Aiseya 3:14 - ALLALA KUMƐ

¹⁴ A ara kumɛ rabɛn ala mɔgɛnuna kun-tiginu anubɛ anuna mɔgɔ-banu kan ma. A ko, “Wo ara bui mɔgɛnu ma ka anuna ki-fannu bi anu bolo. Wola bɔnnu nafanɛ bolo-kolɔnnuna fannu na.

Aiseya 3:14 ပူးပေါင်းရင်းမြစ်များ

Yobu 22:4

Alla ti ile tɔrɔ bawo i ye ale gbiliyala. A ti i kiti wola ko la.

Yobu 24:14

A la wa fin, mɔgɔ-fagalɛ si ta bolo-kolɔnnu faga. A si ta kankanya-kɛ-tinɛ suyi rɔ fanani.

Yobu 24:9

Karagbɛlɛnu si kelennɛnu don yɔɔnyɛ rɔ. Anu si bolo-kolɔnnuna dannu ma yili-sarɛnu na.

Yobu 34:23

Alla mako sa mɔgɔ kiti-wati latɛgɛ-koe rɔ. A si anu tɔrɔ iko a di a ye wati min.

Yaburi 10:9

A ye bolo-kolɔnnu makɔnɔna a dogon tinɛ nyɔ iko yarɛ. A si wonu bira ala yili-lasiginɛ la ka anu sagan tala.

Yaburi 14:4

Mari ye nyinikalɛ sala, a ko, “Kɛnu ma a lɔn anu bi min kun na, wa? Kun-takolɔn le karagbɛlɛ kɛnu na, wa? Anu bi anu beli-fan sɔrɔnna nna mɔgɛnu denu kuma. Anu ti nde, Mari rakele mumɛ!”

Yaburi 143:2

I kana nde, ila wɔli-kɛlɛ kiti bawo mɔgɔ-wo-mɔgɔ sa, sɔn sa min na i yala.

Hɛnkilimaya-Kumɛnu 30:14

Mɔgɛ donu fanan bi nyɔ, wonuna wɔli ma fenfen na fɔ ka bolo-kolɔnnu kensunya. Anu bi belenna buila anu ma iko sogo-feremɛnu.

Aiseya 10:1

Gbalo ye wole sereya-radunɛ nadannɛnu ma minnu bi nna mɔgɛnu tɔrɔla.

Aiseya 10:2

Wo kɛ-nya le wo la alako bolo-kolɔnnu kana na yo sɔrɔn, ado wo ye kɛɛ-musinu anubɛ kelennɛnu kankanna wo nya na le.

Aiseya 11:4

A si bolo-kolɔnnu kiti telenbagayɛ la. A si mɔgɔ-tɔrɔnɛnu dɛnbɛn anu yoe wara-koe rɔ. A wa ban min yilikila, wonu si tɔrɔyɛ le sɔrɔn, ado a si wunduyogenu faga.

Aiseya 14:30

Nde, Marita mɔgɛ minnu bi bolo-kolonyɛ rɔ, n si wonu kumafunfan iko saga-fɛ-biralɛ si sagɛnu kumafunfan nya min. N si kɔnkɔ-fitinɛ lana Filisitinu ma, min ti anu do-wo-do to anu niyi la.

Aiseya 26:6

Minnu tɔrɔnɛ, wonu si tenbi so-labuinɛ wo kuma ka ta tagamana a kuma dafi-dafi!

Aiseya 29:19

Isirɛlata Mari Alla-sɛnimɛ ye sewɛ min dila mɔgɛnu ma, bolo-kolɔn anubɛ mɔgɔ-famayiginɛnu si wo sɔrɔn tun.

Aiseya 30:12

Isirɛlata Alla-sɛnimɛ ye a fɔla ko wo ye wo banna ata kumɛnu na ka la karagbɛlɛyɛ anubɛ yanfanteyɛ dɔrɔn na.

Aiseya 5:7

Mari Sɛnbɛ-Bɛɛ-Tigita nakɔɛ, wo le Isirɛla kɛ la. Yuda nyamanita-mɔgɛ wonu minnu di a ye, wonu denu bi ki-fenyɛ la. Mari miri ko anu bi ko-kɛndɛ le kun na nun, yaga, anu sa fenfen kun na fɔ mɔgɔ-fagɛ. A ya a lɔn ko anu bi ko-telennɛ le kun na nun, yaga, anu bi buila minnu ma, wonu bi dila a dala ko-telenni-koe la.

Aiseya 58:4

Wo tenbi sunyɛ wonu tɔ, wo ye sɔsɔli-sɛ anubɛ kɛlɛ-kɛ le la. Wo ye wo nyɔgɔn tatugula. A ko wo ti to ko-su kɛnu kun na, a ni wola madiyalɛnu yabi.

Yɛrɛmaya 12:10

Sibolo-gbɛrɛ kun-tigi-siyaman si nta ki-fannu tinya. Anu si ki-fan wonu tatɛntɛn ka anu nunku tɔi! Anu si nna sɛnɛ-hakikɛ ma iko wula-da-rakolɔn.

Yɛrɛmaya 5:27

Iko sansan lafanɛ sisinu na nya min, ka a tɛgɛ anuna yanfanteyɛ la, karagbɛlɛ kɛnu bara anuna bɔnnu nafa kankanya-fannu na wo nya na le. A bɛɛ ara ma-a-la kankanya-fan le tɔ.

Isikiyɛli 18:12

A kɛnɛna bolo-kolɔnnu bolo labirala ka kankanyɛ kɛ fanan. A ye balanna tulumɛnu ma. A ye tala Alla-lɔnbɛlɛnuna bɛsɛnu kɔla ka kisimiriya-koenu nadan.

Isikiyɛli 20:35

N si na anu na wulɛ wo rɔ min bi sibolo-gbɛrɛnu tɛma. Isirɛla wa ke nyɔ, n si anutɛ bɔ tɔn rɔ sibolo-gbɛrɛnu yala.

Isikiyɛli 20:36

N si anu tɔrɔ iko n ya anu benbanutɛ ma nya min Sinayi wulɛ rɔ. Nde, wo Tigi Mari kan le kɛ la.

Saraka-Masɔlɛnuta Tɔnnu 25:14

Kɔnɔ n bara min fɔ nun, wo ni wo hɛnkili to wo ko. Min tenbi ata dugi mayirala a ta-nyɔgɛ Isirɛla mɔgɛ do ma, a kana a dɛ lagbɛlɛya a kuma.

Saraka-Masɔlɛnuta Tɔnnu 25:17

Wo kana wo na-kelen-nyɔgɛ Isirɛla mɔgɛnu kensunya. Wo ni kilan nde, Mari Alla la min ya kɛ fɔ.

Emɔsi 2:7

Wo ye bolo-kolɔnnu natosokɔrɔla ka tagama anu kuma. “Wola yɔɔn-musi minnu bi wo tɛma, fa wo, ala den wo, anu filɛ ye anu sala wonu fɛ. Wola ko-ladan-bole wo ara ma Mari tɔgɔ-tinya-koe la.

Emɔsi 4:1

Wole Samariya musu-ba-kunbanu Basan nyamanɛ rɔ, wo kunbayanɛ iko bɔrɔkɛ. Wo ni wo tole masɔ. Wo sa fɛlɛtenɛnu anubɛ bolo-kolɔnnu birala a kin na! Wo ye wola keinu fɔrɔsɛla alako anu ni to nala baan la wo ye tuma-wo-tuma.

Maika 2:1

“Gbalo si taran wo mɔgɛnu ma minnu si anu miri ko-yogomɛ ma anu ta-nyɔgɛnuna ko ma suyi rɔ. Anu bi duwala le ko banda ni ka. Bandɛ wa ka tumɛ min, anu si anu nawuli anuna karagbɛlɛyɛnu na anu bolo iko anu ya anu miri a ma suyi rɔ nya min.

Maika 2:2

Ni mɔgɔ-su kɛnu bi nyinina mɔgɛ do bolo-fan do ma, a mara wɔli-kɛ-tinɛ la wo, a mara bɔn la wo, anu si a bi kensunteyɛ la anu ta-nyɔgɛ donu bolo, hali anu ta-nyɔgɛ donuna denbayɛ donu.

Maika 3:3

Wo ye Marita mɔgɛnu birala boloko-yogomɛ-kɛ iko donso-keminɛ tenbi sogo-gbole bɔla a ma. Wo ye Marita mɔgɛnu birala iko donso-keminɛ wa sogo-ratɛgɛtɛgɛnɛ sa dagɛ rɔ ka a dɔn sa!

Maika 6:10

A ko karagbɛlɛnte donu bi nyɔ minnu bi nɔnfulinu namarala anu nyɛrɛ ye anuna bɔnnu na, anu ma minnu nyini a kilɛ fɛ. Wo ye mɔgɛ donu kensunyala fen-suma-fannu na, ado wo don ma di ale Mari ye.

Matiyu 21:33

Yisa ko, “Wo ni wo tole masɔ tili-gbɛrɛ la. Dugu-tigi do ye nyɔ nun min ya ki-fannu ki ka a masansan. A ya gbere-kole ladan ka bɛndɛnu sɔ. Wo kɔma, a ya mɔgɛ donu sinka nyɔ la. A bɔra a warɛ ka ta tagama rɔ.

Yemesi 2:6

Kɔnɔ wole ye bolo-kolɔnnu nafɛyala dɛɛ, ado yon bi wo niyi ragbɛrɛnna ka wo lafili kiti tɛgɛ tinɛ? Nɔnfulu-tiginu denu si wo ma!