Aiseya 30:19 - ALLALA KUMƐ

¹⁹ Wole minnu siginɛ Yerusalɛm soe burɔ, wo ti di tun! Hinante le Mari la. Wo wa di a dala, a si wo yabi.

Aiseya 30:19 ပူးပေါင်းရင်းမြစ်များ

Yaburi 50:15

Tɔrɔyɛ wa na wo ma, ni wo ya n kele, n si wo dɛnbɛ, ado wo si n gbiliya.”

Aiseya 10:24

Ma Tigi, Mari Sɛnbɛ-Bɛɛ-Tigila mɔgɛ minnu siginɛ Yerusalɛm soe burɔ, wo ye a fɔla anu ye ko anu denu kana kilan Asiriya wonu na hali Asiriyanu bara a lakunaya anu kuma iko Iyipiti kɛnu ya a ma nya min nun.

Aiseya 25:8

Ma Tigi Mari si tɔn sigi sayɛ la burubukai! A si bɛɛ ya-yi firan a ya-denkɛ rɔ. Ata mɔgɛnu bara yarabiyi min bɛɛ sɔrɔn duninya rɔ, a si miliyɛ wo bɔ anu yɛ la. Mari nyɛrɛ kuman-kan le kɛ la.

Aiseya 33:2

Mari, kinikini ma ma. Ma yigi bɛnnɛ ile le ma. To ma lakananna tele-wo-tele ka ma lakisi yakɔrɔ-mamɔɛ rɔ.

Aiseya 35:10

Anu ba don Yerusalɛm lunyɛ min, anu si sewa dɔgɔma-ma-de! Anu si anu dɛ sa-a-rɔ sigi sa tinɛ sewɛ bolo. Anu si to sewɛ rɔ burubukai! Anu ti mɔnɛ anubɛ nyagbɛ sɔrɔn tun.

Aiseya 41:17

Fugarɛnu anubɛ bolo-kolɔnnu ya yi nyini, anu ma ke a sɔrɔnna. Mari ko wo kan la wa gbala todo, a si na to wola madiyalɛ yabila. Ale Isirɛlata Mari ti wo boloka.

Aiseya 46:13

A ko a ti mɛ tun a si ko-telennɛ labɔ gbɛ ma. A ti mɛ tun a si Yerusalɛm nakanan alako Isirɛla mɔgɛnu ni gbiliyɛ sɔrɔn nyɔ.

Aiseya 58:9

Ni wo ya Mari rakele wo wati rɔ, a si wo denkun. Ni wo dira ale Mari dala, a si a fɔ ko, “N bi yan.” Wo ni wo fara dunɛ sala wo ta-nyɔgɛnu kuma. Wo ni wo fara mɔgɔ-rafɔɛ anubɛ mɔgɔ-rakaran la.

Aiseya 60:20

Yili si kiri ita diminya-dan la. Ale Mari si ma ita wan-takanɛ la tolon! Wo si a laban ka tenbi tele anubɛ karɛtɛ la.

Aiseya 65:18

Ka a tɛgɛ ko-kurɛ wonu ma, ala mɔgɛnu si to sewala. A si Yerusalɛm ladan alako a la ni fa sewɛ la. A si a ma, ala mɔgɛnu fanan ni sewa.

Aiseya 65:19

Ale fanan si sewa Yerusalɛm na. A si sewa ala mɔgɛnu na. Mɔgɔ-wo-mɔgɔ ti yisi-magboyɛ anubɛ di-kɛ-kan lamɔɛn nyɔ rɔ tun.

Aiseya 65:24

Yanni anu ni anu miri min ma, Mari ara wo di anu ma. Anu tenbi ale Mari manyinikala anu dɛnbɛn-koe rɔ, yaga, wo ye anu dɛnban kun na.

Aiseya 65:9

A si a ma, Yakoba kegeyɛ donu ni to a niyi la. Ata kɔnkɔ-nyamanɛ ni ma Yuda bɔnsɔn donuta kɛɛ la. A si mɔgɛ donu yabɔ minnu si sigi nyɔ. Ata wɔli-kɛlɛ wonu si to sigini nyɔ rɔ.

Yɛrɛmaya 30:12

Mari ko tanban-nɛ ye wo ma min ti dandan. Wo duma-tinɛnu ti kɛndɛya.

Yɛrɛmaya 31:12

Isirɛla mɔgɛnu si sewa-sigi sa Yerusalɛm kɔnkɔ-sɛnimɛ kuma. Anu sewanɛ bawo Mari ara anu kɔ, a fui-fen wo, a nɔnbɔ-gbɔ-yi wo, a ɔlifi-tulu wo, anubɛ a kolo-fannu. Anu si ma iko yi siginɛ sɛnɛ min kɔrɔ, anu ti nanparan-wo-nanparan sɔrɔn tun.

Yɛrɛmaya 31:16

Kɔnɔ Mari ko a ni a fara diyi la. Ale Resɛli ni a yɛ lafiran. A ko a ara wɔlɛ minnu kɛ ala dannu ye, a si a kɔndɔn sɔrɔn wo rɔ. Ala dan wonu si bɔ anu yogenuna nyamanɛ rɔ ka sɛgi anu halala-nyamanɛ rɔ.

Yɛrɛmaya 31:6

ado wati ye nala, so-kandannɛnu si anu dɛ bolobɔ Ifɛrɛm kɔnkɔ-nyamanɛ rɔ ko, “Ma ni ta mata Mari Alla bato Yerusalɛm soe burɔ wona.”

Yɛrɛmaya 31:9

A ko wole, ala mɔgɛnu si sɛgi dila nyagalen bolo. Wo namato, a si wo niyi radiya. Wo ye bɔla kilɛ min fɛ, wo kan na ti gbala nyɔ. Wo ye bɔla kilɛ min fɛ, wo ti wo kian natugu nyɔ. Mari mani de wole, Isirɛla mɔgɛnu ye iko wo fa. Ala sarɛ le wole, Ifɛrɛm mɔgɛnu na.

Yɛrɛmaya 33:3

ni n ya a rakele, a si n denkun. A si kabana-koe donu takaran n ye, n ma min lɔn kɔrɔma la.

Yɛrɛmaya 50:28

(Mɔgɛnu buri-kɛ-kan ye bɔla Babilɔn ka na Yerusalɛm. Anu bi ma Mari Alla tayili-sara-nya rakaranna ka a tɛgɛ a Bato-Bɔn tinya-nya ma Babilɔn kɛnu bolo.)

Yɛrɛmaya 51:10

Mari ko ala mɔgɛnu bi a sɔnkɔla ko Mari ye a yirala ko yoe ye anu bolo. Anu ko anuta Mari Alla ara min ma, anu ni ta wo fɔ Yerusalɛm kɛnu ye.

Isikiyɛli 20:40

A bɛnta, Isirɛla mɔgɛ bɛɛ ni n bato nta kɔnkɔ-sɛnimɛ kuma min tenbira Isirɛla kɔnkɛ bɛɛ la. Anu ba n bato nyɔ, n si sɔn anu ye nyɔ. Anuna saraka wo, anuna kɔ-fen-nyima wo, anu niyinu wo, n si nyini wonu ma anu bolo nyɔ rɔ.

Isikiyɛli 36:37

“Nde, i Tigi Mari si sɔn Isirɛla mɔgɛnu ni n madiya tun. N si a ma, anu ni to siyayala iko saga wɔrɛ.

Maika 4:9

“Kaka gbɛ, nfen bi a tola, wole ko-yogoma-kɛlɛnu bi gbele-gbelenna ka? Nfen bi a tola, wo ye tɔrɔla kɛ nya kaka iko musi buyi wa a lamaga. Nfen bi a tola, wola mansɛ anubɛ wola hɛnkilimɛnu ti ke wo dɛnbɛna kaka?

Luka 6:21

Mɔgɔ-sewanɛ le wole kɔnkɔtoenu na bawo wo si fa pim! Mɔgɔ-sewanɛ le wole di-kɛlɛnu na bawo wo si na yɛlɛn!

Romu 11:26

Isirɛla mumɛ bɛɛ si kisi nya min, wo le kɛ la. Iko a sɛbɛnɛ Allala kitabu rɔ nya min, a ko, “Kunkalɛ si bɔ Yerusalɛm. A si ko-yogomɛ bɛɛ ban Yakoba bɔnsɔn rɔ.

Ɛfɛsa 3:20

Nba, Alla si ke ka ko-belebele-wɛ kɛ ka tenbi mala taralɛ anubɛ ma miriyanu na iko ata sɛnbɛ ye wɔlila ma rɔ nya min.

Lankɛnimayɛ 5:4

N dira bɛrɛkɛ bawo mɔgɔ-wo-mɔgɔ ma taran min si ke gbolo-lamininɛ wo lafulenna ka a burɛ rafɛlɛn.

Lankɛnimayɛ 7:17

ado saga-dan min bi mansaya-sigi-fan tɔgɔfɛ, wo si anu kandan iko saga-fɛ-biralɛ ka anu nata tenke-diyamɛ rɔ min si niyi di mɔgɛ ma. Nba, Alla si anu ya-yi bɛɛ firan.”