Aiseya 30:2 - ALLALA KUMƐ

² A ko anu bi anu burila tala Iyipiti anu dɛnbɛn-koe rɔ, anu ma ale Mari fɔlɔn manyinika. Anu bara anu wara-koe bɛɛ to Iyipiti mansɛ ma alako ata kɛlɛ-dannu si anu natanka nya min.

Aiseya 30:2 ပူးပေါင်းရင်းမြစ်များ

1 Mansɛnu 22:7

Kɔnɔ Yuda Mansa Yɛhosafati ya a manyinika tun ko, “Nɛbi-gbɛrɛkɛ sa nyɔ rɔ min si Mari manyinika ma ye?”

2 Mansɛnu 17:4

Kɔnɔ san do la, Mansa Hoseya ya kilayɛ lata Iyipiti mansɛ ma Sasi soe burɔ alako wo ni na a dɛnbɛ kɛlɛ la. San wo nyɛrɛ la, a ma sɔn a kunka-fen-wo-fenfen latala Asiriya mansɛ ma. Mansa Salamanisa ya wo lɔn min kɛ ko Mansa Hoseya ye a yanfa tinɛ le, a ya a ma, anu ya ale Mansa Hoseya bira ka a ladon yele la.

2 Mansɛnu 18:21

Ni wo yili-madiyanɛ Iyipiti mɔgɛnu denu na wo dɛnbɛn-koe la kɛlɛ rɔ, wonu mani de iko puka-gbalɛ sewuruyɛ la bawo a si keri mɔgɛ bolo tɔ ka a tanban. Mɔgɔ-wo-mɔgɔ ya a lɛngbɛn Iyipiti mansɛ rɔ, a ye mala wo tigi la wo nya na le.

Aiseya 16:3

Kilayɛ wonu ya a fɔ Yuda kɛnu ye ko, “Ma si min ma, wo ni wo fɔ ma ye. Ma ni taran wo kɔrɔ iko mɔgɛ tenbi kɔlɔma-ninɛ kɔrɔ taraba-tele-wati. Kɛlɛ-kɔrɔ-burilɛ le male la. Wo ni ma dogon kan do rɔ, mɔgɔ ti sui ma ma kan min.

Aiseya 18:1

Mɔgɛ kɛnɛna kɔinkian kanbankan lamɔɛnna nyamanɛ do rɔ Sudan bɛnu kɔgɔma.

Aiseya 36:6

Ni wo yili-madiyanɛ Iyipiti mɔgɛnu denu ma wo dɛnbɛn-koe rɔ kɛlɛ rɔ, wonu mani de iko puka-gbalɛ min bi sewuruyɛ la bawo a si keri mɔgɔ bolo tɔ ka a tanban. Mɔgɔ-wo-mɔgɔ ya a lɛngbɛn Iyipiti mansɛ rɔ, a ye mala wo tigi la wo nya na le.

Aiseya 36:9

Hali kɛlɛ-den-kunyɛ min dɔgɔ ma rɔ, wo ti bɔ wo yakɔrɔ. Wole lanɛ a la ko Iyipiti kɛnu si soeenu anubɛ kirindinu nana wo dɛnbɛn-tinɛ kɛlɛ rɔ, wa?

Aiseya 8:19

Mɔgɛnu bi a fɔla wo ye ko wo ni yi-kɔrɔ-fɛlɛnnɛnu manyinika alako wo ni hɛnkili sɔrɔn anu bolo, ado anu bi huma-humana dɔrɔn. Mɔgɛnu bi a fɔla ko, “A kin mɔgɛnu ni furi manyinika kɛndɛwagɛnuna ko la.”

Yɛrɛmaya 2:18

Wola tɛ Iyipiti, wo ya tɔnɔ-nyuman sɔrɔn ha wo ni to kan kelan rɔ. Wola tɛ Asiriya, wo ya tɔnɔ-nyuman fanani sɔrɔn nyɔ ha wo ni to kan kelan rɔ.

Yɛrɛmaya 21:2

Anu ko n ni Mari madiya anu ye bawo Babilɔn mansɛ Nɛbukanasa ara na bui mala so-karantan ma. Anu ko tumado Mari si kabana-koe do kɛ ma ye min si a ma, Nɛbukanasa ni sɛgi a kɔma.

Yɛrɛmaya 37:5

Wo wati ya a taran, Babilɔn kɛlɛ-dannu bara mɛ buila Yerusalɛm soe ma. A lamɔɛn wonu bolo ko Iyipiti kɛnu bara tenbi anuna nyamanɛ dan kun na, anu ya anu fara Yerusalɛm kɛnu kɛlɛla ka ta doi wonu kun-kɔrɔ-bɛn-tinɛ.

Yɛrɛmaya 42:2

Anu ya a fɔ n ye ko, “I yandi, ma ye i manyinikala min na, wo kɛ ma ye. Male min tonɛ, i ni mata Mari Alla madiya ma ye. I ma a yen, fɔlɔ nun ma siya kɔnɔ kaka, ma ara dɔgɔya.

Yɛrɛmaya 42:20

wo ara wo nyɛrɛ baya min si a ma, wo kunyɛ si to-a-rɔ. Wo ya n manyinika ko n ni mata Mari Alla madiya wo ye, ado wo ko a miriya ye ko-wo-ko ma, wo ye wonu denu kɛla.

Yɛrɛmaya 43:7

Anu ya Marita kumɛ tinya ka ta ma la anu bolo fɔɔ Tapanisi soe burɔ Iyipiti nyamanɛ rɔ.

Nimisa Koe 4:20

Mari ara mata mansɛ min yabɔ, ma yogenu ya wo bira anuta gbɛrɛ rɔ, ado ma niyi-kunyɛ le wo la. Ma lara wo le la ko a si ma latanka ma yogenu ma.

Hoseya 7:13

“Gbalo ye wo kuma bawo wo ara nde, Mari boloka ka murutiya n ma. Fɔ wo wa halaki! Wo lakanan-sɔgɛ ye n na nun kɔnɔ wo sa n batola tonyɛ kuma.

Hoseya 8:10

Nde, Mari si wo kundɛn kan-tina-kelen ka wo tɔrɔ. Asiriya mansɛ wa a lagbɛlɛya wo kuma tumɛ min, wo si to wo forongbesila dugi ma.

Hoseya 8:9

Wole Isirɛla mɔgɛnu bara ta wo kun fɛ iko sofɛli-kalabante. Wo ya wo buri tala Asiriyanu bara wo dɛnbɛn-koe rɔ. Wo ara wo kun madiya sibolo-gbɛrɛnu na wo lakanan-koe la.

Yilan-Yilan Koe 27:21

A si a yɛ bɛn Ɛliyasa ma. Wo si ke ka nde diyana-koe lɔn fen fila fɛ min bi saraka-masɔla-wɛla kɔgɔ-dala-kurɛ ma. Yasowa anubɛ Isirɛla mɔgɛnu si min ma, kɛnu si a ma, Ɛliyasa ni wo rakaran anu ye.”

Tɔn-Fɔɛ-Fila-Nyɔgɛ 28:68

Hali wota Mari ya a fɔ ko wo ti sɛgi Iyipiti tun kɔnɔ wola ko-yogomɛ si a ma, Mari ni wo lasɛgi Iyipiti tun yi-kuma-kulɔn rɔ. Wo wa ke nyɔ tumɛ min, wo si wo nyɛrɛ mayira wo yogenu ma alako wo ni ma yɔɔnnu na anu kɔrɔ kɔnɔ anu ti sɔn wo la.”

Yasowa 9:14

Yasowa anubɛ Isirɛla mɔgɔ-banu ya anuna dɔn-fan donu mafɛlɛn. Anu lara Kibiyon kɛnu na kɔnɔ anu ma Mari manyinika. Anu ya lanyiri kiri anu ye ka anu keli ko anu ti anuna nyamanɛ kɛlɛ mumɛ!

Kɛlɛ-Kurugbɛnu 9:15

“Wɔnɔ-kuri wo ko, ‘Ni a sɔgɛ ye wo la, n ni ma wola mansɛ la, wo na wo sa n ninɛ la. Ni wo ma wo ma, tɛ si bɔ n bolɔnnu na ka Lɛbanan Sida-kɔlɔma-kuru-wɛnu mintan!’ ”