Aiseya 30:4 - ALLALA KUMƐ

⁴ Hali Yuda nyamanɛ-yɛnu bara ban kela Sowan anubɛ Hanasi soenu burɔ Iyipiti nyamanɛ rɔ,

Aiseya 30:4 ပူးပေါင်းရင်းမြစ်များ

2 Mansɛnu 17:4

Kɔnɔ san do la, Mansa Hoseya ya kilayɛ lata Iyipiti mansɛ ma Sasi soe burɔ alako wo ni na a dɛnbɛ kɛlɛ la. San wo nyɛrɛ la, a ma sɔn a kunka-fen-wo-fenfen latala Asiriya mansɛ ma. Mansa Salamanisa ya wo lɔn min kɛ ko Mansa Hoseya ye a yanfa tinɛ le, a ya a ma, anu ya ale Mansa Hoseya bira ka a ladon yele la.

Yaburi 78:12

Ma benbanu yɛ bɛnnɛ Alla ma tumɛ min, a ya ata kabana-koenu ma. A ya wonu ma Sowan gbɛkole rɔ Iyipiti nyamanɛ rɔ.

Aiseya 19:11

Kun-takolɔn le Sowan so-burɔ mɔgɔ-banu na. Kun-takolonya-hɛnkili le ye Iyipiti mansɛla mɔgɔ-ba-hɛnkilimɛnu bolo. Anu bi a fɔɛ min kɛla Iyipiti mansɛ ye ko anu denu benba le fɔlɔ-mɔgɔ-ba-hɛnkilimɛnu na, yabatoya-kumɛ le wo la anu bolo.

Aiseya 57:9

Wo ye tuli anubɛ sɛnti-suma-diyamɛnu kɛla wo ma alako ka wola bɛsɛ Molɛki hɛnɛ. Wo ye mɔgɛnu natala wula-yannu na pon, hali lakira fanan alako wo si bɛsi-kurɛnu sɔrɔn nya min wo si minnu kɔ.

Yɛrɛmaya 43:7

Anu ya Marita kumɛ tinya ka ta ma la anu bolo fɔɔ Tapanisi soe burɔ Iyipiti nyamanɛ rɔ.

Yɛrɛmaya 49:14

Nde, Yɛrɛmaya ya a lamɔɛn Mari la ko a ara kilayɛ lata sibolenu ma ko anu ni anu kundɛn Idɔm kɛnu kɛlɛ-koe ma.

Isikiyɛli 30:14

N si Iyipiti dugulɛ ma tonbɔn la. N si tɛ tugu Sowa soe la min bi Iyipiti kan tɔ. Anuna so-karantan min tɔgɛ Tibisi, n si wo tɔrɔ feu!

Isikiyɛli 30:18

N ba Iyipiti fanka keri, pinpi si burun Tapenisi soe kun na bɛff! Anu wasinɛ anuna fanka minnu tɔ, n si tɔn sigi wonu na. Banda-finyɛ si Iyipiti mumɛ yamatogon bɛff! So-burɔ-mɔgɛ bɛɛ si to biralɛ rɔ.

Hoseya 7:16

Wo ye wo kan-kɔ donna n na ka ta bɛsɛnu bara la, sɛ sa minnu ye. Ni mɔgɛ si la kalabɛn tadunɛ la, mani mɔgɛ si la wole la. Wola kun-tiginu mɔnima-faga si kɛ bawo mankan-tugu-kan le ye anu da rɔ, ado Iyipiti kɛnu si na wo mayɛlɛn.”

Hɔbadaya 1:1

Mari Sɛnbɛ-Bɛɛ-Tigi ya kumɛ kɛ le fɔ nde, Nɛbi Hɔbadaya ye Idɔm nyamanita-mɔgɛnu wara-koela ko la. Mari ya mɔgɛ do sɔ ka kuma sibolo-siyamɛnu ye, ado ma ara kumɛ wo lamɔɛn. A ko, “Wo ni wo rabɛn ka ta bui Idɔm mɔgɛnu ma.”