Aiseya 31:1 - ALLALA KUMƐ

¹ Minnu bi tala Iyipiti anu dɛnbɛn-koe rɔ, gbalo ye wonu kuma. Anu lanɛ Iyipiti kɛnuna soeenu anubɛ anuna kirindinu anubɛ anuna kɛlɛ-kɛ-dannu na dɔgɔma-ma-de! Kɔnɔ Isirɛlata Mari Alla-sɛnimɛ, anu ma la ale la. Anu ti a manyinika anu dɛnbɛn-koe la.

Aiseya 31:1 ပူးပေါင်းရင်းမြစ်များ

Ko-Dabirɛnu 47:17

San kelan wo kɔrɔ, mɔgɛnu bi nala Yusufu wara anuna kolo-fannu na, saga wo, baa wo, ninki wo, sofɛlɛ wo, anubɛ anuna soeenu fanan ka anu felen dɔn-fannu na.

2 Ko-Kɔrɔta-Karan 16:7

Wo wati rɔ, Nɛbi Hanani tara Mansa Esa wara. A ya a fɔ a ye ko, “Bawo i wara i yigi sa Siriya mansɛ rɔ, i ma i yigi sa ita Mari Alla rɔ, wo le ya a to, tɔ-a-la, i ti nɔ-ko sɔrɔn Siriya mansɛ anubɛ ala kɛlɛ-dannu ma.

2 Ko-Kɔrɔta-Karan 16:9

Mari ye duninya mumɛ bɛɛ kumafɛlɛnna, ado a si ata sɛnbɛ di ata mɔgɔ-latelennɛnu ma. Mansɛ, i wara yuwayɛ kɛ. Ka a bi bi ma ha tumɛ min di ale ye, kɛlɛ ti bɔ i kun ma mumɛ!”

Yobu 39:11

Ile si ke i yigi sala sigi wo sɛnbɛ-wɛ kuma alako a ni ila wɔli-gbɛlɛmɛnu kɛ i ye?

Yaburi 20:7

Donu lanɛ anuna kɛlɛ-kɛ-kirindinu na. Donu fanan lanɛ anuna soeenu denu na. Kɔnɔ male lanɛ mata Mari Allata sɛnbɛ le la.

Aiseya 10:17

Alla min bi kala-malanyɛ la Isirɛla mɔgɛnu ye, wo ko a si ma ta-wɔnkɔrɔmɛ la. Isirɛla mɔgɛnuta Mari-sɛnimɛ si yɛlɛman ta-mɛlan la. A ko a si fan bɛɛ mintan tele kelen kɔrɔ hali wɔnɔ-firɛ.

Aiseya 2:7

Ila mɔgɛnuna nyamanɛ lafanɛ sɛnɛ anubɛ wodi-gbɛ la, ado fen-kolomɛnu ti ban anu bolo. Soeenubɛ kirindinu fanan ti ban anu bolo.

Aiseya 20:5

Mari ko minnu lanɛ Sudan kɛnu na, ni wo ma, ka Iyipiti kɛnu matɔgɔ, wonu si to kɔgɔrɔyɔlɔ yisi-tinya bolo.

Aiseya 22:11

Wo ya yi lamara tinɛ ladan soe dugu la alako wo si kantɔ-yi lamara min tɔ. Kɔnɔ wo ma wo tole masɔ Alla la muk! Bi ko ma, Alla ara ban kɛ bɛɛ miriyala nun, woletɔ a ara ma fanan.

Aiseya 30:16

Yanni wo ni wo ma, wo miriya bɛnnɛ ma fenfen ma fɔ ka wo sigi wola so-latirimɛnu na, ado wo ma foni. A ye nala a labanna wo le ma gben! Wola soee wonu ya anu buri nya-wo-nya, wo gbennɛnu bi anu burila wonu ko.

Aiseya 36:6

Ni wo yili-madiyanɛ Iyipiti mɔgɛnu denu ma wo dɛnbɛn-koe rɔ kɛlɛ rɔ, wonu mani de iko puka-gbalɛ min bi sewuruyɛ la bawo a si keri mɔgɔ bolo tɔ ka a tanban. Mɔgɔ-wo-mɔgɔ ya a lɛngbɛn Iyipiti mansɛ rɔ, a ye mala wo tigi la wo nya na le.

Aiseya 36:9

Hali kɛlɛ-den-kunyɛ min dɔgɔ ma rɔ, wo ti bɔ wo yakɔrɔ. Wole lanɛ a la ko Iyipiti kɛnu si soeenu anubɛ kirindinu nana wo dɛnbɛn-tinɛ kɛlɛ rɔ, wa?

Aiseya 43:15

A ko mata Mari Alla-sɛnimɛ le ale la. A ko ale le ya male Isirɛla mɔgɛnu dan ka ma mala mansɛ la.

Aiseya 5:12

Wo ye sɔrɔnnu anubɛ bɔlɔnnu anubɛ wasanbɛnu anubɛ fulinu kɛla-a-rɔ wola ladiyɛnu tɔ kɔnɔ katarala gbɛɛ, wo ye nyɔ duk! Wo ma a lɔn Mari ye min kun na lefan

Aiseya 57:9

Wo ye tuli anubɛ sɛnti-suma-diyamɛnu kɛla wo ma alako ka wola bɛsɛ Molɛki hɛnɛ. Wo ye mɔgɛnu natala wula-yannu na pon, hali lakira fanan alako wo si bɛsi-kurɛnu sɔrɔn nya min wo si minnu kɔ.

Aiseya 64:7

Mɔgɔ-wo-mɔgɔ sa min bi i batola. Hali ka ma dɛnbɛ, mɔgɔ-wo-mɔgɔ sa min si i manyinika. Ni i ya a yen, wo dama ye mala ma la bawo i wara i kan-kɔ sɔ ma la. Ma dama ara kasara ka a tɛgɛ ma hakɛnu ma.

Aiseya 9:12

Siriya minnu bi tele-bɔɛ wara la anubɛ Filisiti minnu bi tele-yigi wara la, wonu bara anu dɛ sa-a-ma fagba, Isirɛla mɔgɛnu dɔn-koe la. Kɔnɔ hali wo, wo ti a ma, Marita fondo-bɔɛ ni ban. Ha bi, Mari kɔɛn kɔrɔbinɛ anu tɔrɔ-koe la.

Aiseya 9:13

Hali Mari Sɛnbɛ-Bɛɛ-Tigi ara anu tɔrɔ, Isirɛla mɔgɛnu ma anu sɔ anu hakɛ la, ado anu ma sɔn anu ya-lamununna a la.

Yɛrɛmaya 17:5

Mari kan le kɛ la, a ko dankɛ ye wo tigi kuma min bi a yigi sala a hadama-den-nyɔgɛ rɔ, ado wo ye a tola mɔgɔ-bagbuyi anubɛ a sɛnbɛ dɔrɔn le ma ka a kan-kɔ sɔ Mari la.

Yɛrɛmaya 2:13

A ko wole, ata mɔgɛnu bara hakɛ-su fila kɛ. A fɔlɔtɛ, wo ya wo kan-kɔ sɔ ale Mari la, ale min bi tenke-nyimɛ la wo ye, kɔni. A fila nyɔgɛ, wo ara bila bɛsi-gbɛrɛkɛnu fɛ minnu manɛ iko mɔgɛ wa yi kɛ bɔnku-daga-ratiinɛnu tɔ.

Yɛrɛmaya 37:7

n ni sarakanɛ lake Mansa Sɛdɛkaya ma. A ko Iyipiti kɛlɛ-dannu bi kilɛ la ka na wo dɛnbɛ kɔnɔ anu bi sɛgila le tun.

Isikiyɛli 17:15

Kɔnɔ Yuda mansɛ wo murutiyara. A ya kilayɛnu nata Iyipiti nyamanɛ rɔ alako a ni kɛlɛ-soeenu anubɛ kɛlɛ-den-siyaman sɔrɔn. A si ke wo bɛɛ mala le, wa? Ade, a ti sarama-kan wo tinya, a tɔrɔbɛlɛ ni to!

Isikiyɛli 29:16

Isirɛla ti a yigi sa Iyipiti kuma ko-wo-ko la tun. Isirɛla mɔgɛnu ba Iyipiti tinya-bole yen, anu si a lɔn ko anu ya ko-yogomɛ le ma ka anu dun anu na. Wo si a ma, anu ni a lɔn ko anu Tigi le nde, Mari la.”

Daniyɛli 9:13

I ya ma tɔrɔ iko Musa ya a sɛbɛ ala tɔn-buku rɔ nya min. Kɔnɔ mata Mari Alla, ma ma ma raya ka duwɛ nyini i bolo ka fara mala hakɛnu na alako ma ni bila ita kila-telennɛ fɛ.

Hoseya 11:5

“Wo ya wo ban wo ya-lamununna n na woletɔ n ko fɔ wo wa ta Iyipiti, ado fɔ Asiriya wa sigi wo kun na.

Hoseya 11:9

N ti wo tɔrɔ nta diminya-belebele la. N ti Isirɛla kasara tun bawo nde, Alla le, hadama-den ma. Nde sɛninyanɛ wo tɛma, ado n diminyanɛ ti na wo wara.

Hoseya 14:3

Wo kɔma, wo ni a fɔ ko, “Asiriyanu ti ke ma lakisila. Mala kɛlɛ-kɛ-soeenu ti ke ma lakisila. Ma ti a fɔ tun ko bɛsɛ le mata Alla la.” Wo ni a fɔ ko, “E, Mari, i ni ma dɛnbɛ bawo ma mani de iko kelennɛ minnu bi dɛnbɛnɛ sɔrɔnna ile le bolo.”

Hoseya 7:7

“Wole karagbɛlɛnu bara wola kun-tigi faga wola koninteya-dogonnɛ la. Wo ara ban wola mansɛnu fagala kelen-kelenyɛ ma kɔnɔ anu do-wo-do ma nde, Mari manyinika dɛnbɛni-koe la.”

Habakuku 1:12

Mari, kebi fɔlɔ, Alla le ile la, ado ndeta Alla-sɛnimɛ le ile la, Habadan Alla, kɔni. Ile ye ma lakananna kɔnɔ yaga, i wara Babilɔn kɛnu fanka don alako anu ni ma tɔrɔ.

Habakuku 3:3

Ile Alla ye nala tun ka bɔ Idɔm nyamanɛ rɔ. Ile Alla min sɛnima, ile si na ka bɔ Paran kɔnkɔ nyamanɛ rɔ. Duninya anubɛ san-kole lafanɛ ile Allata kinyɛ la min si a ma, mɔgɛ bɛɛ ni i tanto dugu-kole bɛɛ kuma.

Sakaraya 10:5

A ko anu si nɔ-ko sɔrɔn iko kɛlɛ-dan minnu si anu yogenu matɔrɔngba bore rɔ. A ko anu si kɛlɛ kɛ bawo ale Mari ye anu fɛ. Hali kɛlɛ-dan minnu siginɛ soee la, anu si wonu nɔ.

Tɔn-Fɔɛ-Fila-Nyɔgɛ 17:16

Wo ye mansɛ min yabɔla ka a sigi wo kuma, a fɔlɔtɛ, a kana a raya ka soeenu nadɛn siyaman ata kɛlɛ-dannu ye. A kana mɔgɛnu nata so san tinɛ Iyipiti bawo Mari ya a fɔ ko Isirɛla mɔgɛnu kana sɛgi nyɔ tun mumɛ!

Tɔn-Fɔɛ-Fila-Nyɔgɛ 20:1

Musa ya Mari kuman-kan latenbi ko, “Wo wa ta wo yogenu kɛlɛ tinɛ, ni wo ya a yen ko anuna soeenu anubɛ anuna kirindinu siya wotɛnu ko, hali anuna kɛlɛ-dannu siya wotɛnu ko, wo kana kilan anu na. Wota Mari Alla min ya wo kisi ka wo labɔ Iyipiti, wo si to wo fɛ.