Aiseya 30:15 - ALLALA KUMƐ

¹⁵ Ma Tigi Mari, Isirɛlata Alla-sɛnimɛ, kɔni, wo ye a fɔla mɔgɛnu ye ko wo ni wo gbɛrɛn ale ma ka la a la. A ko wo kɔma, wo si sɛnbɛ sɔrɔn ka sigi lafɛrɛ rɔ. Kɔnɔ wo ma sɔn lala a la.

Aiseya 30:15 ပူးပေါင်းရင်းမြစ်များ

1 Ko-Kɔrɔta-Karan 5:20

Anu ya anu yigi sa Alla rɔ ka a matara anu dɛnbɛn-koe la. Alla ya anuna matarali-kan wo lamɔɛn ka nɔlɛ di anu ma Hagaranu anubɛ wonu madɛnbɛnɛnu kuma.

2 Ko-Kɔrɔta-Karan 16:8

Sudan kɛlɛ-dannu anubɛ Libiya kɛlɛ-dannu anubɛ anuna kirindi-siyamɛnu anubɛ anuna so-laburila-siyamɛnu, anu ma siya Siriya kɛlɛ-dannu ko i ya minnu nɔ nun, ba? Kɔnɔ bawo i lara Mari la a fɔlɔtɛ rɔ min kɛ, woletɔ a ya nɔlɛ di i ma worɔ.

2 Ko-Kɔrɔta-Karan 32:8

Hadama-den-fanka-gbansan le a bolo dɔrɔn kɔnɔ maleta Mari Alla ye ma dɛnbɛna kɛlɛ rɔ.” Mansɛta kumɛ, wo le ya mɔgɛnu nakerinteya.

Yaburi 116:7

N ya a fɔ n nyɛrɛ ma ko, “N bi hɔnna nfenna gbɛ?” Mari nyimayanɛ n ye.

Bɔ-Koe-Iyipiti 14:14

Wo ni a makɔnɔ. Mari si wola kɛlɛ kɛ.”

Aiseya 28:12

Mari ye lafɛrɛ anubɛ ko-nyimɛ dila wo ma nun kɔnɔ wo ya wo ban wo la a bolo.

Aiseya 30:11

I bɔ ma lagbaranna. Ma sa nyinina ita Isirɛla mɔgɛnuta Alla-sɛnimɛ wara-koe ma.”

Aiseya 30:7

Iyipiti kɛnu bi wo dɛnban min kɛla, fufafuyi le wo la. Woletɔ Mari ko a ya anu kele ko, “Ninkinanka-rakolɔn.”

Aiseya 32:17

Yisi kimɛ anubɛ lafɛrɛ si taran nyamanɛ wo tɛngbɛnya bɛɛ rɔ bawo mɔgɛnu bi ko-telennɛ mala.

Aiseya 32:18

Hɔnyɛ si bɔ Allata mɔgɛnu kan la, bɛɛ si to yisi-kimɛ anubɛ lafɛrɛ rɔ.

Aiseya 40:31

Kɔnɔ minnu bi anu yɛ bɛnna Mari ma anu dɛnbɛn-koe rɔ, wonu sɛnbɛ ma si to kofula. Anu wara-koe si to yɛlɛla iko kokɛ wa a kanban rafulen san ma. Anu si anu buri furr, kɔnɔ anu ti bandan. Anu si tagama ha, kɔnɔ anu ta ti kun.

Aiseya 42:24

Yon ya Isirɛla nyamanɛ latenbi a kankannɛnu ma? Ale Mari nyɛrɛ-nyɛrɛ le ya wo ma, ma ara hakɛ kɛ min na, kɔni. A sɔgɛ ye a la, ma ni ma nya min, ma ma sɔn wo ma. Ma ma sɔn ala karan-bira-koe ma ma bolo filɛ la.

Aiseya 45:22

A ko wole duninyarɔ-mɔgɛnu, wo ni wo ya-lamunun a la, a ni wo kisi. A ko ale kelen pe le ye Allayɛ la.

Aiseya 7:4

A ko n ni a fɔ mansɛ ye ko a kana kilan. A yisi ni kimɛ poi! A ni a yɛ bɛn Alla ma. Mansa Risen anubɛ ala Siriya kɛlɛ-dannu wo, anubɛ Mansa Peka wo, a ko wonuta yisi-bɔ-masibɛ ma yogo ka ke sɔgɔ-kundu fila sisi rɔ.

Yɛrɛmaya 23:36

Kɔnɔ wo kana a fɔ tun ko, “Marita kuma-gbilimɛ le kɛ la,” bawo wo sa fenfen fɔla fɔ wo ye kumɛ minnu nabɔla wo kunyɛnu tɔ, ado ni wo tuira wo ma tinɛ, kumɛ wo si ma kumɛ la wo kuma. Nba, wole ye wota Mari Alla-Nima Sɛnbɛ-Bɛɛ-Tigi kan mayɛlɛmana.

Matiyu 22:3

Kɔnyɔ-masɔɛ sara minnu kɔrɔ, a ya ala wɔli-kɛlɛnu sɔ wonu kele tinɛ kɔnɔ wonu ma sɔn nala.

Matiyu 23:37

“E, Yerusalɛm, Yerusalɛm! I ye nɛbinu fagala nun tolon! Alla ara kilayɛ minnu sɔ i wara, i ya wonu mabon kurinu na! A sɔgɛ ye n na wati siyaman ka ila mɔgɛ bɛɛ ladɛn iko sisi-denbɛ si ala dannu nadɛn a kanban kɔrɔ nya min kɔnɔ i ma sɔn n ni wo ma!

Luka 13:34

“E, Yerusalɛm, Yerusalɛm! I ye nɛbinu fagala nun tolon! Alla ara kilayɛ minnu sɔ i wara, i ya wonu mabon kurinu na! A sɔgɛ ye n na wati siyaman ka ila mɔgɛ bɛɛ ladɛn iko sisi-denbɛ si ala dannu nadɛn a kanban kɔrɔ nya min kɔnɔ i ma sɔn n ni wo ma!

Yɔni 5:40

Hali wo, wo sa sɔnna nala n bara alako wo si habadan-nimayɛ sɔrɔn nya min.

Hiburunu 12:25

Wo ni a ma wo fɛrɛma worɔ. Alla wa kuma, wo kana wo tengberenya wo lamɔɛn-koe ma. Minnu ya anu ban nun wo lamɔɛn-koe ma, wonu denu ma kisi. Nba, min bi kumala ma ye ka bɔ Arinyɛni tɔ, ni ma ya ma tengberenya wola kuma-bira-koe ma, male si kisi kama worɔ gbɛ?