Aiseya 30:33 - ALLALA KUMƐ

³³ Mari ara ta-bondɔn ladan Asiriya mansɛ ye, bi ko ma, a si mintan kan min gburr! Nyɔ rayan, a kolo, a lafanɛ sɔgɛ la pim. Mari si tɛ lafɛ alako tɛ ni bira ale mansɛ la kiribo!

Aiseya 30:33 ပူးပေါင်းရင်းမြစ်များ

Ko-Dabirɛnu 19:24

Mari ya munku-gbɛ anubɛ tɛ layigi iko bandɛ ka bɔ san-kole rɔ Sɔdɔm anubɛ Kɔmɔra kuma.

2 Mansɛnu 23:10

Alla-batobɛlɛnuna kɔ tinɛ min tɔgɛ Tofɛti, ale Mansa Yosaya tara wo latinya Hinom lɛɛ rɔ. A ya wo ma alako mɔgɛnu kana na anuna dannu mintan anuna bɛsi Molɛki ye nyɔ.

Yobu 4:9

Alla wa anu fɛ, anu si halaki. Ni Alla fonde bɔra, anu si kasara.

Aiseya 10:17

Alla min bi kala-malanyɛ la Isirɛla mɔgɛnu ye, wo ko a si ma ta-wɔnkɔrɔmɛ la. Isirɛla mɔgɛnuta Mari-sɛnimɛ si yɛlɛman ta-mɛlan la. A ko a si fan bɛɛ mintan tele kelen kɔrɔ hali wɔnɔ-firɛ.

Aiseya 11:4

A si bolo-kolɔnnu kiti telenbagayɛ la. A si mɔgɔ-tɔrɔnɛnu dɛnbɛn anu yoe wara-koe rɔ. A wa ban min yilikila, wonu si tɔrɔyɛ le sɔrɔn, ado a si wunduyogenu faga.

Aiseya 31:9

Anuna mansɛ si a buri kilan bolo. A kɛlɛ-kurugbɛnu si anu buri ka nyina anuna tamasere falafalɛ ko. Mɔgɛnu si Mari min bato Yerusalɛm, minna saraka mintan tɛ ti dufen nyɔ mumɛ, wo kan le kɛ la.

Aiseya 33:14

Yerusalɛm hakɛ-tiginu bi yɛrɛyɛrɛnna kilan bolo. Anu bi a fɔla ko, “Marita kiti mani de iko tɛ min ti sa mumɛ! Ta-sufa wo si male do to a niyi la?”

Aiseya 34:9

Idɔm bɛnu si ma nagatikali, iko kolota. Nyɔ-dugi si yɛlɛma munku-gbɛ la. Nyamanɛ wo mumɛ si mintan iko ta-yi le rawuyanɛ a ma.

Aiseya 37:38

Lunyɛ do, ale Sɛnakaribu ye ala Bɛsi Nisirɔki kɔ tinɛ tumɛ min, ala den fila Adamɛlɛki anubɛ Sarisa tara anu fa wo faga nyɔ. Wonu ya anu buri tala Ararati nyamanɛ rɔ. Ala dan do min tɔgɛ Isahadɔn, wo sigira a gbɛ rɔ.

Aiseya 66:15

I ma Mari yen nala tɛ la a bolo? Marita kɛlɛ-dannu bi nala kirindi la anu bolo iko fɔn-digidigi-wɛ. A si a yogenu tɔrɔ ata fondo-bɔ-belebele la. A si anu tɔrɔ ta-mɛlan la.

Yɛrɛmaya 19:6

Mari ko wo ni a ma wo fɛrɛma. Tumɛ ye nala mɔgɛnu ti bɛsi-kɔ-tinɛ kɛ kele ko Tofɛti. Anu ti yan kele tun ko Bɛn-Hinɔm lɛɛ. Anu si a kele ko Mɔgɛ-Faga-Lɛɛ.

Yɛrɛmaya 4:4

Wo ni wo nyɛrɛ dantɛgɛ Marita wɔlɛ ma. Wo ni ala kumɛ bira wo yisi bɛɛ la. Wole Yerusalɛm kɛnu anubɛ Yuda nyamanta-mɔgɛ bɛɛ, Mari ko wo ni kɛnu ma. A ko ni wo tantanta kɛ do ma, a si wo halaki ata fondo-bɔɛ la min manɛ iko tɛ, ado mɔgɔ ti ke tɛ wo ladufenna ka a tɛgɛ wo sɔn-yogomɛla ko ma.

Isikiyɛli 21:31

N ba nna diminyɛ labɔ wo ma iko ta-mɛlan, wo si a lɔn. N si wo kunyɛ don yisi-gbɛlɛtenu bolo minnu si wo faga boloko-yogomɛ-kɛ.

Daniyɛli 11:36

“Min ba diya ale Siriya mansɛ ye, a ye wo le mala. A si a wasi a la ko ale kolo bɛsɛ bɛɛ ko hali Alla nyɛrɛ Min Bi Fan Bɛɛ Kun Na. A si to a sɔn kɛ kun na furr, ha a tɔrɔya-wati ni ke Alla bolo. Alla si a latɛgɛ iko a miriyanɛ ye nya min.

Daniyɛli 7:10

Tɛ ye bɔla waganɛ wo kɔrɔ iko ba-yi. Melika-wulu-yirika-siyaman sɔnɛ a yakɔrɔ. Wonu bi ata wɔlɛ kɛla. Kiti-tɛgɛlɛnu ya anu sigi ka kiti-sa-bukunu dɛ laka.

Matiyu 25:41

“Wo kɔma, minnu bi n maran rɔ, n si a fɔ wonu ye ko, ‘Wo ni wo bɔ n fɛ, wole min bi Allala dankɛ kɔrɔ! Wo ta habadan-tɛ rɔ min tabɛnnɛ Setanɛ anubɛ ata melikanu ye!

Matiyu 4:22

Tiriyante wo rɔ, anu ya anu fa anubɛ anuna kulɔn boloka ka bila Yisa fɛ.

Tɔn-Fɔɛ-Fila-Nyɔgɛ 4:24

bawo wota Mari Alla mani de iko ta-wɔnkɔrɔmɛ. A sa nyinina a ma ko fenfen ni a senaya.

Hiburunu 13:8

Yisa Kirasiti ye nya min kunu, a ye wo nya na bi, ado a si to wo nya na burubukai!

1 Pita 1:8

Wo ma Yisa yen bɛ kɔnɔ wo ara a keni. Wo ma a yen bɛ wo yɛ la, hali wo, wo dɛnkɛninyanɛ a ma. Woletɔ wo ye nyagalenna ka sewa-makawani-wɛ kɛ, hadama-dan dɛ ti ke min fɔla.

Yude 1:4

ado Alla-lɔnbɛlɛ donu bara basan ma la kewuyɛ la anu bolo. Anu bi a fɔla ko kinikinɛ ye Alla rɔ min kɛ, anu ba ko-sufa-bɛɛ ladan, Alla ti anu yiliki. Anu ya anu ban Yisa Kirasiti la, ma tigi anubɛ Mari kelen pe, kɔni. Anu bara yilikiyi min sɔrɔn, Allala kitabu ya wola koe fɔ kebi fɔlɔ.