Aiseya 28:9 - ALLALA KUMƐ

⁹ Anu bi gbunyala nde, Aiseyata kumɛ kɔrɔ. Anu bi a fɔla ko, “Kei kɛ miri ko a ye yon karan tinɛ? Mɔgɔ-wo-mɔgɔ sa nyinina kɛta kawandili ma. Ala kumɛ kɛ bɛnnɛ denni da-ka-san denu ma.

Aiseya 28:9 ပူးပေါင်းရင်းမြစ်များ

Yaburi 131:2

Yanni wo ni ma, a fisa, n ni to yisi-kimɛ rɔ iko dan min sanɛ a na kian kuma. Woletɔ n yisi si kimɛ pɔɛ!

Yaburi 50:17

Wo sa sɔnna, n ni wo latelen. Wo ye wo banna nna tɔnnu na.

Hɛnkilimaya-Kumɛnu 1:29

bawo wo ko wo mako sa ko-lɔn la, ado wo sa sɔnna Mari gbiliyala.

Aiseya 2:3

Anu si na a fɔ ko, ‘Ma ni Marita kɔnkɛ yɛlɛ wona ka ta ke Marita Bon-Sɛnimɛ ma, Isirɛla mɔgɛnuta Alla, kɔni. Ma si tagama nya min, Mari si wo yira ma la iko a ye nyinina a ma nya min. Marita karan si bɔ Yerusalɛm. A si kuma ata mɔgɛnu ye nyɔ le.’

Aiseya 28:26

A kusan wɔlɛ kɛla bawo Alla le ya a karan wo la.

Aiseya 30:20

Mari si a lagbɛlɛya wo kuma kɔnɔ ale nyɛrɛ-nyɛrɛ si to wo karanna wo bɛɛ rɔ. Wo ti to a nyinɛ kun na.

Aiseya 48:17

Wo Kunkalɛ, Isirɛlata Alla-sɛnimɛ ko wota Mari Alla le ale la. A ye a fɛ ka wo karan wo munanfaga-koe ma ka wo hɛnkili labila wo tagama nya ma.

Aiseya 50:4

Ma Tigi Mari ya n karan kuma-bole ma alako n ni mɔgɔ-rafaganɛnu tagbɛlɛya. A si n nakunden sɔgɔma-wo-sɔgɔma. A si n karan ka n tole masɔ a la iko karan-dan.

Aiseya 53:1

Mɔgɛnu bi a fɔla ko, “Ma ara min namɔɛn Alla bolo kɛ la, yon bi lala wo la? Yon bara Marita fanka yen koe kɛnu tɔ?”

Aiseya 54:13

A ko ale Mari nyɛrɛ si ila mɔgɛnu karan ka yisi-kimɛ di anu ma.

Yɛrɛmaya 5:31

Nɛbinu sa fenfen fɔla foninyɛ kɔma. Saraka-masɔlɛnu bi anu nyɛrɛta fanka le lawɔlila, ado wole, Mari nyɛrɛta mɔgɛnu diyana-koe le wo la. Kɔnɔ kɛ damasi laban si ma wo bolo nfen na?

Yɛrɛmaya 6:10

N si kuma yon na? N si yon makawandi? Yon si a tole masɔ n na? Wole Yuda mɔgɛnu bara wo tole gbere. Wo ti sɔn wo tole masɔla nna makawandili-kumɛnu na. Marita kumɛ ma di wo ye. Wo ti sɔn wo tole masɔla a la muk!

Matiyu 11:25

Wo wati ya a taran, Yisa ya a fɔ ko, “E, n Fa, san-kole anubɛ dugu-kole Mari! N bi baraka birala i ye bawo i wara koe min dogon hɛnkilimɛnu anubɛ mɔgɔ-karannɛnu ma, i wara wo yira karanbɛlɛnu na.

Maraka 10:15

Wo ni wo hɛnkili to kɛ ko! Ni min ti Allala mansayɛ rabira iko dennɛ, wo ti don a rɔ mumɛ!”

Yɔni 12:38

Wo mara alako Nɛbi Aiseya ya min sɛbɛ, wo ni bɔ-a-la ko, “Mari, yon bara la mala kumɛ la? I wara ila sɛnbɛ-makawanɛ mayira yonnu ye?”

Yɔni 3:19

Kiti ye kɛla ka le ko waan nara duninya rɔ kɔnɔ pinpi di mɔgɛnu ye waan ko bawo anu bi ko-yogomɛnu kɛla.

1 Pita 2:2

Wo ni ma iko den-sɔrɔn-sannu susun-sɔgɛ si minnu bira tuma-wo-tuma. Kin-yi-sɛnimɛ-sɔgɛ ni male bira wo nya na le. Woletɔ wo tenbi wo susunna, wola dɛnkɛninyɛ si to koloyala,