Aiseya 32:19 - ALLALA KUMƐ

¹⁹ Hali banda-kole wa wola gbɔngbɔnnu takerikeri ka wola soenu tinya,

Aiseya 32:19 ပူးပေါင်းရင်းမြစ်များ

Aiseya 10:18

A gbɔngbɔn wo, a sɛni-sa-tina wo, wo bɛɛ si mintan gburr, ado a ko kirayɛ si to mɔgɛnu fagala wo nya na le tolon!

Aiseya 10:19

A ko kɔlɔma kelen-kelan minnu bi tola, hali denni-pɔipɔi si ke wonu danna le.

Aiseya 10:33

Kɔnɔ Ma Tigi, Mari Sɛnbɛ-Bɛɛ-Tigi si anu murundu iko kɔlɔma-bolɔn wa bɔ kala san ma, wo ramurundula dugu ma nya min. Minnu bara anu nyɛrɛ kɔrɔbi ka ma iko kɔlɔma-layan-bɛ sore, wonu si keri anu kun tɔ ka yarabi.

Aiseya 24:10

Koe bɛɛ piriki-parakɛ si to soe burɔ. Mɔgɛnu si dɛ balan anu nyɛrɛ ma anu kanan-koe la.

Aiseya 24:12

Anuna soe si ban kasarala feufeu! A don-dɛ si keri.

Aiseya 25:2

I wara soenu ma sundu-kunyɛ la ka so-latankanɛnu kasara pɔ! Ma yogenu ya bon-hakikɛ min bɛɛ sɔ, wo bɛɛ ara tii mɛmɛ!

Aiseya 25:4

Bolo-kolɔnnu anubɛ fugarɛnu dimatoe ara na i wara anu dɛnbɛn-koe rɔ. Anu bi tɔrɔyɛ rɔ tumɛ min, i ya anu kumafunfan. Fɔn-digidigi-wɛ nanɛ, i mara anu ye bɔn la. Ala kunayɛ tele bolo anu kuma, i mara anu ye ninɛ la. Karagbɛlɛnu taranta anu kan ma iko banda tenbi gbesila dandan la.

Aiseya 26:5

Minnu wasinɛ, a si wonu makimɛ. Anu siginɛ so-latankanɛ minnu tɔ, a si wonu kasara. A si wola tara-layan-bɛ labui gbangban rɔ.

Aiseya 27:10

Anuna so-gbɛlɛmɛ si to tonbonyɛ la. A ra si kolonya filili iko wula-da-rakolɔn. A si ma tubali-kɛ-tinɛ la ninkinu ye iko anu bi yanba-kun-kurannu dɔnna kan min.

Aiseya 28:17

A ko telenbagayɛ si ma bon kurukɛ tinɛ wo suman-fan la. Telan-nyɛrɛ si ma a dandan telen-fan la. Wo bole lakinɛ foninyɛ minnu ma, banda-belebele si yigi wo la pon! Wo lanɛ wola kanan-koe min na, gboron-gboronna-yi si ta wo makuru-kurunna.

Aiseya 28:2

Mari ara ban sibole do yisi-kɔrɔ tugula anu kɛlɛ-koe la. Wonu si na anu magbenna iko fɔn-belebele-wɛ, ado wonu si nyamanɛ mumɛ makɔ iko gboron-gboronna-yi.

Aiseya 29:4

Yerusalɛm kɛ si ma iko furi tenbi huma-humana kanbɛ rɔ. A kuman-kan ra ti ban gbɛla.

Aiseya 30:30

Mari si a ma, bɛɛ ni a nyɛrɛ kuman-kan-makilannɛ lamɔɛn. Bɛɛ si ata diminya-sɛnbɛ lɔn. A ta-mɛlɛn wo, a fɔn-digidigi-wa wo, a banda-kolo-wa wo, a gbɔrɔndɔ-yi wo, bɛɛ si wo yen a yɛ la.

Aiseya 37:24

fɔ a ye kilayɛnu nanala ka a nyɛrɛ matɔgɔ. A ko ale Sɛnakaribu ye a fɔla ko anubɛ ala kirindinu ya Lɛbanan kɔnkɔ-layan-bɛnu nɔ ka kɔlɔma-layan-bɛnu nawuya hali ka ta gbɔngbɔn-makilannɛ bɛɛ kɔrɔ.

Nehami 1:1

Wɔlɔyiya-kumɛ le kɛ la Ninɛfa soela ko la. Ko-rayen kɛ kɛra nde, Nɛbi Nehami ye min bɔra Ɛlikosi soe burɔ.

Nehami 1:8

A si tugu a yogenu kan ma ka anu nato dogbe iko yi wa tugu a rɔ wuu! Mɔgɛ min ba a rasɛ, a si wonu natosokɔrɔ lakira.

Sakaraya 11:2

Ile pain kɔlɔma, i ni di biribiri bawo sida-kɔlɔma-nyimɛnu bara-koe ara ka-a-la. Ile ɔki-kɔlɔma minnu bi Basan nyamanɛ rɔ, ile fanan ni di biribiri bawo gbɔngbɔn ma ara kerikeri.

Matiyu 7:25

Banda-wɛ nara. Bɛnu fara. Fɔnyɔ tugura ala bɔn wo ma. Kɔnɔ bɔn wo ma bui bawo a sɔnɛ fara-kole kuma.

Lankɛnimayɛ 18:21

Wo kɔma, melika-sɛnbɛ-tigi ya kuru-belebele-wɛ bi ka a lakɛ kɔgɔ-yi rɔ fɔrɔsɛ la. A ko, “Babilɔn-so-belebele-wɛ la si bui sɛnbɛ la ka le. Wo kɔma, a ti yen tun.

Lankɛnimayɛ 8:7

Melika fɔlɔtɛ ya ata buri fɛ. Banda-kole anubɛ tɛ min yabasannɛ yele la, wonu nara dugu-kole kuma. Duninya faranɛ sigi tina sawa la, wo sigi tina kelan mintanta gburr! Duninya kɔlɔma bɛɛ faranɛ sigi tina sawa la, wo sigi tina kelan mumɛ mintanta. Bin-kurannu bɛɛ mintanta fanan.