Aiseya 32:15 - ALLALA KUMƐ

¹⁵ Kɔnɔ Alla si ata Sɛnbɛ layigi ma ma tun. Dugu-gbɛlɛmɛ si yɛlɛma dugu-lamonɛ la. Ki-fannu si nɔrɔn dugu-lamonɛ rɔ.

Aiseya 32:15 ပူးပေါင်းရင်းမြစ်များ

Yaburi 104:30

I wa i niyi bila anuna dannu tɔ tumɛ min, wonu si ma nima-fannu na. Wo le ya a to, i ye ni-kurɛ dila duninya ma.

Yaburi 107:33

Ka a tɛgɛ karagbɛlɛya-su minnu bi nyɔ, Mari ya bɛnu gbala todo! A ya tenkenu tagbala kerr! A ya dugu-nyimɛ yɛlɛman kɔgɔ-dugi la.

Yaburi 107:35

Wo kɔma, a ya kɛnkɛn-dugi yɛlɛman yi-kundi-dan-natɛgɛnɛnu na. A ya dugu-gbalanɛ yɛlɛman tenke gbansannu na.

Hɛnkilimaya-Kumɛnu 1:23

N tenbi wo makumala, wo ni wo tole masɔ n na. N bi nyɔ ka wo dɛnbɛ ka hɛnkili di wo ma. N bi wo makawandi-nyimɛ-kɛla alako wo ni ko-siyaman nya-yen n bolo.

Aiseya 28:6

A si kiti-tɛgɛ-hɛnkili di kiti-tɛgɛlɛnu ma. Minnu bi soe tarɛ don-dɛnu kandanna, a si wonu yisi kerinteya alako anu yogenu kana na don.

Aiseya 29:17

Iko mɔgɛnu bi a fɔla nya min ko a ti mɛ, fɔgbɛ si ma sɛni sa tinɛ la, sɛni sa tinɛ si ma fɔgbɛ la tun.

Aiseya 35:7

Kɛnkɛn-kalimɛ si ma dalɛ la. Tenkenu si taran nyamani-tagbalanɛ wo kan tinɛ bɛɛ rɔ. Fira-wulinu sigi tinɛ si ma gbofɛ la.

Aiseya 44:3

A ko nyamanɛ min kan lagbalanɛ, a si yi di nyɔ ma. A si a ma, yi ni siyaya mala nyamanɛ rɔ. A ko a si ata Sɛnbɛ di mala dannu ma duk! A si duwɛ di mala kebilɛnu ma.

Aiseya 45:8

A ko a si nɔli-sɛnbɛ labɔ san ma ka a layigi iko gbɔrɔndɛ. Dugi fanan si a dɛ laka ka a lakunu. A si gbusu-dugi ma hɔrɔyɛ anubɛ telenbagayɛ la. Ale Mari ko a si a ma, kɛ dama ni ma.

Aiseya 59:19

Wo si a ma, tele-yigi warala-mɔgɛnu ni kilan Mari la. Tele-bɔɛ-warala-mɔgɛnu ni a gbiliya. Mari si na tiriya iko bɛ fanɛ ye yigila a burila nya min, ado Mari karata fɔnyɔ le ye a mala, bɛ ye yigila fanka la wo nya na.

Aiseya 59:21

Mari ko anubɛ ata mɔgɛnu bi nala sarama-kan min kirila anu nyɔgɔn tɛma, wo le kɛ la. A ko ata kumɛ anubɛ ata Sɛnbɛ ti bɔ anu fɛ. A ko a si to anu denu, anubɛ anuna dannu, anubɛ anu kebilɛnu fɛ burubukai!

Aiseya 63:11

Wo kɔma, ala mɔgɛnu hɛnkili na ara to bilala ko-tenbini-kɔrɛnu ko. Anu hɛnkili tugura Musa la. Anu ko, “Mari min ya mabɛ mala kun-tiginu natɛgɛ kɔgɔ-yi la, wo ye mintɔ? Min ya ata Ni-Sɛnimɛ layigi mala mɔgɔ-banu kuma, wo ye mintɔ?”

Isikiyɛli 37:14

N si nna niyi don anu tɔ alako anu ni beli tun. Wo kɔma, n si a ma, anu ni ta sigi anuta nyamanɛ rɔ tun. Anu si a lɔn wo le ma ko Mari le nde la. Nta lanyiri le kɛ la, ado fɔ n ba a ma. Nde, Mari ara ban a fɔla.”

Isikiyɛli 39:29

N si duwa nta mɔgɛnu ye ka n niyi labɔn Isirɛla mɔgɛnu kuma, ado n ti anu boloka wo nya tun! Nde, anu Tigi Mari le wara kɛ fɔ.”

Sakaraya 12:10

A ko a si kinikinɛ anubɛ madiyalɛ ladon Mansa Dawuda kegeyɛnu anubɛ Yerusalɛm kɛnu yisi rɔ. Anu ya min tasɔgɔ-sɔgɔ ka a faga, anu ba wo yen anu yɛ la, anu ni na to kinikinina mɔgɛ wo ma ka di wola ko la biribiri iko anuna den kelan wa faga. Anu si di iko mɔgɔ wa foo a sarɛ la.

Luka 24:49

N fa ya lanyiri kiri min na, nde nyɛrɛ si wo lana wo ma. Kɔnɔ wo ni to Yerusalɛm fɔlɔn ha sɛnbɛ wo ni na ka bɔ san ma ka yigi wo kuma.”

Yɔni 7:39

Yisa ya kɛ fɔ ka a bɛn Allata Ni-Sɛnimɛla ko ma. Ni minnu dɛnkɛninyara a ma, wonu si niyi wo sɔrɔn. Nba, wo wati ya a taran, Alla ma ata Ni-Sɛnimɛ di wɛ mɔgɛnu ma nun bawo Yisa ma yɛlɛ bɛ san-kole rɔ a si ata gbiliyɛ sɔrɔn kan min.

Kɛwɔlɛnu 2:33

A yɛlɛta ka sigi Alla kɔɛn-nyimɛ rɔ. A ya Allala Ni-Sɛnimɛ sɔrɔn iko a Fa Alla ya lanyiri kiri a ye nya min, ado Alla ara ata Ni-Sɛnimɛ wo labɔn ma kuma iko wo ye min yenna kaka ka a lamɔɛn nya min.

2 Kɔrɛnti 3:8

Ado nfan, gbiliyɛ min bi nala Allata Ni-Sɛnimɛ baraka rɔ, wola koloyɛ si ma kama worɔ?