Aiseya 28:1 - ALLALA KUMƐ

¹ Isirɛla kantɔ-nyamanɛ ye nala kasarala. Anuna gbiliyɛ ye nala fɔsɔla iko kɔn-fere minnu bi anuna mɔgɔ-ba-gbɛɛtoenu kunyɛ rɔ. Hali sɛnti-suma-diyamɛ kɛnɛ anu kunyɛ rɔ, ado anu wasinɛ, anu malɔfɔkɔrɔyanɛ sanɛ gbɛɛ bolo.

Aiseya 28:1 ပူးပေါင်းရင်းမြစ်များ

2 Mansɛnu 15:29

Mansa Pekata wati kɔrɔ, Asiriya Mansa Pulu nara so-kun loli bi Isirɛla nyamanɛ rɔ. So-kun loli, wo le kɛnu na, Iyɔn wo, Ebɛli-Bɛti-Meyaka wo, Yanowa wo, Kɛdɛsi wo, anubɛ Hesɔ. A ya Isirɛla nyamani-kun sawa fanan bi, Kaliyadi wo, Kalili wo anubɛ Nafatali. A tara nyɔ-mɔgɛ bɛɛ la a warɛ Asiriya.

Hɛnkilimaya-Kumɛnu 23:29

Min si gbɛɛ min ka a dan-natenbi, tuma-wo-tuma a ye gbɛɛ-kura mafɛlan le la, ado mɔgɛ wo makinikininta. Tuma-wo-tuma, ale ye kɛlɛ-tɛgɛ anubɛ yasere-masɛ le la. I ya a yen tuma-wo-tuma, a magboro-gboroni de! A ya-kole si mɔ puipui!

Aiseya 28:7

A nɛbi wo, a saraka-masɔla wo, wo bɛɛ ye tonko-tankanna gbɛɛ-minyɛ bolo. Anu bara baan-su bɛɛ min ha anu bi tola anu nyɛrɛ mabondanna. Alla ye ko-rayirɛ minnu nanala, anu ti ke wonu nya-yenna gbɛɛ bolo. Saraka-masɔlɛnu ti ke kiti tɛgɛla yalafinyɛ bolo.

Aiseya 5:11

Gbalo ye wo ma bawo wo ye surula wo yɛ lafinna gbɛɛ la, ado wo ye kila baan minna kɔlikɔli!

Aiseya 5:22

Gbalo ye wole gbɛɛ-minna-wɛnu ma. Wo ye wo wasila baan-tabasanni-minyɛ la.

Aiseya 8:4

A ko yanni dan wo ni kusanya a fa anubɛ a na rakelela, a ko wo si a taran, Asiriya mansɛ ara ban Damasika fen-kolomɛnu kankanna anubɛ Samariya fen-kolomɛnu ka ta anu na a warɛ.

Aiseya 9:11

Mari ara anu yogenu nawuli anu kan ma.

Aiseya 9:8

Mari ara ban Isirɛla nyamanita-mɔgɛnu yilikila, Yakoba kegeyɛnu, kɔni.

Aiseya 9:9

Isirɛla mɔgɛ damasi si a lɔn yati, ko Alla ara anu yiliki katarala minnu siginɛ Samariya soe burɔ, ado kaka, anu sa ko-wo-ko kun na fɔ kɔgɔ-ratugu anubɛ wasinteyɛ. Anu bi a fɔla ko,

Hoseya 4:11

Mari ko, “Baan-feremɛ ye a mala, wole nta mɔgɛnu bi kuntanya-koenu mala.

Hoseya 5:5

Wola wasinteyɛ ye sereyɛ bɔla wo kan ma. Wo hakɛ si wo kiannu burundu wo kɔrɔ ka wo laburun pi! Yuda kɛnu fanan si bui wo fɛ.

Hoseya 5:9

Mari ko wo tɔrɔya-tele ye nala. Wo tele wa ke, wole Isirɛla mɔgɛnu si tɔrɔ. N bi min fɔla kɛ la, fɔ wonu ba ma le serr!

Hoseya 6:10

N bara koe min tayen Isirɛla nyamanɛ rɔ, wo ma daga. Wole nna mɔgɛnu, wo ara wo nyɛrɛ latinya bɛsi-kɔ-koe fɛ. A ma bɛn defan, wo ni a bato.

Hoseya 7:5

Mansɛ wa wuli ladiyɛ kɛla tumɛ min, wo le si a ma, mansɛ anubɛ ala mɔgɔ-banu ni anu min kɔlikɔli!

Saraka-Masɔlɛnuta Tɔnnu 26:19

Ni wo ya wo nyɛrɛ kɔrɔbi, n si na n bɔ wo kɔrɔ. N ti bandɛ lana wo ye woletɔ wola duginu si gbɛlɛya iko fara-kole.

Emɔsi 2:12

Kɔnɔ wole Isirɛla mɔgɛnu bi a fɔla nɛbinu ye ko anu kana Marita sarakanɛ fɔ mɔgɛnu ye. Wo ya gbɛɛ di mɔgɔ-dantɛgɛnɛnu fanan ma.

Emɔsi 2:8

Bolo-kolɔnnu bi anuna birinkan sigila wo ma tulumɛ la, wo sa wonu nasɛgila anu ma wurɛ la, ado wo ye wonu sala wo kɔrɔ hali wola batoli-kɛ-tinɛnu tɔ. Wo ye mɔgɛnu bɔnina wodi minnu na, wo ye wonu sanna gbɛɛ la ka ta a min wota bɛsi-kɔ-bɔnnu tɔ.

Emɔsi 4:1

Wole Samariya musu-ba-kunbanu Basan nyamanɛ rɔ, wo kunbayanɛ iko bɔrɔkɛ. Wo ni wo tole masɔ. Wo sa fɛlɛtenɛnu anubɛ bolo-kolɔnnu birala a kin na! Wo ye wola keinu fɔrɔsɛla alako anu ni to nala baan la wo ye tuma-wo-tuma.

Emɔsi 6:1

“Wole Isirɛla mɔgɔ-lafɛrɛnɛ minnu siginɛ Yerusalɛm, wole minnu yisi-kimanɛ Samariya soe burɔ, Isirɛla mɔgɛnu bi tala wole min bara wo dɛnbɛn-koe rɔ, a si gbɛlɛya wo kuma gben!

Emɔsi 6:4

A si gbɛlɛya wole, nɔnfulu-tiginu kuma, wole min bi wo sala wola sa-fen-hakikɛnu kuma ka mɛ fen-diyamɛnu dɔn tinɛ.

Emɔsi 6:6

Wo ye wola gbɛɛ-barɛnu sɔla wo kun na ka wola tulu-hakikɛnu susa wo ma tuma-wo-tuma. Wo ye wo diyana-koe wo damasi mala kɔnɔ wola ko sa Isirɛla kasara koe rɔ.

Emɔsi 6:8

“Allatala ara a tanɛ sigi wo ye ka wo makawandi ko wole, Isirɛla mɔgɛnuna wasinteyɛ ma di ale ye mumɛ! A ko wo sa hɔnna mɔgɔ-gbɛrɛkɛ la, fɔ wo ye bon-hakikɛ minnu sɔla wo nyɛrɛ ye. Mari ko a si wobɛ wola so-karantan don wo yogenu bolo fasai!”