Aiseya 29:11 - ALLALA KUMƐ

¹¹ Nɛbinuna ko-rayen fenfen-kɔrɛ ti lɔn i bolo bawo anu dogonnɛ i ma. I mani de iko kɛdi min balanta. I wa ta a la karan-mɔgɔ do wara ko a ni a rakaran, a si a fɔ ko a ti ke a karanna bawo a balannɛ.

Aiseya 29:11 ပူးပေါင်းရင်းမြစ်များ

Aiseya 28:7

A nɛbi wo, a saraka-masɔla wo, wo bɛɛ ye tonko-tankanna gbɛɛ-minyɛ bolo. Anu bara baan-su bɛɛ min ha anu bi tola anu nyɛrɛ mabondanna. Alla ye ko-rayirɛ minnu nanala, anu ti ke wonu nya-yenna gbɛɛ bolo. Saraka-masɔlɛnu ti ke kiti tɛgɛla yalafinyɛ bolo.

Aiseya 29:12

Ni i tara a la karanbɛlɛ wara ko a ni a karan, a si a fɔ ko a ma a karan-nya lɔn.

Aiseya 29:18

Wo tele wa ke tumɛ min, tolo-gberenu tole la si ka ka kɛdi wo karan-kan lamɔɛn. Fiyɔn min bara mɛ a bolo mɛmɛla pinpi rɔ, wonu yɛ la si ka ka fen yen.

Aiseya 8:16

Nna karan-dannu, Mari ya sarakanɛ minnu don n bolo, wo ni kumɛ wonu namara kan tinɛ do rɔ yanba ti yalan anu ma kan min.

Daniyɛli 12:4

Melika kelan wo ya a fɔ n ye tun ko, “Daniyɛli, i ni buku kɛ dɛ gbalɔn ha duninyala-ban-wati. Kɛ-wati-mumɛ bɛɛ rɔ, mɔgɛnu si to yigi-ni-yɛlɛla hɛnkili-sɔrɔn-koe rɔ.”

Daniyɛli 12:9

A ya n yabi ko, “Daniyɛli, ta i ye bawo kumɛ kɛ si to gbundi rɔ ha watila ban.

Matiyu 11:25

Wo wati ya a taran, Yisa ya a fɔ ko, “E, n Fa, san-kole anubɛ dugu-kole Mari! N bi baraka birala i ye bawo i wara koe min dogon hɛnkilimɛnu anubɛ mɔgɔ-karannɛnu ma, i wara wo yira karanbɛlɛnu na.

Matiyu 13:11

Yisa ya anu yabi ko, “Alla min bi Arinyɛni tɔ, ata mansayɛ gbundu-ko-hɛnkilimayɛ dira wole ma kɔnɔ a ma di wonu denu ma.

Matiyu 16:17

Yisa ya a fɔ a ye ko, “Yɔnila den Saimon, duwa-dan le ile la! N bi kɛ fɔla bawo hadama-dan ma i labila tonyɛ kɛ la fɔ n Fa Alla min bi Arinyɛni tɔ.

Lankɛnimayɛ 6:1

Wo kɔma, n ya a yen, saga-dan ya li-kɛɛn bɔ a fɔlɔtɛ ma ka a rafulen. N ya dali-fen nanɛ wo kelen kan lamɔɛn. Wo kan manɛ iko san-sɛrɛn-kan. A ko, “Bɔ gbɛ ma!”