Aiseya 31:7 - ALLALA KUMƐ

⁷ Wati ye nala, wo dama si wola bɛsɛnu nakɛ-a-rɔ minnu nadannɛ sɛnɛ anubɛ wodi-gbɛ la, ado anu nadan wo bolo, hakɛ le wo la.

Aiseya 31:7 ပူးပေါင်းရင်းမြစ်များ

Aiseya 17:8

Anu ya saraka-mintan-tinɛ minnu nadan anu bole la, anu si tɛgɛ wonu tɔ kasikasi! Anuna bɛsi-musi min tɔgɛ Asɛra anubɛ wola isɛnti mintan tinɛnu, anu hayu ti taran wonu na tun!

Aiseya 2:20

Tele wo wa ke tumɛ min, anuna bɛsɛ minnu nadannɛ sɛnɛ anubɛ wodi-gbɛ la, mɔgɛnu si wonu nakɛ a rɔ. Anu si wonu to tula-gbɛnu anubɛ tosɛnu ye.

Aiseya 30:22

Wola bɛsɛ minnu makirinɛ sɛnɛ anubɛ wodi-gbɛ la, wo si wonu nafili a rɔ iko fen-gbalɛ ka a fɔ ko, “Bɔ n yakɔrɔ.”

Isikiyɛli 36:25

N si yi-sɛnimɛ purupuru anu ma alako anu ni sɛninya bɛsi-kɔ-koe anubɛ anu kɛ-nya-yogomɛ bɛɛ ma min bara anu natinya.

Hoseya 14:8

Wole Isirɛla mɔgɛnu ti wo bolo bila bɛsɛ ko rɔ tun. N si wola madiyalɛnu yabi ka wo fɛ-bira a kila-bɛrɛbɛrɛ fɛ. Wo kuma-tuwalɛ le nde la iko kɔlɔma min nɔrɔnnɛ yabu-yabu bawo wola duwa-kunyɛ mumɛ bɛɛ le nde la.”

Hoseya 8:11

“Wole Isirɛla mɔgɛnu bi tola saraka-mintan-tinɛnu nadanna nya min wo hakɛ makoto-koe ma, wo ye tola hakɛ-kɛ-tinɛnu nasiyayala wo nya na le.

Tɔn-Fɔɛ-Fila-Nyɔgɛ 7:25

Wo ni anuna bɛsɛnu mintan. Sɛnɛ anubɛ wodi-gbɛ minnu bi anuna bɛsɛnu ma, a sɔgɔ kana wo bira ka wonu bi. Ni wo ya wo ma, wo si ma gbalo la wo ye bawo wo ko-sunu ma di Alla ye hali doni bɛrɛni!