Aiseya 30:1 - ALLALA KUMƐ

¹ Mari ara a fɔ ko Yuda kun-tiginu si halaki bawo anu bara murutiya a ma. A ko anu bi koenu natɛgɛla anu nyɛrɛ ma, hali ale Mari ma sɔn minnu ma. Anu bi yisi-kima-kɛdi sɛbɛla anubɛ nyamani-gbɛrɛkɛnu tɛma, hali Mari ma sɔn minnu ma. Anu bi hakɛ sala anu nyɔgɔn kuma tala.

Aiseya 30:1 ပူးပေါင်းရင်းမြစ်များ

2 Mansɛnu 18:21

Ni wo yili-madiyanɛ Iyipiti mɔgɛnu denu na wo dɛnbɛn-koe la kɛlɛ rɔ, wonu mani de iko puka-gbalɛ sewuruyɛ la bawo a si keri mɔgɛ bolo tɔ ka a tanban. Mɔgɔ-wo-mɔgɔ ya a lɛngbɛn Iyipiti mansɛ rɔ, a ye mala wo tigi la wo nya na le.

2 Mansɛnu 18:24

Hali kɛlɛ-den-kunyɛ min dɔgɔ ma rɔ, wo ti bɔ wo yakɔrɔ. Wole lanɛ a la ko Iyipiti kɛnu si soeenu anubɛ kirindinu nana wo dɛnbɛn tinɛ kɛlɛ rɔ, wa?

Yaburi 61:4

Sɔn, n ni taran ila fani-bɔn kɔrɔ tuma-wo-tuma. N nakanan i kanban kɔrɔ.

Aiseya 1:2

Dugu-kole anubɛ san-kolo-Mari ye nala min fɔla wo ye, a ko wo ni wo tole masɔ wo la. A ko a ara ala dan minnu nabɔ a rɔ, wonu bara murutiya a ma.

Aiseya 1:23

Mɔgɔ-murutiyanɛ le wola mɔgɔ-banu na anubɛ kankannu diyana-mɔgɛnu. Tuma-wo-tuma, wo ye dogonta-fannu birala. Kelennɛnu ti yo-wo-yo sɔrɔn anuna kiti tɛgɛ tinɛnu tɔ. Wola kun-tiginu ti anu tole masɔ kɛɛ-musinuna yasere-masa-kan la fanan.

Aiseya 1:4

Wole Isirɛla mɔgɛnu, hakɛ-tigi anubɛ ko-yogoma-kɛlɛnu le wole la. Gbalo ye wo kuma. Wola hakɛ ye tala wo lasɛgila wo kɔma. Wo ara wo ban Mari la, Isirɛlata Alla-sɛnimɛ, kɔni. Wo ara wo kan-kɔ sɔ a la.

Aiseya 1:5

Nfenna wo wakilanɛ murutiya-koe ma? Ha ka, wo ye tɔrɔyɛ nyinina wo nyɛrɛ kan ma? Ile Isirɛla kunyɛ matanban-tanbannɛ le tɛrr! I hɛnkili ara pirinkan.

Aiseya 28:15

Wo ko wobɛ sayɛ ara sarama-kan kiri, ko wobɛ lakira ara sarama-kan kiri. Wole miri ko kasarɛ wa na wo kunyɛ si bɔ a rɔ. Wo lanɛ foninyɛ anubɛ yanfanteyɛ le la ko wonu si anu kankan wole ya ma.

Aiseya 28:20

Wo si ma iko hɛnkilimaya-kumɛ ye kei minna ko fɔla ko kei kɛ yan ala sa-fan ko, ado ala burun-kurɛ ti a mabɔ.

Aiseya 29:15

A sɔgɛ ye minnu na ka anu miriya dogon Mari ma, wonu si halaki. Anu bi pinpirɔ-koe minnu nadanna, anu miri ko mɔgɔ ya sa anu na. Anu ya a lɔn ko mɔgɔ ma a lɔn anu bi min kun na.

Aiseya 30:9

Foninya-fɔɛ wo, murutiyɛ wo, ka anu ban Marita kuma-birɛ ma wo, anu bi wonu kun na le tolon!

Aiseya 31:1

Minnu bi tala Iyipiti anu dɛnbɛn-koe rɔ, gbalo ye wonu kuma. Anu lanɛ Iyipiti kɛnuna soeenu anubɛ anuna kirindinu anubɛ anuna kɛlɛ-kɛ-dannu na dɔgɔma-ma-de! Kɔnɔ Isirɛlata Mari Alla-sɛnimɛ, anu ma la ale la. Anu ti a manyinika anu dɛnbɛn-koe la.

Aiseya 32:2

Anu kelen-kelennamɛ-bɛɛ si ma iko toge min si mɔgɛnu tanka bandɛ anubɛ fɔnyɔ ma. Wonu si ma iko yi-kimɛ dugu-ragbalanɛ rɔ. Anu si ma iko fara-gbilɔn-bɛ-ninɛ dugu-fafanɛ rɔ.

Aiseya 4:5

Wo kɔma, Mari si banda-fin-gbɛ lana tele rɔ Yerusalɛm kuma anubɛ min bɛɛ ladɛnnɛ nyɔ. Wo si ma ta-mɛlan anubɛ ta-sisi la suyi rɔ. Allata gbiliyɛ si soe yamatogon ka a lakanan.

Aiseya 5:18

Gbalo ye wo ma bawo wo ti ke wo nyɛrɛ purukulula hakɛ kɔrɔ.

Aiseya 63:10

Kɔnɔ anu kan-kɔ-sɔɛ Mari la, anu ya a ma, ata Ni-Sɛnimɛ yisi tinyanta. Woletɔ Mari mara anu yoge la, ado ka a tɛgɛ wo ma, a ya anu kɛlɛ.

Aiseya 65:2

A ko telen-gbɛn, a kɔɛn rasiginɛ mɔgɔ-murutiyanɛ wonu ye. Minnu bi sɛgila a ma, a rabɛnnɛ wonu tabira-koe la. Kɔnɔ anu kɛ-nya manɛ nya min, wo ma kin. Min ba diya anu ye, anu bi wo le mala.

Aiseya 8:11

Mari ya n makawandi ata sɛnbɛ-makawanɛ la ko n kana n sanka mɔgɛnu ma. A ko

Aiseya 8:12

n kana kofu mɔgɛnu ma kɛwuyɛ rɔ. A ko anu kilannɛ min na, nde kana kilan wo la.

Aiseya 8:19

Mɔgɛnu bi a fɔla wo ye ko wo ni yi-kɔrɔ-fɛlɛnnɛnu manyinika alako wo ni hɛnkili sɔrɔn anu bolo, ado anu bi huma-humana dɔrɔn. Mɔgɛnu bi a fɔla ko, “A kin mɔgɛnu ni furi manyinika kɛndɛwagɛnuna ko la.”

Yɛrɛmaya 17:5

Mari kan le kɛ la, a ko dankɛ ye wo tigi kuma min bi a yigi sala a hadama-den-nyɔgɛ rɔ, ado wo ye a tola mɔgɔ-bagbuyi anubɛ a sɛnbɛ dɔrɔn le ma ka a kan-kɔ sɔ Mari la.

Yɛrɛmaya 2:18

Wola tɛ Iyipiti, wo ya tɔnɔ-nyuman sɔrɔn ha wo ni to kan kelan rɔ. Wola tɛ Asiriya, wo ya tɔnɔ-nyuman fanani sɔrɔn nyɔ ha wo ni to kan kelan rɔ.

Yɛrɛmaya 37:7

n ni sarakanɛ lake Mansa Sɛdɛkaya ma. A ko Iyipiti kɛlɛ-dannu bi kilɛ la ka na wo dɛnbɛ kɔnɔ anu bi sɛgila le tun.

Yɛrɛmaya 4:17

Wo yogenu bara kurɔn don Yerusalɛm soe ma iko donsenu ba wɔlɔn kurɔn nya min. Mari ko kɛ bɛɛ ye mala le bawo wole, Yuda kɛnu bara murutiya a ma.

Yɛrɛmaya 42:19

“Mari ara ban a latɛgɛla ko wole minnu bara to Yuda, wo kana ta Iyipiti. N bi tonyɛ fɔla wo ye,

Yɛrɛmaya 5:23

Kɔnɔ a ko wo tole anubɛ wo yisi gbɛlɛ, wo ara wo kan-kɔ sɔ a la ka ta kudai!

Isikiyɛli 11:2

Mari ya a fɔ n ye ko, “Ile hadama-dan, kɛnu denu bi miriya-yogomɛnu tabɛnna ka Yerusalɛm kɛnu makawandi boloko-yogomɛ-kɛ.

Isikiyɛli 2:3

A ye a fɔla ko, “Ile hadama-dan, n bi i sɔla Isirɛla mɔgɛnu bara. Anu bara murutiya ka anu kan-kɔ sɔ n na, ado ha bi, anu bi murutiyɛ wo le kun na iko anu benbanu.

Isikiyɛli 24:3

Nna tili kɛ rakaran nna mɔgɔ-murutiyanɛnu ye.” Nde, wo Tigi Mari ko, Dagɛ lafa yi la ka a sigi tɛ rɔ.

Isikiyɛli 29:16

Isirɛla ti a yigi sa Iyipiti kuma ko-wo-ko la tun. Isirɛla mɔgɛnu ba Iyipiti tinya-bole yen, anu si a lɔn ko anu ya ko-yogomɛ le ma ka anu dun anu na. Wo si a ma, anu ni a lɔn ko anu Tigi le nde, Mari la.”

Isikiyɛli 3:9

N si i ragbɛlɛya iko farɛ ka i yisi gbɛlɛya iko kuri. Hali i ma kilan mɔgɔ-murutiyanɛ wonu na mumɛ!

Hoseya 11:6

Kɛlɛ si wola soe tarɛ don-dɛnu keri ka wola soenu ban fegba! N si wole nta mɔgɛnu tɔrɔ bawo wo miri ko wo ye tonyɛ le tɔ.

Hoseya 13:2

Hali wo, anu tora wodi-gbɛ laleela ka anu ma bɛsɛ la. Hadama-den-hɛnkili le ya wodi-gbɛ kɛ lalee, ado hadama-dan le ya a ladan. Anu ban a ladanna, anu ko, “Wo ni sarakɛ bɔ a ye de!” Min tenbira wo la, fan min nadannɛ turɛla muninyɛ la dɔrɔn, mɔgɛnu bi wonu sunbula tagbayi!

Hoseya 7:13

“Gbalo ye wo kuma bawo wo ara nde, Mari boloka ka murutiya n ma. Fɔ wo wa halaki! Wo lakanan-sɔgɛ ye n na nun kɔnɔ wo sa n batola tonyɛ kuma.

Sakaraya 4:6

A ya a fɔ n ye ko, “Mari kolan wɔrɔnfilɛ min bi duninya mumɛ mafɛlɛnna, wonu tamasere le lɛnpu wɔrɔnfilɛ kɛ la.”

Yilan-Yilan Koe 32:14

Kaka, a sɔgɛ ye wole la, wo ni wo sanka wo fanu ma iko anu ya hakɛ kɛ nya min, wa? A sɔgɛ ye wole la, Mari ni diminya Isirɛla mɔgɛnu ma tun ka tenbi a fɔlɔtɛ la?

Romu 2:5

Kɔnɔ wo yisi gbɛlɛ, ado wo bannɛ tubi-koe ma feu! Woletɔ Allala diminyɛ anubɛ ala kiti wa bɔ gbɛ rɔ tumɛ min, wo si wola tɔrɔyɛ makofu wulɔn le

Tɔn-Fɔɛ-Fila-Nyɔgɛ 29:19

“Ni mɔgɔ-sufa wo ya lanyiri-kumɛ kɛ lamɔɛn, a ni duwa-kumɛ wo labira a nyɛrɛ ye kɔnɔ a yisi rɔ, a ye a fɔla ko, ‘Sɔ de, n bi min mala, n ni wo ma n ye. N ti nanparan mumɛ sɔrɔn.’ Ni min ya a tui ka wo ma, wo tigi si nanparan lana wo bɛɛsi kuma. Mɔgɔ-nyima wo, mɔgɔ-koron wo, wo bɛɛ si faga.

Tɔn-Fɔɛ-Fila-Nyɔgɛ 9:24

Ka a dabira wo wati ma n bolo ha ka a sigi kaka la, wo ye murutiyɛ le kun na tun.

Tɔn-Fɔɛ-Fila-Nyɔgɛ 9:7

“Wo kana nyina min ya a to, wota Mari Alla fonde bɔra wole Isirɛla mɔgɛnu kan ma Sinayi kɔnkɛ kɔrɔ. Kebi wo bɔra Iyipiti nyamanɛ rɔ tele min ma ha ka a sigi wo ke wati ma yan, wo murutiyanɛ Mari ma tolon!

2 Timoti 3:13

Kɔnɔ mɔgɔ-yogomɛnu anubɛ yanfantenu si to yogoyala dɛɛ ha anu ni donu yanfa, ado anu bara anu nyɛrɛ fɔlɔn yanfa.

Yasowa 9:14

Yasowa anubɛ Isirɛla mɔgɔ-banu ya anuna dɔn-fan donu mafɛlɛn. Anu lara Kibiyon kɛnu na kɔnɔ anu ma Mari manyinika. Anu ya lanyiri kiri anu ye ka anu keli ko anu ti anuna nyamanɛ kɛlɛ mumɛ!