Aiseya 29:13 - ALLALA KUMƐ

¹³ Mari ko mɔgɛ kɛnu bi a fɔla anu da rɔ ko ale Mari di anu ye kɔnɔ a wara-koe sa anu yisi-kunyɛ la. Anuna dina manɛ tɔn anubɛ namunya-gbansan le la. Wo le manɛ anu bolo kuntɔ-karan la.

Aiseya 29:13 ပူးပေါင်းရင်းမြစ်များ

Yaburi 17:1

E, Mari, i yandi, n bi i madiyala telenbagayɛ minna ko la, i wɔlɔ matɔlɔ wo la. N di-kɛ-kan-gbɛnɛ lamɔɛn.

Yaburi 50:16

Kɔnɔ Alla ye a fɔla karagbɛlɛnu ye ko, “Nna tɔn minnu bi wo kunyɛ rɔ, nfenna wo kirinɛ wonu fɔɛ ma? Nfenna wo ye nna sarama-kan wara-koe fɔla?

Hɛnkilimaya-Kumɛnu 30:6

Mɔgɔ kana fen sa Allata kumɛ kuma. Ni min ya wo ma, a si wo makuma, ado mɔgɛnu si tɛgɛ a rɔ.”

Aiseya 10:6

A ko a ara wo latugu Alla-lɔnbɛlɛ donu kan ma bawo anu bara a ladiminya. A ara wo lata bumalɛ anubɛ kankanyɛ anubɛ Yuda kɛnu tatɛntɛn tinɛ ka anu ma iko gbangban.

Aiseya 29:1

Ile Yerusalɛm so-nyɛrɛ ye dankɛ kɔrɔ, Marita saraka-mintan-tinɛ ye kan min, kɔni. Mansa Dawuda ya ile so-kunbɛ ma a daga makɛ tinɛ la nun. San-dande ladiyɛ wa tenbi,

Aiseya 29:12

Ni i tara a la karanbɛlɛ wara ko a ni a karan, a si a fɔ ko a ma a karan-nya lɔn.

Aiseya 30:11

I bɔ ma lagbaranna. Ma sa nyinina ita Isirɛla mɔgɛnuta Alla-sɛnimɛ wara-koe ma.”

Aiseya 42:25

Woletɔ a ya a ma, ma ara ata diminya-makawanɛ lɔn anubɛ ka kɛlɛ-masibɛ lɔn fanan. Ata diminyɛ ya mintannɛ kɛ Isirɛla nyamanɛ rɔ iko tɛ kɔnɔ ma sa a kalama. Ma ma hɛnkili sɔrɔn wo fenfen ma.

Aiseya 63:17

Mari, nfenna i ye a mala, ma ye yilan-yilanna ka bɔ i fɛ? Nfenna i ye a mala, ma tole ye gbɛlɛyala, ma sa i gbiliyala? I yandi, sɛgi ma ma. I halalɛ le male la minnu bi wɔlila i ye buda!

Yɛrɛmaya 12:2

I wara wunduyogenu ki ma tɛma yan. A mani de iko anu suli gbangbannɛ gben, ado anu bi nanfala ka gbɔ. Anu bi i matɔgɔla anu da rɔ kɔnɔ anu yisi fɛ-yan i la pon!

Yɛrɛmaya 3:10

ado Isirɛla tirisan-musu-wunduyoge kɛ ma sɛgi n ma a yisi bɛɛ la. A ya nyɛrɛmankolayɛ le dɔrɔn ma.”

Yɛrɛmaya 42:20

wo ara wo nyɛrɛ baya min si a ma, wo kunyɛ si to-a-rɔ. Wo ya n manyinika ko n ni mata Mari Alla madiya wo ye, ado wo ko a miriya ye ko-wo-ko ma, wo ye wonu denu kɛla.

Yɛrɛmaya 5:2

Mɔgɛnu bi anu kelila ale Mari rɔ kɔnɔ a ko a wara-koe sa anu burɔ wo nya na mumɛ!

Isikiyɛli 14:1

Isirɛla mɔgɔ-ba donu nara sigi nde, Isikiyɛli dafɛ alako anu ni Mari sako lɔn.

Isikiyɛli 33:30

Mari ya a fɔ n ye ko, “Ile hadama-dan, ila mɔgɛnu bi i wara-koe fɔla tarɛ dafɛ anubɛ anuna bonda-dɛnu na. Anu bi a fɔla anu nyɔgɔn ye ko, ‘Ma ni ta ma tole masɔ Marita sarani-kan la.’

Hoseya 7:14

Wo ma n matara wo yisi la fɔ ka wo nyɛrɛ gbesi dugi la ka belenna dila iko Alla-lɔnbɛlɛnu bi a mala nya min. Wo tenbi n matarala dɔn-fen-koe la, wo ye belenna wo mafarafarala iko kafirinu. Mɔgɔ-murutiyani-bɛrɛbɛrɛ le wo la.

Kɔlɔsi 2:22

Tɔn kɛnu tɛgɛnɛ dɔn-fen anubɛ minni-fen-koenu denu ma. Wo wa ban anu dɔnna tumɛ min, a si ma iko fenfen sa nun. Hadama-danta miriya le wo la.

1 Samuwɛli 15:30

Mansa Sɔli ya Samuwɛli madiya, a ko, “Hali n bara hakɛ kɛ kɔnɔ gbiliyɛ di n ma nta mɔgɔ-banu anubɛ Isirɛla mɔgɛnu yala. A ma, ma bɛɛ ni ta ma nyɔgɔn fɛ alako n ni ta ita Mari Alla bato.”