, a si nyima a rɔ, wo kɔma, a si a bole sa a dɛ la ka a dɛ bosi a kɔrɔ.

Matiyu 13:9

Yisa ko, “Nba, ni min si ko nya-yen, a ni a tole masɔ wo la!”

Tɔn-Fɔɛ-Fila-Nyɔgɛ 28:56

Hali musu-nɔnfulu-tigi minnu bi anu diya nun wo tɛma, ni wo do muira kɔnkɔ-wati wo rɔ, ala dan wonubɛ min bi bɔla, a kelen pe si wonu dɔn sa! Hali ala kei min di a ye, wo ti ko lɔn wo rɔ, hali ka a ratala ala dannu na.

Kɛlɛ-Kurugbɛnu 9:7

Abimɛlɛki dɔgɛ Yɔtam min ya a buri a kɔrɔ nun, wo ya wo kumɛ lamɔɛn min kɛ, a yɛlɛta Kɛrisim kɔnkɛ kuma. A nyɛɛra Sɛkɛm mɔgɛnu ma a kulu-mayɛlɛnɛ la, a ko, “Wole Sɛkɛm mɔgɛnu, wo ni wo tole masɔ n na woletɔ Alla si a wɔlɔ matɔlɔ wo la.