Aiseya 31:4 - ALLALA KUMƐ

⁴ Mari ya a fɔ nde, Aiseya ye ko hali saga-fɛ-biralɛnu gbele-gbelenta nya-wo-nya, anu ti ke yarɛ gbenna saga-faganɛ wo ma. A ko a ye wo nya na le fanani, ko anu ti ke tɔn sigila Mari Sɛnbɛ-Bɛɛ-Tigi ma ata kɔnkɔ-sɛnimɛ kandan-koe rɔ.

Aiseya 31:4 ပူးပေါင်းရင်းမြစ်များ

2 Ko-Kɔrɔta-Karan 20:15

Yahasayɛli wo ya a fɔ ko, “N tigi Mansa Yɛhosafati, wobɛ ila mɔgɛnu, wo ni wo tole masɔ. Yerusalɛm so-burɔ-mɔgɛnu wo, Yuda nyamanita-mɔgɛnu wo, Mari ko wo yisi ma kana gboya, ado wo kana kilan kɛlɛ-den-siyamɛ kɛnu na. Alla letan kɛlɛ kɛ la, woleta ma.

Bɔ-Koe-Iyipiti 14:14

Wo ni a makɔnɔ. Mari si wola kɛlɛ kɛ.”

Bɔ-Koe-Iyipiti 14:25

Mari le ya a ma, anuna kirindinu kian gbaranta nyɔ gbaku! Anu ta-koe mara kɔndɔfili la anu bolo. Woletɔ Iyipiti kɛnu ya a fɔ ko, “Ma ni ma bɔ yan kamasɔrɔn anuta Mari ye kɛlɛ kɛla anu ye.”

Aiseya 10:16

Ma Tigi, Mari Sɛnbɛ-Bɛɛ-Tigi ko kɛlɛ-den bu lafanɛ minnu bi nyɔ, a si kiraya-fitinɛ lana wonu ma alako wonu si bara wao! A ko anu fɛrɛ-kaliyanɛ si to kodokodo, iko tɛ wa sigi fen na.

Aiseya 12:6

Wole minnu siginɛ Yerusalɛm, wo ni wo kan mayɛlɛ bɛti bɔ tinɛ. Isirɛlata Alla makawara. A ye a mayigila ata mɔgɛnu tɛma.”

Aiseya 30:30

Mari si a ma, bɛɛ ni a nyɛrɛ kuman-kan-makilannɛ lamɔɛn. Bɛɛ si ata diminya-sɛnbɛ lɔn. A ta-mɛlɛn wo, a fɔn-digidigi-wa wo, a banda-kolo-wa wo, a gbɔrɔndɔ-yi wo, bɛɛ si wo yen a yɛ la.

Aiseya 30:32

Marita bosɛ tenbi anu tagbesila tumɛ min, yonbo-kan anubɛ bɔlon-kan ye tala anu nyɔgɔn fɛ. A si anu kɛlɛ ata kɛlɛ-kɛ-miran-sɛnbɛmɛnu na.

Aiseya 42:13

Mari si ta kɛlɛ-kɛ-tinɛ iko kɛlɛ-kurugbɛ! A rabɛnnɛ kɛlɛ-kan ma, ado kɛlɛ-sɔgɛ ye a la fanan. A ye tala mankan tugula a yogenu ma. A si ata sɛnbɛ yira a yogenu na.

Yɛrɛmaya 50:44

Mari ko a si a ma, Babilɔn kɛnu ni anu buri iko yarɛ wa bɔ Yorodan-ba-gbɔngbɔn rɔ ka a kun nabɔ kolo-fen de-nyini-tinɛ ma. Wo kɔma, Mari wa mɔgɛ min yabɔ, wo le ye nyamanɛ marala. Mari ko ale nyɔgɔn sa nyɔ. Yon si a kɔgɔ raka a la? Kun-tigi yon si ke a rasɛla?

Hoseya 11:10

“N ba nyɛɛ wo yogenu ma iko yarɛ min bi wɔrɔndɔla, wo si bila n fɛ. Wo si wo buri nala ka bɔ tele-yigi wara la.

Sakaraya 12:8

Wo wati wa ke, ale Mari si Yerusalɛm kɛnu nakanan. Hali minta ma gbɛlɛ, wo kole si gbɛlɛya iko Mansa Dawuda. A kegeyɛnu si sɔ kɛlɛ-dannu yarɔ iko ale Marita melika ye a mala nya min, Alla, kɔni.

Sakaraya 14:3

Wo kɔma, Mari si ta sibole kɛnu kɛlɛ iko a duruta a mala nya min nun.

Sakaraya 2:5

I ni a fɔ a ye fanan ko Mari nyɛrɛ ko ale si ma ta-belebele la soe wola foolɛ rɔ iko tarɛ, alako a ni a kandan. A ko ale nyɛrɛ anubɛ ata wan-takɛ si a mayigi nyɔ.”

Sakaraya 9:15

Mari Sɛnbɛ-Bɛɛ-Tigi si ma wo matanka-fan la. Wo si wo kɛlɛ-nyɔgɛnu nɔ lenfiran-kuri la. Wo si gbele-gbelen kɛlɛ-kɛ-tinɛ iko gbɛɛtoe. Wo si yele labɔ wo yogenu ma. Yele si yigi anu ma iko saraka-yele ye yigila nya min saraka-mintan-tinɛ tonko nanɛ ma.

Sakaraya 9:8

Kɔnɔ Mari si ala mɔgɛnu anubɛ a Bato-Bɔn kanan sibolo-gbɛrɛnu masibɛ ma. Ala mɔgɛnu yogo-wo-yogo ti anu nɔ tun bawo ale Mari ara a yen anu tɔrɔta anu bolo nya min.

Lankɛnimayɛ 10:3

A gbele-gbelenta a kan-bɛ la. A kuman-kan manɛ iko yarɛ-borondo-kan. A ban gbele-gbelenna tumɛ min, san-sɛrɛn wɔrɔnfilɛ ya a yabi wɔrɔnde la.

Lankɛnimayɛ 5:5

Nba, kɛmɔgɔ kelen ya a fɔ n ye ko, “I kana di! I yɛ lata! Yarɛ min bɔnɛ Yuda bɔnsɔn rɔ, Dawuda bɔnsɔn malɔnnɛ, kɔni, wo ara nɔ-koe sɔrɔn a yogenu ma. Wo si ke li-kɛɛn wɔrɔnfilɛ wonu bɔla gbolo-lamininɛ wo ma ka a lafulen.”