Aiseya 29:7 - ALLALA KUMƐ

⁷ Sibolo-gbɛrɛ kɛlɛ-dan minnu bi Yerusalɛm soe kɛlɛla, wonu si tunu yen, iko ko-rayirɛ suyi rɔ. Anuna kɛlɛ-miran bɛɛ si tunu anu ma yen!

Aiseya 29:7 ပူးပေါင်းရင်းမြစ်များ

Yobu 20:8

A si tunu yen, iko kiyo. A ti yen tun!

Yaburi 73:20

Anu bara-koe si ma iko mɔgɛ wa kiyo-makilannɛ sa, a wa kunden gbɛ, a ti ma tonya la. Ile, ma tigi wa kunden tumɛ min, ma yogenu bara-koe ara ka-a-la.

Aiseya 17:14

Wurala-tumɛ wa ke, mɔgɛnu kumakɔnɛ si to kɔnɔ yanni bandɛ ni ka, wo si a taran, anu bara tunu iko munku-gbu kelan. Mɔgɔ-wo-mɔgɔ wa na ma kɛlɛ tinɛ, a ye mala wonu na wo nya na le.

Aiseya 37:36

Marita melika yigira Asiriyanuna dagɛ rɔ. A ya mɔgɔ waga kɛmɛ kelen mɔgɔ waga bi-segin ani mɔgɔ waga loli faga Asiriyanu tɔ (185,000). Bandɛ kanɛ, wonu furi taranta nyɔ.

Aiseya 40:17

Fenfen ma sibolenu na a yala. Anu ti ko-wo-ko nyinya ale ma.

Nehami 1:15

Wole Yuda kɛnu, wo ni wo yɛ lata kilayɛ ma nala kuma-nyimɛ la a bolo kɔnkɛnu kuma. A ye nala wo yogenu nɔ-koe fɔla wo ye. Wo ni wola ladiyɛnu kɛ tun. Wo ara lanyiri kiri Alla ye minnu na, wo ni wonu di a ma. Wo yogenu ti bɔ Ninɛfa ka na bui wola nyamanɛ kɛ ma tun! Anu na ara to dogbe!

Nehami 2:1

E, Ninɛfa kɛnu, Ninɛfa tiilɛ ara na. Wo ni wo sɔ-tinɛnu bi tarɛ kuma. Wo yɛ bɛnnɛ ni to kilɛ ma wo yogenuna ko la. Wo ni wo rabɛn kɛlɛ yarɔ. Wo ni wola kɛlɛ-dannu kundɛn kan-tina-kelen.

Sakaraya 12:9

Wo wati wa ke, sibolo-wo-sibolo wa a nyɛrɛ ma Yerusalɛm kɛlɛlɛ la, a ko a si wo halaki.