Aiseya 31:9 - ALLALA KUMƐ

⁹ Anuna mansɛ si a buri kilan bolo. A kɛlɛ-kurugbɛnu si anu buri ka nyina anuna tamasere falafalɛ ko. Mɔgɛnu si Mari min bato Yerusalɛm, minna saraka mintan tɛ ti dufen nyɔ mumɛ, wo kan le kɛ la.

Aiseya 31:9 ပူးပေါင်းရင်းမြစ်များ

Aiseya 10:16

Ma Tigi, Mari Sɛnbɛ-Bɛɛ-Tigi ko kɛlɛ-den bu lafanɛ minnu bi nyɔ, a si kiraya-fitinɛ lana wonu ma alako wonu si bara wao! A ko anu fɛrɛ-kaliyanɛ si to kodokodo, iko tɛ wa sigi fen na.

Aiseya 10:17

Alla min bi kala-malanyɛ la Isirɛla mɔgɛnu ye, wo ko a si ma ta-wɔnkɔrɔmɛ la. Isirɛla mɔgɛnuta Mari-sɛnimɛ si yɛlɛman ta-mɛlan la. A ko a si fan bɛɛ mintan tele kelen kɔrɔ hali wɔnɔ-firɛ.

Aiseya 11:10

Wati ye nala, mansa-kurɛ do si bɔ Dawuda bɔnsɔn rɔ, wo si ma tamasere la duninya bɛɛ ye. Sibolenu na si dɛn ata mansaya-soe burɔ ka nyɔ gbiliya.

Aiseya 13:2

Wo ni kɛlɛ-kura-falafalɛ layɛlɛ san ma kɔnkɔ-manunkunɛ kuma. Wo ni seren-seren wola kɛlɛ-dannu ye. Wo ni wo bole keri anu ye alako anu ni ta bui mɔgɔ-wasinɛnu ma Babilɔn soe burɔ.

Aiseya 17:13

Hali sibolenu bi tugula a rɔ Isirɛla kan ma wo nya, Alla wa anu makuma, anu si sɛgi anu kɔma iko fɔnyɔ wa gbangban kɔ, ni wo ma, iko tɔnkɔlɔn wa bin-gbalɛ fɔrɔn.

Aiseya 18:3

Duninya mɔgɛ bɛɛ, wo ni wo yɛ lata. Falafalɛ min bi tamasereyɛ la, wo ni wo yɛ lakalan wo ma kɔnkɛnu kuma. Wo ni wo tole masɔ buru-fɛ-kan la.

Aiseya 26:1

Wati ye nala, mɔgɛnu si to bɛti kɛ bɔla Yuda nyamanɛ rɔ. Mala soe ragbɛlɛ. Alla nyɛrɛ-nyɛrɛ ye ala tarɛ kumafunfanna.

Aiseya 27:7

Ale Mari ya Isirɛla mɔgɛnu yogenu tɔrɔ nya min, anu denu ma tɔrɛ sɔrɔn Mari bolo wo nya. Isirɛla ma foo kei-siyaman na iko anu yogenu.

Aiseya 29:6

Mari Sɛnbɛ-Bɛɛ-Tigi si na san-sɛran anubɛ dugu-yɛrɛyɛran la wo lakanan-koe la. Mari si wo lakisi fɔnyɔ anubɛ ta-wɛ la.

Aiseya 30:33

Mari ara ta-bondɔn ladan Asiriya mansɛ ye, bi ko ma, a si mintan kan min gburr! Nyɔ rayan, a kolo, a lafanɛ sɔgɛ la pim. Mari si tɛ lafɛ alako tɛ ni bira ale mansɛ la kiribo!

Aiseya 37:37

Woletɔ ale Sɛnakaribu sɛgira a kɔma Ninɛfa soe burɔ.

Aiseya 4:4

Mari si kiti sa ka Yuda nyamanita-mɔgɛnu sɛninya. Ata sɛnbɛ si Yerusalɛm yele ku a ma ka yiliki bɔ a ma.

Aiseya 5:26

Mari ye a kɔɛn kerila wula-yanna-sibolo-gbɛrɛnu ye alako wonu ni na. A ye anu kelela fululi rɔ alako anu ni na ka bɔ duninya-tonko-nanɛ bɛɛ rɔ, ado wo ma anu yen nala tiriya?

Aiseya 66:15

I ma Mari yen nala tɛ la a bolo? Marita kɛlɛ-dannu bi nala kirindi la anu bolo iko fɔn-digidigi-wɛ. A si a yogenu tɔrɔ ata fondo-bɔ-belebele la. A si anu tɔrɔ ta-mɛlan la.

Saraka-Masɔlɛnuta Tɔnnu 6:13

Kɔnɔ tɛ wo kana dufen hali doni bɛrɛni! (2) Dɛgɛ-Munku-Sarakɛnu

Sakaraya 2:5

I ni a fɔ a ye fanan ko Mari nyɛrɛ ko ale si ma ta-belebele la soe wola foolɛ rɔ iko tarɛ, alako a ni a kandan. A ko ale nyɛrɛ anubɛ ata wan-takɛ si a mayigi nyɔ.”

Malakayi 4:1

Mari Sɛnbɛ-Bɛɛ-Tigi ya a fɔ ko wati ye nala, mɔgɔ-wasinɛnu anubɛ karagbɛlɛ damasi si mintan gburr iko bin-gbalɛ.

Tɔn-Fɔɛ-Fila-Nyɔgɛ 32:31

Wo yogenu ya a lɔn ko fanka sa anuta bɛsɛnu na. Anuta farɛnu mani ma iko wota Fara-Kole Mari ye nya min.

Tɔn-Fɔɛ-Fila-Nyɔgɛ 32:37

Mari si wo manyinika worɔ ko, ‘Wola bɛsi-makawanɛ minnu bi wo bolo nun, wonu bi mintɔ kaka? Farɛ minnu bi wo yogenu bolo nun, wo lara minnu fanan na, wonu bi mintɔ?’