Aiseya 28:15 - ALLALA KUMƐ

¹⁵ Wo ko wobɛ sayɛ ara sarama-kan kiri, ko wobɛ lakira ara sarama-kan kiri. Wole miri ko kasarɛ wa na wo kunyɛ si bɔ a rɔ. Wo lanɛ foninyɛ anubɛ yanfanteyɛ le la ko wonu si anu kankan wole ya ma.

Aiseya 28:15 ပူးပေါင်းရင်းမြစ်များ

Ko-Dabirɛnu 37:20

Wo na, ma ni a faga ka a lakɛ kɔlon-tagbalanɛ do rɔ. Ma ni a fɔ ko sogo-yogomɛ do ara a faga. Ma si a lɔn wo rɔ ni ko si bɔ ata kiyo wonu tɔ.”

Yobu 5:23

Hali kuri, i ti a taran ila wɔli-kɛ-tinɛ rɔ. Sogo-feremɛnu ti i kɛlɛ.

Makawandili Kumɛnu 8:8

Ni mɔgɛ si ke tɔn sigila fɔnyɔ ma, nba mani, mɔgɛ si ke sayɛ masɛgila a nyɛrɛ la. Kɛlɛ do le wo la mɔgɔ ti ke a burila min kɔrɔ, ado wunduyogoya sa nyɔ min si mɔgɔ-kunyɛ bɔ sayɛ wo rɔ.

Aiseya 28:18

Wobɛ sayɛ ya sarama-kan min kiri wo nyɔgɔn tɛma, a ko a ara wo tinya pɔ! Wobɛ lakira ya sarama-kan min kiri, a ko a ya tɔn sigi wo la. Kasarɛ wa yigi wo kuma, a si wo ratɛntɛn dugu la.

Aiseya 28:2

Mari ara ban sibole do yisi-kɔrɔ tugula anu kɛlɛ-koe la. Wonu si na anu magbenna iko fɔn-belebele-wɛ, ado wonu si nyamanɛ mumɛ makɔ iko gboron-gboronna-yi.

Aiseya 29:15

A sɔgɛ ye minnu na ka anu miriya dogon Mari ma, wonu si halaki. Anu bi pinpirɔ-koe minnu nadanna, anu miri ko mɔgɔ ya sa anu na. Anu ya a lɔn ko mɔgɔ ma a lɔn anu bi min kun na.

Aiseya 3:12

Kemini-mɛsɛnu bi nna mɔgɛnu tɔrɔla. Musinu bi kun-tigiyɛ kɛla anu kuma. Anuna mɔgɔ-banu bi anu bolo labirala, ado anu ma a lɔn anu si anu ya-lamunun kun-tigi minnu na.

Aiseya 30:10

Anu bi a fɔla nɛbinu ma ko, “Wo ni sigi-a-la don!” Anu bi a fɔla fanan ko, “Ma tole diyana-koenu denu fɔ ma ye. Ma sa nyinina ko-telenni ma fɔ ko-nyima-rayirɛ dɔrɔn.

Aiseya 30:12

Isirɛlata Alla-sɛnimɛ ye a fɔla ko wo ye wo banna ata kumɛnu na ka la karagbɛlɛyɛ anubɛ yanfanteyɛ dɔrɔn na.

Aiseya 30:28

A si fɔn-digidigi-wɛ lana a yarɔ iko yi-fɛ min bi tala fan bɛɛ la. A si nyamanɛnu tafiran ka tɔn sigi anuta miriya-yogomɛnu na.

Aiseya 30:9

Foninya-fɔɛ wo, murutiyɛ wo, ka anu ban Marita kuma-birɛ ma wo, anu bi wonu kun na le tolon!

Aiseya 44:20

Hɛnkilimaya-sufa kɛ mani de iko mɔgɛ tenbi ta-gbangban muganna. Ala kun-takolon-miriya wo mani de iko mɔgɛ tenbi donna gbofɛ la. Dɛnbɛni-wo-dɛnbɛni sa a bolo tun. A ti ke a fɔla ko bɛsɛ min bi a bolo kɛ la, Alla ma.

Aiseya 59:3

Wo ara mɔgɛnu faga wo bole la. Wo bole pagasɛ mɔgɔ-yele la. Wo dɛ lamunnɛ foninyɛ la. Karagbɛlɛya-kumɛnu bi wo nagan-sungban la.

Aiseya 59:4

Wo wa ta kiti-bɔn la hali min yo, wo si yiliki sɔrɔn. Tonya-fɔla fenfen sa kiti-bɔn la. Wo ye karamɛ layɛlɛla wo nyɔgɔn ma. Wo ye nanparan ratɛgɛla donu kan ma ka ko-yogomɛ dan-natenbi.

Aiseya 9:15

Kina anubɛ mɔgɔ-ba minnu gbiliyanɛ anu bolo, anu kunyɛ le wonu na. Anu kɔɛ le nɛbi-foninya-fɔlɛnu na.

Yɛrɛmaya 13:25

A ko kɛ le ye nala sigila wo ma. A miriya bɛnnɛ min ma wo wara la, wo le kɛ la. Kɛ bɛɛ ye sigila wo ma bawo wo ara wo kan-kɔ sɔ ale Mari la ka la bɛsɛnu na.

Yɛrɛmaya 14:13

Kɔnɔ nde, Yɛrɛmaya ko, “E, ma Tigi Mari, foninya-nɛbinu bi kuma-gbɛrɛkɛ fɔla ila mɔgɛnu ye ko anu ti tɔrɔya-wo-tɔrɔya sɔrɔn anu yogenu bolo. Nɛbi wonu ko kɔnkɔ ti sa anu ma. Anu ko ile ko ila mɔgɛnu si yisi-kimɛ sɔrɔn nyamanɛ rɔ tolon!”

Yɛrɛmaya 16:19

E, Mari, n sɛnbɛ anubɛ n natankalɛ le ile la. Tɔrɔyɛ wa na tumɛ min, n si ta i wara n nakanan-koe rɔ. Sibolenu si bɔ duninya tonke bɛɛ rɔ ka na i wara. Anu si a fɔ ko, “Bɛsi-fuyi le ye ma benbanu bolo nun dɔrɔn! Anu bi bɛsi-fufafuyinu kɔla nun minnu ti ko nyinya anu ma.

Yɛrɛmaya 44:17

Ma wa ma dato min na, ma ye wo le mala. Ma benbanu anubɛ mala mansɛnu, anubɛ mala kun-tiginu bi isɛnti mintanna ka minni-sarakɛnu nabon mala bɛsɛ ye min tɔgɛ Arinyɛnɛ Musu-Mansɛ Yerusalɛm soe anubɛ Yuda nyamanɛ toe rɔ. Wonu ya a ma nya min, male fanan bi a mala wo nya na le. Dɔn-fen-siyaman taranta ma bolo nun. Ma ara ma-a-la nun, ado nanparan sa ma ma nun.

Yɛrɛmaya 5:12

Wole Marita mɔgɛnu bi a kan masɔsɔla. Wo ye a fɔla ko, “Mari ti ko-wo-ko ma male la. Tɔrɔyɛ ti sigi male la. Male ti kɛlɛ anubɛ kɔnkɛ yen.

Yɛrɛmaya 5:31

Nɛbinu sa fenfen fɔla foninyɛ kɔma. Saraka-masɔlɛnu bi anu nyɛrɛta fanka le lawɔlila, ado wole, Mari nyɛrɛta mɔgɛnu diyana-koe le wo la. Kɔnɔ kɛ damasi laban si ma wo bolo nfen na?

Isikiyɛli 13:16

Foninya-nɛbi minnu bi a fɔla nun ko yisi-kimɛ ye yan, ado yisi-kima sa kan-tinɛ wo rɔ, n bi wonu denu ma.” Ma Tigi Mari kan le kɛ la.

Isikiyɛli 13:22

“Anu bi mɔgɔ-telennɛnu yisi tɔntɔnna a rɔ anuna foninya-kumɛnu na, ado a ma di n ye, mɔgɔ-telennɛ kɛnu yisi ma ni gboya. Anu bi mɔgɛnu manugu-nɛgɛla alako wonu kana na bɔ anu sɔn-yogomɛnu da kɔrɔ bawo ni wonu bɔra anu sɔn-yogomɛ da kɔrɔ, anu si kisi.

Isikiyɛli 22:28

Iko mɔgɛ wa bɔnku-gbɛ layɛlɛ dandan ma alako ka a tinya-tinɛnu yamatogon, anuna nɛbinu kɛnɛna mɔgɔ-ba kɛnu hakɛ dogonna wo nya na le. Anu bi foninya-ko-rayirɛ kɛla. Anu bi foninya-wɔlɔyiya-kumɛnu fɔla. Anu kɛnɛna anu nyɛrɛ mala iko nde, anu Tigi Mari le kumala anu ye kɔnɔ anu foni fuss! Nde ma kuma-wo-kuma fɔ anu ye.

Isikiyɛli 8:12

Alla ya a fɔ n ye ko, “Ile hadama-dan, i wara Isirɛla bɔnsɔn-kun-tiginu yen anu bi min kɛla dogon rɔ? Anu dama ye bɛsɛnu kɔla. Anu bi a fɔla ko, ‘Alla ya sa ma la. A ara a ban mala nyamanɛ la.’ ”

Daniyɛli 11:22

Ni min ya a rasɛ hali a mara Allata saraka-masɔla-kun-tigi-wɛ la, a si a tɔrɔndɔ iko gboron-gboronna yi si yanba-kun-gbalɛ tɔrɔndɔ nya min.

Daniyɛli 9:27

Ale kun-tigi-sɛnbɛmɛ wonubɛ mɔgɔ-siyaman si lanyiri kiri anu nyɔgɔn tɛma san wɔrɔnfila kɔrɔ. Wati wo wa tala a tɛma, a si tɔn sigi saraka-mintantɛnu anubɛ saraka doinu na. Kun-tigi wo si kisimiriya-bɛsɛ do sigi Alla Bato-Bɔn la kan-tina-sɛnimɛ rɔ. A si to nyɔ ha min ya ale bɛsɛ ladan, wo tɔrɔya-wati ni na iko Alla ya a rabɛn a ye nya min.”

Hoseya 2:18

Wo wati rɔ, sogo wo, koni wo, sagan-fen wo, nde, Alla ko anubɛ wonu si sarama-kan kiri anu nyɔgɔn tɛma alako wonu kana ko-yogoma fenfen ma nta mɔgɛnu na. N si kɛlɛ-kɛ-fannubɛ kɛlɛ wara-koe bɛɛ ka-a-la nyamanɛ rɔ, a faan wo, a kalabɛn wo. Nta mɔgɛnu si to yisi-kimɛ anubɛ lafɛrɛ rɔ wulɔn.

Emɔsi 2:4

“Mari ko wole Yuda nyamanita-mɔgɛnu, wole ara hakɛ dan-natenbi, ado a si wo tɔrɔ, yɔ! Mari ko wo ara ale nyɛrɛta karan lɔn fufafuyi la ka tɛgɛ a rɔ. Wo ye bɛsɛnu kɔla iko wo benbanu ya a ma nya min.

Emɔsi 6:13

Wo ye wo nyɛrɛ matɔgɔla ko wo ara Lodiba soe wo bira. Wo ye wasila a la ko wo ragbɛlɛ bawo wo ara Kanam soe bi.

Yona 2:8

Minnuna ko sa i wara-koe rɔ tun, wonu denu bi bɛsi-fufafuyinu kɔla.

Sɛfanaya 1:12

Mari ko wo wati wa ke, a si lɛnpu bi ka a yɛ lakalan Yerusalɛm soe tonke bɛɛ rɔ. Ni a ya mɔgɔ-wo-mɔgɔ taran min wasinɛ, ado a lanɛ a nyɛrɛ la, Mari ko a si wo tigi tɔrɔ. Wo tigi ye belenna a fɔla a nyɛrɛ ma ko, “Mari ti ko-wo-ko sigi a ma, a mara a nyima la wo, a mara a yogoma la wo.”