Aiseya 31:2 - ALLALA KUMƐ

² Mari wa kasarɛ lana tumɛ min, a ya a lɔn a ye min mala. Alla wa mɔgɔ-yogomɛnu anubɛ anu kumafunfannɛnu niyi-ragbɛrɛn-koe fɔ tuma-wo-tuma, a si a kan wo latɔnbagaya.

Aiseya 31:2 ပူးပေါင်းရင်းမြစ်များ

Yobu 12:13

kɔnɔ hɛnkilimayɛ anubɛ sɛnbɛ ye Alla le bolo. Min sanɛ wo kuma, wo le, ko-kɔrɔ-lɔn anubɛ makawandilɛ ye ale bolo.

Yobu 12:16

Sɛnbɛ anubɛ nɔlɛ ye Alla bolo. Bolo-labiralɛ anubɛ wo ye min bolo labirala, wonu bi a kɔɛn le tɔ.

Yobu 5:13

A si a ma, karagbɛlɛnu ni bira anu nyɛrɛta yili-lasiginɛ la. Minnu si anu nyɛrɛ ma hɛnkilimɛ la, Alla si wonuna ko-rabɛn yɛlɛma fufafuyi la.

Aiseya 1:4

Wole Isirɛla mɔgɛnu, hakɛ-tigi anubɛ ko-yogoma-kɛlɛnu le wole la. Gbalo ye wo kuma. Wola hakɛ ye tala wo lasɛgila wo kɔma. Wo ara wo ban Mari la, Isirɛlata Alla-sɛnimɛ, kɔni. Wo ara wo kan-kɔ sɔ a la.

Aiseya 14:20

Anu ma i togon iko mansɛ doinu bara togon nya min bawo i ya ila nyamanɛ kasara ka ila nyamanita-mɔgɛnu faga. I sɔn ye ila denbayɛ bɛɛsi bolo ma. Wo fenfen ti to a niyi la.

Aiseya 21:17

Hali a kalabɛn-lakɛla-wɛ minnu bi Kedari, wonu dande le si to anu niyi la. Ale Mari Isirɛlata Alla kan le kɛ la.

Aiseya 22:14

Ma Tigi Mari Sɛnbɛ-Bɛɛ-Tigi nyɛrɛ le ya a fɔ n ye ko fananta anu bi anu niyi la, a ti anu makoto anu sɔn-yogomɛ kɛla ko la muk! Ale Mari Sɛnbɛ-Bɛɛ-Tigi kan le kɛ la.

Aiseya 28:21

Mari ko a si kɛlɛ kɛ iko a ya kɛlɛ kɛ Pɛrasim kɔnkɛ ma Kibiyon lɛɛ rɔ nya min alako ata miriyɛ ni ma, hali hadama-den ma wo nya-yen. Hali ata wɔli-nya makawara nya-wo-nya, a si a ma tun!

Aiseya 28:29

Hɛnkili kɛ bɛɛ ye bɔla Mari Sɛnbɛ-Bɛɛ-Tigi le bolo. Ata miriya makawara. Hadama-den wo hadama-den ti ke ala kabana-koe lɔnna.

Aiseya 30:3

Kɔnɔ hali wo, a ko sɛnbɛ ti taran mansɛ wo bolo anu dɛnbɛn-koe rɔ, ado Iyipiti kɛnu bi anu kumafunfan minnu kɛla, a ko wo si a laban anu bolo kasarɛ ma.

Aiseya 30:7

Iyipiti kɛnu bi wo dɛnban min kɛla, fufafuyi le wo la. Woletɔ Mari ko a ya anu kele ko, “Ninkinanka-rakolɔn.”

Aiseya 31:3

Hadama-dan le Iyipiti kɛnu na dɔrɔn. Alla ma anu na. Soee dɔrɔn de anuna soeenu na. Mari wa ata sɛnbɛ lawɔli, nyamani-sɛnbɛmɛnu si tii mɛmɛ! Nyamani-nɛ minnu dunnɛ nyamani-wɛnu na anu dɛnbɛn-koe la, wonu fanan si tii nya-kun-kelen tɔ.

Aiseya 32:6

Kun-takolɔn si kuntanya-kumɛ le fɔ ka a miri ko-yogomɛnu ma. A kɛ-nya anubɛ a darɔ-kan, wo bɛɛ manɛ Alla manyini-fan le la. Mɔgɛ wo ti dɔgɔma di kɔnkɔtoe ma. A ti yi di kan-nagbalatoe ma.

Aiseya 45:7

A ko ale le ya pinpi ani fila waan dan. Ale le ye nala duwɛ anubɛ kasarɛ la. Ale Mari ko ale le wara kɛ dama ma.

Aiseya 9:17

Woletɔ Mari ti sɔn kemini-mɛsɛ wo fenfen kunyɛ ni bɔ a rɔ muk! Hali kelennɛnu anubɛ kɛɛ-nyaganɛnu, a ti kinikini wonu ma bawo Alla-lɔnbɛlɛ anubɛ karagbɛlɛ le mɔgɛ damasi la. Anu darɔ-kan bɛɛ yogo. Kɔnɔ hali wo, wo ti a ma, Marita fondo-bɔɛ ni ban. Ha bi, Mari kɔɛn kɔrɔbinɛ anu tɔrɔ-koe la.

Yɛrɛmaya 10:12

Alla ya duninya ladan ata fanka le la. A ya duninya ladan ata hɛnkilimayɛ le la. A ya san-kole rafulen ata ko nya-yen le la.

Yɛrɛmaya 10:7

Ile min bi duninya mumɛ kun na, a bɛnta, mɔgɛ bɛɛ ni ile le gbiliya. A bɛnta, anu ni i gbiliya yati! Hɛnkilima-siyaman bi nyɔ kɔnɔ mɔgɔ-wo-mɔgɔ hɛnkili ma gbɛrɛn itɛ rɔ.

Yɛrɛmaya 36:32

Woletɔ nde, Yɛrɛmaya ya gbole do bi ka a don nna sɛbɛli-kɛlɛ bolo. A ya wo bɛɛ sɛbɛ tɛrr! Wo le ya a ma, min bɛɛ sɛbɛnɛ gbolo-fɔlɔtɛ ma wo, anubɛ n ya min fɔ tɔ-a-la wo, Baruki ya wo bɛɛ sɛbɛ tun.

Isikiyɛli 29:6

Iyipiti kɛnu si a lɔn wo le ma ko Mari le nde la.” Mari ko, “Isirɛla mɔgɛnu hɛnkili latɛgɛnɛ Iyipiti kɛnu ma anu dɛnbɛn-koe rɔ kɔnɔ a mani de dɔrɔn iko puka-sewuri.

Emɔsi 3:6

Kɛlɛ-buri si fɛ soe burɔ, a ni to, mɔgɔ ma kilan? Soe do si halaki a nyɛrɛ ma, ni Mari ma sɔn min ma?

Sɛfanaya 3:8

Kɔnɔ Mari ko wo ni a makɔnɔ tun! Lunyɛ do, fɔ a wa sibole bɛɛ kiti. Mari ko a ara ban a latɛgɛla ko a si sibole bɛɛsi ladɛn alako anu ni ata diminyɛ-sɛnbɛ lɔn. A ko ata diminyɛ wo si ma tɛ la min si duninya mumɛ halaki.

Sakaraya 1:6

Ala wɔli-kɛlɛ wonu minnu bi ata nɛbiyɛ la, a ko wonu ya wo benbanu makawandi-siyaman kɛ ka tɔn fanan di anu ma kɔnɔ anu ya wonu kan bɔrɔbɔ ka tɔrɔya-belebele sɔrɔn. Wo kɔma, a ko anu ya anu sɔ anu hakɛ la ka a fɔ ko anu ya tɔrɔyɛ min sufa sɔrɔn Mari Sɛnbɛ-Bɛɛ-Tigi bolo, wo bɛnta le, yɔ, ado wo bɔra-a-la iko ale Mari ya a miri a ma nya min! Soeenu Yen-Koe

Yilan-Yilan Koe 10:35

Kɔnɔ ni anu bi tɔn-kenkirɛ bila tuma-wo-tuma ka ta, Musa si a kan mayɛlɛ ka a fɔ ko, “E, Mari, i lakɔɛnma ka i yogenu tanyɛnsɛn ma yarɔ. I ma di mɔgɛ minnu ye, wonu ni anu buri i kɔrɔ.”

Yilan-Yilan Koe 23:19

Alla sa iko mɔgɔni-finyɛ minnu si foninyɛ fɔ. A ti a miriya yɛlɛma iko hadama-dannu. A ya lanyiri kiri fenfenna ko la, a si wo ma, yɔ! Ni a kumara, a ara ban.

Matiyu 24:35

San-kole anubɛ dugu-kole si tenbi kɔnɔ nna kumɛ ti tenbi mumɛ!

Romu 16:27

Alla kelen pe min kelan ye hɛnkilimɛ la, alamɛ gbiliyɛ dira ale ma Yisa Kirasiti baraka rɔ habadan! Amina!

Yasowa 23:15

Kɔnɔ mata Mari Alla ya a tanɛ min sigi wo ye, ni wo ma ata tɔnnu bira, a si wo tɔrɔ.

Yude 1:25

Alla kelen pe, ma kisilɛ, kɔni, wotɛ ye mansayɛ anubɛ gbiliyɛ anubɛ sɛnbɛ la Yisa Kirasiti baraka rɔ kebi fɔlɔ ma, ha ka a sigi kaka la, ha habadan! Amina.

1 Samuwɛli 2:3

“Wo ni wo fara nyɛrɛ-kɔrɔbiyinu na. Mari Alla, wo le ya koe bɛɛ lɔn. Ale le ye mɔgɛnu kiti tɛgɛla.