Aiseya 30:13 - ALLALA KUMƐ

¹³ A ko a ara wo yiliki. A ko wo manɛ iko dandan min tafaranɛ. A ti mɛ lefan, wo ara bui.

Aiseya 30:13 ပူးပေါင်းရင်းမြစ်များ

1 Mansɛnu 20:30

Siriya-toenu ya anu buri ka ta Afɛki soe burɔ. Soe wo tarɛ kerita anu kuma. Siriya mɔgɔ waga mogan-ni-wɔrɔnfila (27,000) fagara anu tɔ nyɔ. Mansa Bɛnhedadi ya a buri tala Afɛki soe burɔ. A tara a nyɛrɛ dogon tonke do rɔ bɔn burɔ.

Yobu 36:18

A ma i fɛrɛma, nɔnfuli kana i bɔ Allata kilɛ fɛ, ita fen-tigiyɛ kana i yɛlɛma.

Yaburi 62:3

Wole, n yogenu, wo si to mɔgɛ kan ma ha tumɛ nyamintan, mɔgɛ minta ma gbɛlɛ ka kɛ yasa-kore rɔ, kɔni?

Yaburi 62:4

Wole, a yogenu bi nyɔ dɔrɔn ka a mankan layigi. Foninyɛ di wo ye. Hali wo ye duwala kɔnɔ wo ye dankali-kɛla wo yisi rɔ.

Hɛnkilimaya-Kumɛnu 29:1

Mɔgɛ min ti sɔn a sɔn-boloka-koe ma hali anu bi a makawandila, mɔgɛ wo dɛnbɛn-kila ti taran, ado a si tinya pɔ!

Hɛnkilimaya-Kumɛnu 6:15

Ka a tɛgɛ anu sɔn wo ma, kasarɛ si anu natɛrɛna ka anu tinya pɔ! Anu bi dumɛ minnu sɔrɔnna wo rɔ, wo le ye anu fagala.

Aiseya 22:14

Ma Tigi Mari Sɛnbɛ-Bɛɛ-Tigi nyɛrɛ le ya a fɔ n ye ko fananta anu bi anu niyi la, a ti anu makoto anu sɔn-yogomɛ kɛla ko la muk! Ale Mari Sɛnbɛ-Bɛɛ-Tigi kan le kɛ la.

Aiseya 26:21

Mari ye nala bɔla ata kan-tina-sɛnimɛ rɔ san-kole rɔ. A ye nala mɔgɛnu tɔrɔla dugu-kole kuma anuta hakɛla ko la. Anu ya mɔgɛ min bɛɛsi faga dogɔn tɔ, wo bɛɛ si bɔ gbɛ ma wulɔn. Minnu bara faga nun, bɔnkɛ ti a sansan wonu ya ma tun mumɛ!

Aiseya 29:5

Sibolo-gbɛrɛ minnu bi nala ile Yerusalɛm kɛlɛla, wonu si fɛ iko fɔnyɔ wa ta gbangban la. Anuna kɛlɛ-den-makilannɛnu, fɔnyɔ si ta wonu na iko bin-gbalɛ. Wo dama si ma tiriya!

Aiseya 30:26

Wulɔn karɛ si gbɛ iko tele, ado wulɔn tele, waan si ma iko tele wɔrɔnfila tele ye nya min. Mari sɔnta ala mɔgɛ minnu tanban-koe ma, a si wonu dandan wulɔn-tele rɔ.

Aiseya 47:11

Kasarɛ si na i ma. Ila duruya fenfen ti a lasɛgi. Tɔrɔyɛ si na i ma fenfen ti ke i kunyɛ bɔla min tɔ. Halakiyi si na i ma tiriya, i ma kiyo wɛ halakiyi min sufa la wɛ, kɔni.

Aiseya 48:3

Mari ya a fɔ Isirɛla mɔgɛnu ye ko, koe min bi nala mala, bi-ko-ma wo miriyɛ ye a bolo, ado a ma mɛ lefan, wonu bɔra a la tiriya!

Aiseya 58:12

Wola soe minnu kasaranɛ kɛ la, a ko wola mɔgɛnu si wonu sɔ tun a kurɛ la. Wola soe minnu bara ma tonbɔn la nun, wo si wonu kurukɛ tun. Wo ye tarɛ labɛtɛrɛ min kɛla kɛ la, wo mankan wo si ta wuu! Bɛɛ si wo lɔn bon-nadannɛ anubɛ kila-ladannɛ la.

Aiseya 65:7

Ka a tɛgɛ wo benbanu hakɛ anubɛ wo hakɛ ma, Mari ko a si wo tɔrɔ. Wo benbanu ya isɛnti mintan bɛsɛnu ye kɔnkɛnu kun tɛma. Anu ya a ma, a miliyara kɔnkɛnu ye. Woletɔ a ye anu tɔrɔla iko a bɛnta, anu ni tɔrɔ nya min.

Matiyu 7:27

Banda-wɛ nara. Bɛnu fara. Fɔnyɔ tugura ala bɔn wo ma! Ala bɔn buira fugbu! A rakerikerita iko kolo lamurunɛ!”

Luka 6:49

Kɔnɔ mɔgɛ min bi nna kumɛnu namɔɛnna kɔnɔ a sa anu birala, wo tigi mani de iko mɔgɛ min tenbi bɔn sɔla, a ma a kurukɛ. Yi wa tugu wo tigila bɔn burɔ tumɛ min, a ti mɛ buila ka tinya! A rakerikerinɛ si to feu!”