Aiseya 30:30 - ALLALA KUMƐ

³⁰ Mari si a ma, bɛɛ ni a nyɛrɛ kuman-kan-makilannɛ lamɔɛn. Bɛɛ si ata diminya-sɛnbɛ lɔn. A ta-mɛlɛn wo, a fɔn-digidigi-wa wo, a banda-kolo-wa wo, a gbɔrɔndɔ-yi wo, bɛɛ si wo yen a yɛ la.

Aiseya 30:30 ပူးပေါင်းရင်းမြစ်များ

Yobu 38:22

Banda-kolenu namaranɛ n bolo kan min, i wara ke nyɔ nun? Yi-kole la si dɛn kan min, i ya nyɔ lɔn?

Yobu 38:23

Wonu namaranɛ n bolo tɔrɔya-watila ko la. Anu tabɛnnɛ kɛlɛ-kɛ-watila ko la.

Yobu 40:9

I ragbɛlɛ iko nde? I kuman-kan si ma san-sɛran la iko ndetɛ, wa?

Yaburi 2:5

Wo kɔma, a fondo-bɔnɛ ye anu makumala. Ata diminyɛ ye anu kumakɔla.

Yaburi 46:6

Kɔnɔ sibolo-gbɛrɛ doinu, wonu bi kilanna kumakɔɛ bolo dɔgɔma-ma-de! Nyamanɛ doinu ta ye magala. Alla tenbi kumala iko san wa sɛrɛn, wo si a ma, dugi ni lee bandin!

Yaburi 98:1

Wo ni bɛti-kurɛ bɔ Mari ye bawo a ara kabana-koenu kɛ ma ye. A kelen peta sɛnbɛ le ya a ma, a ya nɔ-ko sɔrɔn.

Bɔ-Koe-Iyipiti 15:16

Kilan si wara anu tɔ. Anu ta si faga kuluba! Anu bi ita sɛnbɛ yenna min kɛ, anu si to anu gbɛ rɔ iko kuru-kundi ha ma ni ban tenbila, i wara male minnu kunka yɔɔnyɛ rɔ kɛ la, kɔni.

Bɔ-Koe-Iyipiti 9:23

Musa ya ala sewuri rasagan san ma. San tora sɛrɛnna. Banda-kole anubɛ sangbalamɛ tora yigila dugi ma Iyipiti nyamanɛ kan tinɛ bɛɛ rɔ.

Bɔ-Koe-Iyipiti 9:24

Woletɔ banda-kole anubɛ sangbalamɛ tora yigila ka yogoya. Kebi Iyipiti ko dabirara, wo nyɔgɔn ma ke bɛ nyamanɛ wo rɔ.

Aiseya 10:16

Ma Tigi, Mari Sɛnbɛ-Bɛɛ-Tigi ko kɛlɛ-den bu lafanɛ minnu bi nyɔ, a si kiraya-fitinɛ lana wonu ma alako wonu si bara wao! A ko anu fɛrɛ-kaliyanɛ si to kodokodo, iko tɛ wa sigi fen na.

Aiseya 10:26

A ko a si anu natɛn gbɛn la iko a ya Midiyannu natɛn gbɛn la nya min Ɔrɛbu kuri dafɛ. A si anu tɔrɔ iko a ya Iyipiti kɛnu tɔrɔ nya min nun Kɔgɔ-Yi-Wulan dala.

Aiseya 10:5

Mari ko wole Asiriya kɛnu! A ko a fonde bɔnɛ mɔgɛ minnu kan ma, a si wole bi ka wo ma gbelekɛ la anu kɛlɛ tinɛ.

Aiseya 28:2

Mari ara ban sibole do yisi-kɔrɔ tugula anu kɛlɛ-koe la. Wonu si na anu magbenna iko fɔn-belebele-wɛ, ado wonu si nyamanɛ mumɛ makɔ iko gboron-gboronna-yi.

Aiseya 29:6

Mari Sɛnbɛ-Bɛɛ-Tigi si na san-sɛran anubɛ dugu-yɛrɛyɛran la wo lakanan-koe la. Mari si wo lakisi fɔnyɔ anubɛ ta-wɛ la.

Aiseya 30:29

Kɔnɔ wole Allata mɔgɛnu, wo si sewa-siginu sa iko wo duruta a mala wola ladiya-sɛnimɛnu kuma nya min. Wo si nyagalen iko wo tenbi tala Mari Bato-Bɔn la fuli kɛnɛ a rɔ. Isirɛlata farɛ le ale Mari la.

Aiseya 30:31

Asiriyanu ba Mari kan lamɔɛn ka ata diminya-sɛnbɛ lɔn, anu kun ma si kɔ kilan bolo.

Aiseya 31:4

Mari ya a fɔ nde, Aiseya ye ko hali saga-fɛ-biralɛnu gbele-gbelenta nya-wo-nya, anu ti ke yarɛ gbenna saga-faganɛ wo ma. A ko a ye wo nya na le fanani, ko anu ti ke tɔn sigila Mari Sɛnbɛ-Bɛɛ-Tigi ma ata kɔnkɔ-sɛnimɛ kandan-koe rɔ.

Aiseya 32:19

Hali banda-kole wa wola gbɔngbɔnnu takerikeri ka wola soenu tinya,

Aiseya 33:14

Yerusalɛm hakɛ-tiginu bi yɛrɛyɛrɛnna kilan bolo. Anu bi a fɔla ko, “Marita kiti mani de iko tɛ min ti sa mumɛ! Ta-sufa wo si male do to a niyi la?”

Aiseya 4:6

Ata gbiliyɛ si ma ninɛ la soe ye ka a tɛgɛ telela ko ma. Nyɔ si ma kan-tina-latankanɛ la. Gbɔrɔndɛ anubɛ fɔnyɔ ti ke nyɔ ma.

Aiseya 51:9

Mari, i yandi, kunden. I ni ma dɛnbɛ. Ita sɛnbɛ lawɔli ka ma kisi. Wɔli iko i duruta a mala kɔrɔma la nya min. Ile le ya ninkinankɛ ratɛgɛtɛgɛ fɔlɔ nun.

Aiseya 52:10

Mari si ata sɛnbɛ-sɛnimɛ lawɔli ala mɔgɛnu kisi tinɛ. Kɛ si ma duninya-mɔgɛ bɛɛ ya la.

Aiseya 62:8

Mari ara yili-madiyɛ kɛ. A si lanyiri wo latɔnbagaya ata sɛnbɛ la. A ko a ti wola dɔn-fannu di wo yogenu ma tun. Wo ara tɔrɔ minni-fan min sɔrɔn la, a ti sɔn sundannu ni wo min tun muk!

Aiseya 66:15

I ma Mari yen nala tɛ la a bolo? Marita kɛlɛ-dannu bi nala kirindi la anu bolo iko fɔn-digidigi-wɛ. A si a yogenu tɔrɔ ata fondo-bɔ-belebele la. A si anu tɔrɔ ta-mɛlan la.

Aiseya 66:16

Mari si kiti tɛgɛ tɛ la. A si hadama-dan bɛɛ tɔrɔ faan la, ado a ye minnu wara-koe kala-a-la, wonu denu siya.

Yɛrɛmaya 25:32

Mari Sɛnbɛ-Bɛɛ-Tigi ko kasarɛ si to bɔla nyamanɛ do rɔ ka ta nyamanɛ do rɔ. A si ta iko banda-fin-fɔn-bɛ ha ka ke wula-yanna-nyamanɛnu ma duninya bɛɛ rɔ.

Isikiyɛli 10:5

Hali mɔgɛ tenbi kata kɔma, i si nima-fan wonu kanban-tagbesi-kan lamɔɛn. A kuman-kan kolo iko Alla Sɛnbɛ-Bɛɛ-Tigi kan.

Isikiyɛli 13:13

“Nde, wo Tigi Mari ko nta yisi-bɔɛ si fɔn-belebele-wɛ latugu tarɛ wo ma. Wo kɔma, n ni banda-belebele-wɛ lana. N si banda-kole fanan nabui tarɛ wo ma. A ni yigi a rɔ biribiri!

Yowɛli 2:5

Anu tenbi kɔnkɔ yigi-ni-yɛlɛ kɛla, anu ta-kan ye bɔla iko kirindinu. Anu sɔnkɔ-kan ye tala bɔla iko tɛ tenbi kalɛ la. Anu tabɛnnɛ sɔnɛ anu sansan-yili ma kɛlɛ-kɛ-koe la.

Emɔsi 1:14

Wo sɔn, wonu denu bi a mala, a ye tɛ layigila wola soe kuma, Raba, kɔni, ka anubɛ a tarɛ mintan gburr! Wo wati rɔ, sɔnkɔ-sɔnkɔ anubɛ kɛlɛ si taran nyɔ rɔ. Kɛlɛ si gbɛlɛya wo kuma iko banda-fin-fɔnyɔ.

Maika 1:4

Kɔnkɛnu si lee a tontɛ kɔrɔ iko mɔgɔ wa kɛɛn sa tɛ rɔ. Kɔnkɔ-leenɛ wonu si to yigila folo-wɛnu tɔ iko gboron-gboronna-yi.”

Matiyu 24:7

Sibolo-gbɛrɛnu si wuli anu nyɔgɔn kan ma. Nyamanɛnu si wuli anu nyɔgɔn kan ma. Kɔnkɔ-fitinɛ si na. Dugu-yɛrɛyɛran si kɛ kan tina siyaman tɔ.

Luka 1:51

Alla ara a kɔɛn-sɛnbɛmɛ rasagan ka mɔgɔ-wasinɛnu tanyɛnsɛn anubɛ anuna miriya bɛɛ.

2 Tɛsalonaika 1:8

ta-mɛlan la. A si Alla-lɔnbɛlɛnu tɔrɔ anubɛ minnu ma sɔn ma Mari Yisa, Allata-Mɔgɔ-Yabɔnɛta kibara-nyimɛ bira-koe ma.

Yasowa 10:10

Mari ya a ma, Amora mɔgɛnu kilanta bɛrɛkɛ ha anu kumakɔra. Woletɔ Isirɛla mɔgɛnu ya Amora mɔgɛ wonu siyaman faga Kibiyon soe rɔ. Isirɛla mɔgɛnu ya anu gben kilɛ la kɔnkɛnu tɔ Bɛti-Hɔrɔn soe dafɛ ha ka ke Asika soe ha Makida soe ma.

Yasowa 10:11

Amora mɔgɛnu bi anu burila tumɛ min ka yigi kɔnkɛ la, Mari ya banda-kolo-wɛ layigi anu kuma ha anu kera Asika soe ma. Banda-kolo-wɛ wonu ya mɔgɔ-siyaman faga. Isirɛla mɔgɛnu ya Amora mɔgɔ-siyaman faga kɔnɔ banda-kole wonu ya Amora mɔgɔ siyaman faga ka tenbi Isirɛlata kɛlɛ-dannutɛ la.

Lankɛnimayɛ 1:15

A kiannu bi malan-malanna iko sila-laleenɛ min kaganɛ. A kuman-kan manɛ iko wasa-sɛnbɛlamɛ.

Lankɛnimayɛ 11:19

Alla-Bato-Bɔn min bi Arinyɛni tɔ, wo lakara. Tɔn-kenkirɛ ye kan min, bɛɛ si ke wo yenna Alla-Bato-Bɔn wo la. Wo kɔma, bandɛ ya a nyin masɔgɔ. A tugura. San serenta. Dugu yɛrɛyɛrɛnta. Banda-kolo-wɛnu buira.

1 Samuwɛli 7:10

Wulɔn-tele kelan, Samuwɛli ye sarakɛ wo bɔla, Filisitinu nara kɛ Isirɛla mɔgɛnu ma. Wati kelan wo rɔ, Mari ya san-gbalamɛ layigi Filisiti wonu ma ka anu kumakɔ. Anu tanyɛnsɛnta.