Aiseya 30:18 - ALLALA KUMƐ

¹⁸ Hali wo, Mari ye wo makɔnɔna alako a ni kinikini wo ma. A rabɛnnɛ ka kinikini wo ma bawo a ye ko-telenni-gbansan le mala. Mɔgɔ-sewanɛ le wo tigi la min lanɛ Mari la.

Aiseya 30:18 ပူးပေါင်းရင်းမြစ်များ

Yobu 35:14

Yobu, ile ye a fɔla ko i sa Alla yenna. Kɔnɔ ile ni a makɔni tun. Ita kiti wo ye Alla bolo.

Yaburi 2:12

Wo yɛrɛyɛrɛnmatoe ni wo madu a kɔrɔ. Ni wo ma, a fonde si bɔ. Wo si firan dugu-kole kɛ kuma feu! Mɔgɔ-sewanɛ le wo tigi la min bi tala Mari wara kanan-koe rɔ.

Yaburi 27:14

Ma ni la Mari la. Ma kana bandan. Ma ni to Mari makɔnɔna tolon!

Yaburi 34:8

I nyɛrɛ ni Marita nyimayɛ mafɛlɛn alako i ni a lɔn a kin nya min. Minnu natankanɛ a bolo, mɔgɔ-sewanɛ le wonu na.

Yaburi 84:12

E, Mari Sɛnbɛ-Bɛɛ-Tigi, minnu lanɛ i la, wonu sewani de!

Yaburi 99:4

E, mala mansa-makawanɛ, ko-latelennɛ di i ye. I wara telenbagayɛ banban Isirɛla nyamanɛ rɔ. I wara na telenbagayɛ anubɛ lafisayabɛlitayɛ la.

Hɛnkilimaya-Kumɛnu 16:20

Ni i ya i tole masɔ i labilalɛ la, i wara-koe si ta yarɔ. Mɔgɛ min lara Mari la, wo si sewa.

Aiseya 18:4

Mari ya a fɔ n ye ko a si a kolan layigi ka bɔ Arinyɛni tɔ a fɛrɛma iko duri tenbi yigila dɔn-fen-tɛgɛ-wati la nya min anubɛ iko tele-wuyan tele-latelan rɔ.

Aiseya 2:11

Wati ye nala, hadama-dannuna wasinteyɛ si ban. Anuna nyɛrɛ-kɔrɔtɛ si kasara. A ye tola Marita gbiliyɛ kelen pe le ma.

Aiseya 2:17

A si hadama-dannuna wasinteyɛ ban ka anuna nyɛrɛ-kɔrɔta-fan wonu kasara. Anuna bɛsɛ wonu si tunu yen! Mari kelen pe si to gbiliyɛ rɔ wo wulun tele.

Aiseya 25:9

Wo wa ma tumɛ min, bɛɛ si a fɔ ko, “Mata Alla le ale la. Ma ya a ma ma yigi la min kɛ, a ara ma lakanan. Ale le mata Mari la. Ma ara la a la. Ma ara sewa kaka bawo a ara ma lakisi.”

Aiseya 28:17

A ko telenbagayɛ si ma bon kurukɛ tinɛ wo suman-fan la. Telan-nyɛrɛ si ma a dandan telen-fan la. Wo bole lakinɛ foninyɛ minnu ma, banda-belebele si yigi wo la pon! Wo lanɛ wola kanan-koe min na, gboron-gboronna-yi si ta wo makuru-kurunna.

Aiseya 33:2

Mari, kinikini ma ma. Ma yigi bɛnnɛ ile le ma. To ma lakananna tele-wo-tele ka ma lakisi yakɔrɔ-mamɔɛ rɔ.

Aiseya 33:5

Mari makawara! A ye mansayɛ la fan bɛɛ kun na. A ya Yerusalɛm lafa telenbagayɛ anubɛ ko-nyimɛ la.

Aiseya 40:31

Kɔnɔ minnu bi anu yɛ bɛnna Mari ma anu dɛnbɛn-koe rɔ, wonu sɛnbɛ ma si to kofula. Anu wara-koe si to yɛlɛla iko kokɛ wa a kanban rafulen san ma. Anu si anu buri furr, kɔnɔ anu ti bandan. Anu si tagama ha, kɔnɔ anu ta ti kun.

Aiseya 42:14

Alla ko bi ko ma, a radeni de! A ma fenfen fɔ. A biranɛ-a-rɔ. Kɔnɔ ala ko-ladan-tumɛ ara ke! A ye worondola iko nyaganɛ buyi wa a lamaga.

Aiseya 42:16

A si fiyɔnnu nabɔ kila-kurɛnu fɛ anu ma min lɔn kɔrɔma la. A si pinpi yɛlɛma anu ye waan la ka kila-gbɔgɔsa-gbagasɛnu manunku anu ye. Ata lanyiri le kɛnu na ata mɔgɛnuna ko la, ado a ko a si wonu natɔnbagaya. Sika mumɛ sa wo rɔ!

Aiseya 48:9

A ko a si ala diminyɛ bira-a-rɔ fɔlɔ, alako male, ala mɔgɛnu ni to ale gbiliyala. A ko a ti wo kasara feu! A si ala diminyɛ bira-a-rɔ fɔlɔn.

Aiseya 5:16

Kɔnɔ Mari Sɛnbɛ-Bɛɛ-Tigi ye ko-latelennɛ mala min kɛ, wo ye ata kabana-koe mayirala mɔgɛnu ye. A si ata sɛninyɛ mayira mɔgɛnu kiti tinɛ anu hakɛla ko la.

Aiseya 55:8

Mari ko wo miriya anubɛ ale miriya kelen ma anu na. Wo kɛ-nya anubɛ aletɛ, kelen ma anu na.

Aiseya 57:16

A ko a ti to wo kɛlɛla. A ti kɔrɔtɔ wo ma. Ni a tora wonu mala wo la, hadama-dan bɛɛ si firan dugu-kole ma. A ya sɔndɔmɛ min bɛɛ ladan, a ti wo bɛɛ lato dogbe!

Aiseya 61:8

Mari ko telenbagayɛ di a ye. A ko kankanyɛ anubɛ bumalɛ gbo a ye. A ko a si ko-telennɛ ladan ka barayi di ala mɔgɛnu ma. Anubɛ ala mɔgɛnu si sarama-kan kiri min ti bɔ a ma mumɛ!

Aiseya 64:4

Kebi fɔlɔ, mɔgɔ ma Alla wara-koe lamɔɛn min makawara iko ile, ado mɔgɛ yɛ la ma tii Alla-gbɛrɛ ma ile kɔma. Minnu lanɛ ile la, i ye wonu dɛnbɛna.

Aiseya 8:17

Hali Mari ara a dogon ala mɔgɛnu ma, nde lanɛ ale la bawo n yigi le ale la.

Yɛrɛmaya 17:7

Kɔnɔ a ko mɔgɛ min lanɛ ale Mari la, duwɛ ye wo tigi fɛ, ado a yili latɛgɛnɛ Mari ma.

Yɛrɛmaya 42:7

Tele tan wo kɔma, Mari kumara n ye tun.

Daniyɛli 12:12

Duwa-mɔgɛ le wo mɔgɛnu na minnu si to anu munyuna telenbagayɛ rɔ tele waga kelen, tele kɛmɛ sawa, tele bi-sawa ani tele loli (1,335) kɛnu kɔrɔ.

Hoseya 1:7

Kɔnɔ n si keninteyɛ yira Yuda mɔgɛnu na. Nde min bi anuta Mari Alla la, n si anu kisi. N ti anu nakisi kɛlɛ-kɛ-fannu ma iko faan wo, kalabɛn wo, anubɛ kɛlɛ-kɛ-soee ani anu naburilɛnu.”

Hoseya 2:14

N bi nala tala a la wulɛ rɔ. N ba ke a la nyɔ, n si a manugu-nɛgɛ-kumɛnu fɔ alako n ni diya a ye tun.

Hoseya 5:15

A ko a si a kɔɛn bɔ wo wara-koe rɔ feufeu, ha wo ni kɔrɔtɔ wo yisi rɔ. Tɔrɔyɛ wo wa wo rabɔ tumɛ min, wo ni na to ale Mari nyinina. A ko tumado ni wo tɔrɔta, wo si a nyini de worɔ.

Malakayi 2:17

Wola kuma-siyamɛnu bara a ma, Mari ara gbunya wo kɔrɔ. Kɔnɔ wo ye a fɔla ko, “Male ya a ma kama a gbunyara ma kɔrɔ?” Bawo wo ye a fɔla ko, “Mari Sɛnbɛ-Bɛɛ-Tigi mirinɛ ko-yogoma-kɛlɛnu ma ko anu kin. Wo kɔma, anu bara-koe di a ye.” Wo ye a fɔla tun ko, “Alla-telennɛ kɛ ye mintɔ?”

Luka 15:20

Nba, a wulita ka sɛgi a fa wara. “Yanni a ni ke nyɔ, a fa ya a yen nala wula-yan la. A yisi fara kinikinɛ la. A ya a buri ka a bole mini ala dan kan ma ka a sunbu.

Luka 2:25

Mɔgɛ do ye Yerusalɛm soe burɔ nun min tɔgɛ Simiyɔn. Mɔgɔ-nyimɛ le, a telennɛ. A ye Isirɛlata kisi-koe makɔnɔna nun, ado Allata Ni-Sɛnimɛ ye a fɛ.

Kɛwɔlɛnu 5:31

Alla ya a lawuli ka a sigi a kɔɛn-nyimɛ rɔ ka a ma kun-tigi anubɛ kisilɛ la. A ya wo ma alako Isirɛla mɔgɛnu ni fɛrɛ sɔrɔn tubi-koe la. Anu ba wo ma, Alla si anu makoto anu hakɛ ma.

Romu 5:20

Nɛbi Musata tɔn-kitabu nara le alako mala ko-yogomɛnu si bɔ gbɛ rɔ nya min. Kɔnɔ hakɛ warata nya min, Allata hinɛ fanan warata ka tenbi wo la!

Romu 9:22

Alla wa min ma, a ye wo nya na le. A si ala diminyɛ anubɛ ala sɛnbɛ labɔ gbɛ ma. A bɛnta, a ni minnu halaki, ni a diyara a ye, a si a mun wonu kɔrɔ.

Ɛfɛsa 1:6

Ma ni a tanto ata hina-belebele-wɛla ko la kosɛbɛ! A ara wo di ma ma sewɛ rɔ a diyana-dan baraka rɔ.

Ɛfɛsa 1:8

a ya min nabon ma kuma, kɔni. A ara ban a latɛgɛla Yisa Kirasiti baraka rɔ ata hɛnkili anubɛ ata lɔnnɛ fɛ ko a ni a nyɛrɛta gbundu-koe labɔ gbɛ rɔ ma ye.

Tɔn-Fɔɛ-Fila-Nyɔgɛ 32:4

“Wota farɛ le Mari la min ti bɔ a gbɛ rɔ. Fɛɛ sa ala ko-ladan-nya fenfen na. Latelen-mansɛ le ale la. A si ko-latelennɛ kɛ. A ti lafisayalɛ kɛ.

Yemesi 5:11

Ma ye mɔgɔ-munyanɛnu kelela ko mɔgɔ-sewanɛ bawo anu bara anu munyu. Wo ma Yobuta munyu-koe lamɔɛn, ba? Ado nfan, Mari ya Yobu makoe nyinya nya min a laban, wo ma wo lɔn fanan, ba? Wo mara bawo Mari fanɛ kinikinɛ anubɛ hinɛ la.

2 Pita 3:15

Iko ma na-kelen-nyɔgɛ, Pɔli min di ma ye, wo ya a sɛbɛ wo ma nya min, wo ni Marila munyu-koe lɔn ko a ye fɛrɛ le dila wo ma alako wo si kisi nya min. Alla ya hɛnkili min di a ma, a ya hɛnkilimaya-kumɛ wonu fɔ wo ye.

2 Pita 3:9

Mari kun kimayani ma ata lanyiri-lakanbaliya-koe rɔ iko doinu bi anu mirila nya min. Kɔnɔ a munyunɛ wolela ko la bawo a ma di a ye, mɔgɔ-wo-mɔgɔ ni halaki kɔnɔ a ye a fɛ, mɔgɛ bɛɛ ni yɛlɛma ka bɔ anu hakɛ rɔ.

1 Samuwɛli 2:3

“Wo ni wo fara nyɛrɛ-kɔrɔbiyinu na. Mari Alla, wo le ya koe bɛɛ lɔn. Ale le ye mɔgɛnu kiti tɛgɛla.