Aiseya 28:19 - ALLALA KUMƐ

¹⁹ Sɔgɔma-wo-sɔgɔma, kasarɛ si to nala wo kuma. Su-ni-tele, wo ye kasarɛ kɔrɔ. Wo ya sarakani-kura wo sarakani-kura sɔrɔn Alla bolo, wonu si na kilan kumɛ do la.

Aiseya 28:19 ပူးပေါင်းရင်းမြစ်များ

2 Mansɛnu 17:6

Kɔnɔ Hoseyala mansayɛ san kɔnɔntɔ nyɔgɛ ma, Asiriya mansɛ wo ya Isirɛla mɔgɛnu nɔ ka ta anu na birɛ rɔ. A ke anu na, a ya anu tatala. A ya donu nata Hela sigisɔn rɔ. A tara donu na Koson sigisɔn rɔ min bi Hebɔ bɛ dafɛ. A tara donu na Midinuna soenu tɔ.

2 Mansɛnu 18:13

Yuda Mansa Hɛsakayala mansayɛ san tan-ni-nani nyɔgɛ ma, Asiriya Mansa Sɛnakaribu tara bui Yuda nyamanɛ ma ka so-kunbɛnu bi tarɛ mininɛ minnu ma.

2 Mansɛnu 21:12

Bawo a ara wo ma, nde, Isirɛlata Mari Alla si Yerusalɛm soe anubɛ Yuda nyamanɛ halaki pɔ! Hali min ba wo lamɔɛn, a si a bole sa a dɛ la.

2 Mansɛnu 24:2

Mari ya a ma, nyamani-kun nani mɔgɔ-kurɔn donu wulita Yuda nyamanita-mɔgɛnu kan ma iko Mari ya a fɔ ala wɔli-kɛla nɛbinu ye nya min nun. Kurun do bɔra Babilɔn, do nara ka bɔ Siriya nyamanɛ rɔ, do nara ka bɔ Mohabu nyamanɛ rɔ, anubɛ do nara ka bɔ Amon nyamanɛ rɔ.

Yobu 18:11

A ma si to banna ko-makilannɛnu bolo kan tinɛ bɛɛ rɔ. Anu bilanɛ a fɛ kan-bo-kan.

Yobu 24:17

Anu bi kilanna tele rɔ. Kɔnɔ pinpi bɔrɔ sa anu ye.

Yobu 41:9

Ni min ya nima-fan kɛ yen, mɔgɛ wo kun ma si kɔ kilan bolo.

Yobu 6:4

Alla Sɛnbɛ-Bɛɛ-Tigi ara n bon kalabɛnnu na, ado kalabɛn wonu marɛ ara n bira. Alla ara ko-gbɛlɛmɛnu nana n kan ma ha n kun ma ara kɔ.

Yaburi 55:4

N bara kilan dɔgɔma-ma-de! Saya-kilan ara n kumakɔ.

Yaburi 88:15

Kebi n dennɛ, nde ma fenfen lɔn tɔrɔyɛ kɔma, ado n bi lakira bonda-dɛ le la tolon! Nna tɔrɔyɛ ara n tabɔ.

Aiseya 33:7

Hali kerintenu si keleli kɛ anu dɛnbɛn-koe rɔ. Hali nyamani-yɛ minnu bi yisi-kimɛ lanala nun, wonu ya-yi si to yigila biribiri!

Aiseya 36:22

Ilayakim anubɛ Sɛbana anubɛ Yowa ya anuna durukinu tafara yisi-tinya bolo. Kandɛ ya kumɛ min bɛɛsi fɔ anu ma, anu tara wonu takaran Mansa Hɛsakaya ye.

Aiseya 37:3

Mansa Hɛsakaya ya a fɔ anu ye ko anu ni a fɔ nde, Nɛbi Aiseya ye ko, “Tɔrɔ-tele le bi la. Ma ye tɔrɔyɛ anubɛ yarabiyi kɔrɔ bi. Ma mani de iko musi min bi mui-koe rɔ kɔnɔ sɛnbɛ sa a bolo tun den sɔrɔn tinɛ.

Aiseya 50:4

Ma Tigi Mari ya n karan kuma-bole ma alako n ni mɔgɔ-rafaganɛnu tagbɛlɛya. A si n nakunden sɔgɔma-wo-sɔgɔma. A si n karan ka n tole masɔ a la iko karan-dan.

Yɛrɛmaya 19:3

wole, Yuda kun-tiginu anubɛ Yerusalɛm so-burɔ-mɔgɛnu ni wo tole masɔ Marita sarakanɛ kɛ la. Mari Sɛnbɛ-Bɛɛ-Tigi, Isirɛlata Alla, kɔni, wo ko a si kasarɛ lana kan-tinɛ kɛ rɔ tiriya! Mɔgɔ-wo-mɔgɔ wa kasarɛ wo wara-koe lamɔɛn, wo kun ma si kɔ.

Yɛrɛmaya 4:5

Mari ko nde, Yɛrɛmaya ni kilayɛ kɛ lake wole, Yuda nyamanɛ anubɛ Yerusalɛm so-burɔ-mɔgɛnu ma. A ko wo ni buri fɛ nyamanɛ mumɛ bɛɛ rɔ ka mɔgɛnu kundɛn wo kulu-mayɛlɛnɛ la. Mari ko wo ni ta sigi so-latankanɛnu tɔ.

Yɛrɛmaya 4:9

Mari ko wo tele wa ke tumɛ min, mansɛnu anubɛ mɔgɔ-banu yigi si tɛgɛ. Saraka-masɔlɛnu kun ma si kɔ kilan bolo. Nɛbinu fɛrɛ si yɛrɛyɛrɛn anu ma.

Yɛrɛmaya 6:24

Wole Yerusalɛm so-burɔ-mɔgɛnu ba kɛlɛ-dan wonu na-koe lamɔɛn, wo mankulan si bɔ wo ma kilan bolo. Yisi-tɔrɛ si wo bira. Wo si taran dumɛ rɔ iko musi tenbi den sɔrɔn kun na.

Nimisa Koe 2:22

I ya ma yogenu kele ma kan ma alako anu ni ma kɛlɛ kan-tinɛ bɛɛ rɔ. Anu tugura ma kan ma iko anu keleta dɔn-fan le ma. Mɔgɔ-wo-mɔgɔ ma ke a sɔrɔnna anu na. Mɔgɔ ma to a niyi la min si a rakaran. Hali ma diyana-dan minnu siginɛ ma kɔnkɔn tɔ, anu ya wonu faga.

Daniyɛli 7:28

“N ya koe min bɛɛsi yen nna kiyo rɔ, wo le kɛ la. N kilanta furr, ha n mɔlɔkɔnta kɔnɔ n ya a bira n tɔ.”

Daniyɛli 8:27

Ka a tɛgɛ nde, Daniyɛlita ko-rayen kɛnu ma, a ya tele-siyaman bɔ n mankulan bɔnɛ n ma. Wo kɔma, Mansa Bɛlisasa wo ya n sɔ wɔli min na, n tara wo kɛ tinɛ. Kɔnɔ hali wo, ko-rayen wo ya n kɔndɔfili. N ma ban nun a nya-yenna.

Habakuku 3:16

N ya kɛ damasi lamɔɛn tumɛ min, n kumakɔra. N da-gbole tora yɛrɛyɛrɛnna kumakɔɛ bolo. N kolenu mara yɔrɔyɔrɔ! N kiannu tora yɛrɛyɛrɛnna n kɔrɔ sigisigi! Kɔnɔ n si n tade ka ma yogenu tɔrɔ-tele makɔnɔ Mari bolo.

1 Samuwɛli 3:11

Mari ya a fɔ ale Samuwɛli ye ko, “N bi nala koe min mala Isirɛla mɔgɛnu na, wo si gbɛlɛya anu kuma. Ni mɔgɔ-wo-mɔgɔ ya wo lamɔɛn, wo miran si bɔ a ma.