Aiseya 30:7 - ALLALA KUMƐ

⁷ Iyipiti kɛnu bi wo dɛnban min kɛla, fufafuyi le wo la. Woletɔ Mari ko a ya anu kele ko, “Ninkinanka-rakolɔn.”

Aiseya 30:7 ပူးပေါင်းရင်းမြစ်များ

Yobu 9:13

Allata diminyɛ dan sa. Hali kɔgɔ-yi-nyinɛ minnu bi ninkinankɛ dɛnbɛna, wonu si anu madu a kɔrɔ.

Yaburi 87:4

Alla ko sibole minnu bi a kan tola a gbɛ rɔ, a wa wonu tɔgɛ rakele, Iyipiti anubɛ Babilɔn si taran wonu tɛma. Filisitinu wo, Sudan kɛnu wo, anubɛ Taya kɛnu, a si wonubɛ Yerusalɛm kɛnu dan anu nyɔgɔn fɛ.

Yaburi 89:10

Ninkinankɛ min tɔgɛ Rehabi, i ya wo gbesi a rɔ ka a faga. I ya i yogenu tanyɛnsɛn i kɔɛn-sɛnbɛmɛ la.

Bɔ-Koe-Iyipiti 14:13

Musa ya a fɔ mɔgɛnu ye ko, “Wo kana kilan. Mari si na wo tanka nya min bi, wo ni wo sɔ ka wo ragbɛ. Wo si ma sereyɛ la wo ye. Wo ara Iyipiti kɛ minnu yen kɛ la, wo ti wonu yen kɛ kɔma tun.

Hɛnkilimaya-Kumɛnu 25:19

Ka la mɔgɔ-lanayabɛlɛ la yakɔrɔ-mamɔɛ rɔ, wo mani de iko mɔgɛ min bi fen dɔnna a nyin-yɔgɔ-yɔgɔnɛ la. A mani de fanan iko mɔgɛ tenbi a tonkanna a kin-namara la.

Aiseya 10:3

Alla wa a lasɔ wole tɔrɔla, wo si nfen ma gbɛ? A wa kasarɛ lana wo kuma ka bɔ nyamani-yan rɔ, wo si na nfen ma? Wo burimatoe si ta yon bara wo dɛnbɛn-koe rɔ? Wo si wola fen-da-gbɛlɛnu dogon mintɔ?

Aiseya 2:22

Wo kana lanaya sa hadama-dan rɔ tun! Tɔnɔ-wo-tɔnɔ sa wo la.

Aiseya 20:6

Wo wati wa ke, mɔgɛ minnu siginɛ Filisiti nyamanɛ rɔ kɔgɔ-yi dafɛ, Mari ko wonu si a fɔ ko, “Ma lanɛ minnu na ko anu si ma lakanan Asiriyanu masibɛ ma, wo ni wo yɛ lata anu bi nya min kaka. Male si ke kisila kama gbɛ?”

Aiseya 28:12

Mari ye lafɛrɛ anubɛ ko-nyimɛ dila wo ma nun kɔnɔ wo ya wo ban wo la a bolo.

Aiseya 30:15

Ma Tigi Mari, Isirɛlata Alla-sɛnimɛ, kɔni, wo ye a fɔla mɔgɛnu ye ko wo ni wo gbɛrɛn ale ma ka la a la. A ko wo kɔma, wo si sɛnbɛ sɔrɔn ka sigi lafɛrɛ rɔ. Kɔnɔ wo ma sɔn lala a la.

Aiseya 30:5

a ko anu yisi si tinya bawo anu lara nyamanɛ wo le dɔrɔn na anu kisi-koe rɔ, ado a ko anu miri anu dɛnbɛn-koe ma nyamanɛ wo min bolo, wo si anu baya.

Aiseya 36:9

Hali kɛlɛ-den-kunyɛ min dɔgɔ ma rɔ, wo ti bɔ wo yakɔrɔ. Wole lanɛ a la ko Iyipiti kɛnu si soeenu anubɛ kirindinu nana wo dɛnbɛn-tinɛ kɛlɛ rɔ, wa?

Aiseya 51:9

Mari, i yandi, kunden. I ni ma dɛnbɛ. Ita sɛnbɛ lawɔli ka ma kisi. Wɔli iko i duruta a mala kɔrɔma la nya min. Ile le ya ninkinankɛ ratɛgɛtɛgɛ fɔlɔ nun.

Aiseya 7:4

A ko n ni a fɔ mansɛ ye ko a kana kilan. A yisi ni kimɛ poi! A ni a yɛ bɛn Alla ma. Mansa Risen anubɛ ala Siriya kɛlɛ-dannu wo, anubɛ Mansa Peka wo, a ko wonuta yisi-bɔ-masibɛ ma yogo ka ke sɔgɔ-kundu fila sisi rɔ.

Yɛrɛmaya 37:7

n ni sarakanɛ lake Mansa Sɛdɛkaya ma. A ko Iyipiti kɛlɛ-dannu bi kilɛ la ka na wo dɛnbɛ kɔnɔ anu bi sɛgila le tun.

Nimisa Koe 3:26

Min fisa, fɔ ka i munyu alako Mari si na ma lakisi nya min.

Hoseya 5:13

Mari ko Yuda anubɛ Isirɛla ya a yen min kɛ ko anu ma kɛndɛ, wole Isirɛla mɔgɛnu tara Asiriya mansɛ wara a dandan-koe rɔ kɔnɔ wo ma ke wole, Isirɛla mɔgɛnu dandanna.