Aiseya 32:4 - ALLALA KUMƐ

⁴ Anu si anu muin mɔgɛnu kɔrɔ ka hɛnkilimaya-koenu nadan. Anu si kusanya kumɛ manunkula.

Aiseya 32:4 ပူးပေါင်းရင်းမြစ်များ

Bɔ-Koe-Iyipiti 4:11

Mari ya a fɔ a ye ko, “Yon ya mɔgɔ dɛ ladan? Yon si mɔgɔ ma bobe la? Yon ya mɔgɔ tole ladan ko a ni ko lamɔɛn? Yon si mɔgɔ tole gbere? Yon ya mɔgɔ yɛ ladan ko a ni fen yen anubɛ ka a lafiyonya? Nde, Mari le si wonu ma.

Keninteya-Siginu 7:9

I dɛ-burɛ tuninyanɛ iko baan-kura-yi. Nba, ni tonyɛ le wo la, alamɛ baan-kura-yi wo kerita n diyana-mɔgɛ kun na iko yi. A ni tenbi a da-gbolo filɛ tɛma ka ke a nyinnu ma.

Aiseya 29:24

Kun-takolɔnnu si wuli ko-nya-yenna. Min bi gbunyala karan kɔrɔ, wonu si sewa karan la.

Aiseya 35:4

Min bɛɛ yisi tinyanɛ, a fɔ wonu ye ko anu ni anu sɛnbɛ don ka anu kerinteya. Alla ye nala anu nakananna. A ye nala anu yogenu tɔrɔla.

Aiseya 35:5

Fiyɔnnu si fen yen. Tolo-gberenu si ko lamɔɛn.

Matiyu 11:25

Wo wati ya a taran, Yisa ya a fɔ ko, “E, n Fa, san-kole anubɛ dugu-kole Mari! N bi baraka birala i ye bawo i wara koe min dogon hɛnkilimɛnu anubɛ mɔgɔ-karannɛnu ma, i wara wo yira karanbɛlɛnu na.

Matiyu 16:17

Yisa ya a fɔ a ye ko, “Yɔnila den Saimon, duwa-dan le ile la! N bi kɛ fɔla bawo hadama-dan ma i labila tonyɛ kɛ la fɔ n Fa Alla min bi Arinyɛni tɔ.

Kɛwɔlɛnu 4:13

Mɔgɔ-banu kawara Pita anubɛ Yɔnila yisi-latɛgɛ ma bawo anu ya a lɔn nun ko mɔgɛ le anu na dɔrɔn minnu ma karan nun. Anu ya hɛnkili sɔrɔn a ma wo rɔ ko kɛnu bi Yisa fɛ nun yati,

Kɛwɔlɛnu 6:7

Woletɔ Allala kumɛ tora nyɛnsɛnna. Karan-dannu yatɛ siyayara Yerusalɛm ha ka siyaya. Hali saraka-masɔlɛ siyaman dɛnkɛninyara.

Kalesiya 1:23

Anu bi a lamɔɛnna le dɔrɔn ko, “Kei min ya a lagbɛlɛya ma kuma fɔlɔ-nun, a ye dɛnkɛninya-ko-kawandili bɔla kaka, ado a ya a raya ka mala dɛnkɛninyɛ wo tinya nun!”