Aiseya 27:11 - ALLALA KUMƐ

¹¹ Nyɔ-kɔlɔmanu nafɔsɔnɛ, anu bolɔnnu kerikerinɛ. Musinu si nyɔ ma sɔgɔ-nyini-tinɛ la. Mari ya mɔgɛ wo minnu dan, anuna hina-wo-hina ma taran ale rɔ bawo anu ya anu ban a nya-yen-koe ma.

Aiseya 27:11 ပူးပေါင်းရင်းမြစ်များ

Yaburi 106:40

Woletɔ Mari fonde bɔra ala mɔgɛnu kuma. Anu sɔgɔ labɔra a la lass!

Aiseya 1:3

Ninkinu ya anu tigi lɔn, sofɛlɛ fanan ya anu de-nyininɛ lɔn kɔnɔ a ko wonu tenbira wole Isirɛla mɔgɛ kɛnu na. A ko wole, ata mɔgɛnu ma wo tigi lɔn.

Aiseya 18:5

Ki-fannu ba fere, yanni wonu keri-wati ni ke, wo si a taran, Sudan kɛnu yogenu bara ban anu kasarala. Anu si anu nɔ tiriya iko muri ye tɔnbɔnna kɔlɔma bolɔn rɔ nya min.

Aiseya 43:1

Isirɛla mɔgɛnuna Mari ko ma kana kilan bawo a ye nala ma lakananna. A ko a ara a sereka-tɔgɛ sa ma kuma. A halalɛ le male la.

Aiseya 43:7

A halalɛ le male la, ado a ya ma dan a gbiliya-koe le la.

Aiseya 44:2

A ko ale le ya ma dan kebi ma ye ma na burɔ. Ale le ye ma dɛnbɛna tolon! A ko ma kana kilan bawo ata wɔli-kɛlɛ le male la. Ata mɔgɔ-yabɔnɛ le male la. Ma di a ye kosɛbɛ!

Aiseya 44:24

Mari ko ma kisilɛ le ale la. A ko ale le ya ma dan kebi ma ye ma na burɔ, ado a ko ale le ya fan bɛɛ dan. A kelen pe le ya san-kole rafulen. A ye dugu-kole danna tumɛ min, mɔgɔ ma a madɛnbɛ.

Aiseya 5:13

woletɔ fɔ wo yogenu ba wo bira ka ta wo la. Wola kun-tiginu si faga kɔnkɛ bolo. A mɔgɛ toenu si faga kan-nagbalɛ bolo.

Aiseya 9:17

Woletɔ Mari ti sɔn kemini-mɛsɛ wo fenfen kunyɛ ni bɔ a rɔ muk! Hali kelennɛnu anubɛ kɛɛ-nyaganɛnu, a ti kinikini wonu ma bawo Alla-lɔnbɛlɛ anubɛ karagbɛlɛ le mɔgɛ damasi la. Anu darɔ-kan bɛɛ yogo. Kɔnɔ hali wo, wo ti a ma, Marita fondo-bɔɛ ni ban. Ha bi, Mari kɔɛn kɔrɔbinɛ anu tɔrɔ-koe la.

Yɛrɛmaya 11:16

Mari le ya wole kele ko ɔlifi-kɔn-yigirikiri-wɛ min gbɔɛ tɔntɔnnɛ a la, ado a mafɛlɛn di. Kɔnɔ ni Mari ya tɛ sɔgɔ a la a mintan-kan si ta pon! A bolɔnnu si mintan gburr!

Yɛrɛmaya 13:14

A ko a si a ma, wole Yuda mɔgɛnu ni to tonko-tankanna ka bui wo nyɔgɔn kuma. Den wo, fa wo, bɛɛ si bui a nyɔgɔn kuma. A ko wola hina-wo-hina ti don ale tɔ. A ko ata hinanteyɛ ti a ma, wo ni to wo niyi la.

Yɛrɛmaya 16:5

Mari ko n kana ta saya-bɔn la. A ko n kana saya-kɔndɔli-kɛ hali ka di. A ko n kana wo ma bawo a ara ata duwɛ bɔ wo bolo. A ti ata keninteyɛ anubɛ ata kinikinɛ yira wo la tun!

Yɛrɛmaya 25:37

Wola ninki de-nyini-tinɛnu bi gbalala. Wo ye mala le bawo Mari fonde ye bɔla dɔgɔma-ma-de!

Yɛrɛmaya 4:22

Mari ko kun-takolɔn le wole, ala mɔgɛnu na bawo wo ma ale lɔn. A ko denniya-hɛnkili le ye wo bolo. Wo ma fenfen lɔn. A ko wo kusan wunduyogoyɛ la kɔnɔ wo ma ko-wo-ko lɔn ko-nyimɛ wara-koe rɔ.

Yɛrɛmaya 8:7

Hali konanu, wonu ya anu nyɛrɛta ko-ladan-wati lɔn. Hali kulangbɛ anubɛ serekokonu ya anu tunu-wati lɔn. Kɔnɔ Mari ko a ye nyinina min ma wole, ata mɔgɛnu bolo, wo ma wo lɔn.

Isikiyɛli 19:12

Kɔnɔ yisi-bɔɛ le ya a ma, anu ya a wurun ka a gbesi dugu la. Fɔn-kalamɛ ya a gbɔɛnu gbala ha a bolɔnnu kara a ma. Minnu gbalata, tɛ ya wonu mintan.

Isikiyɛli 20:47

A fɔ dugula gbɔngbɔn ye ko a ni a tole masɔ a Tigi Mari kan la. Nde si tɛ tugu a la. Tɛ si kɔlɔma bɛɛ mintan, a kuran wo, a gbalanɛ wo. Mɔgɔ-wo-mɔgɔ ti ke tɛ kɛ ladufenna. Tɛ wo si ta gbɔngbɔn mintanna ka bɔ dugi la ha ka ke kan tɔ. Wo wuyan si ke bɛɛ ma.

Isikiyɛli 9:10

N ti kinikini anu ma. N si a ma anu na iko anu denu fanan bara a ma doinu na nya min.”

Hoseya 4:14

N ti wola dunmusinu tɔrɔ bawo wole keinu denu bi yɛlɛn-musi kɛnu makila ka anuna bɛsɛnu kɔ anuna bɛsi-kɔ-tinɛnu tɔ. Wole ko-nya-yenbɛlɛnu bara-koe ti ta yarɔ ma mumɛ!

Hoseya 4:6

Gbalo ye nta mɔgɛnu kuma bawo anu ma nde, Alla lɔn wole, saraka-masɔlɛnu bolo. N lɔn-sɔgɔ sa wole, saraka-masɔlɛnu na. Wo ara wo kan-kɔ sɔ nta karan la. Woletɔ wo ye wo banna a la. Hali wota dannu, n ti wonu yatɛ saraka-masɔla la.

Matiyu 13:15

Fan do ara sa mɔgɛnu miriya ya ma. Anu bara anu tole gbere. Anu bara fan sa anu yɛ ma alako anu kana na ko ragbɛ anu yɛ la. Anu kana ko lamɔɛn anu tole la. Anu kana ko nya-yen anu hɛnkili la. Ni wonu ma ma nun, anu si anu ya-lamunun nde, Mari la anu nakɛndɛya-koe la.’

Matiyu 13:19

Minnu bara Allala mansaya-kumɛ lamɔɛn, ado a ma a nya-yen, wonu mani de iko sugi min buira kilɛ fɛ. Min fuira a yisi rɔ, Setanɛ si na worɔ ka wo fɔrɔn.

Matiyu 3:10

Yende kɔrɔ ara bi ka kɔlɔma-kurinu tɛgɛ anu sulinu tɔ. Kɔlɔma min gbɔɛ ma di, a bɛnta, a ni tɛgɛ ka a lakɛ tɛ rɔ.

Yɔni 15:6

Minnu ti to nde rɔ, n Fa Alla si wonu nakɛ a rɔ iko mɔgɛ si kɔlɔma-bolon-gbalɛnu nadɛn nya min. Anu si to gbalala. Mɔgɛnu si bolɔn wonu nadɛn ka anu nakɛ tɛ rɔ anu si mintan kan min.

Romu 1:28

A ma di anu ye, anu ni Alla lɔn a kilɛ fɛ min kɛ, woletɔ Alla ya anu to anuna kisimiriya-koe wonu tɔ, ado wo le ya a ma, anu ya ko-su wonu ma minnu ma bɛn mɔgɛnu tɛma mumɛ!

Romu 1:31

Miriya-nyimɛ sa anu burɔ, ado anu ma telen. Anu ti anu nyɔgɔn makoto, hali ka kinikini mɔgɔ ma.

Tɔn-Fɔɛ-Fila-Nyɔgɛ 4:6

Ni wo ya tɔn kɛnu bira, wo si a yira sibolo-gbɛrɛnu na ko hɛnkilimɛ le wole la. Anu ba wola tɔn kɛnu wara-koe lamɔɛn, fɔ anu ba a fɔ ko, ‘Mɔgɛ kɛnu kusan ko ladanna, anu hɛnkili kolo.’ ”

1 Tɛsalonaika 2:16

Anu bi anu tayala nun ka male lakala alako ma kana kisi-ko-kuma-kawandili bɔ sibolo-gbɛrɛnu ye. Anu bi hakɛ min kɛla tumɛ bɛɛ, wo dan-natenbi le, ado Allala fondo-bɔɛ ara a laban anu kuma!

Yemesi 2:13

Alla tenbi kinikinibɛlɛnu kitila tumɛ min, a ti kinikini wonu ma. Kɔnɔ kinikini tigi wa sɔ kiti tɛgɛ tinɛ, Alla si kinikini wo tigi ma.