Aiseya 27:10 - ALLALA KUMƐ

¹⁰ Anuna so-gbɛlɛmɛ si to tonbonyɛ la. A ra si kolonya filili iko wula-da-rakolɔn. A si ma tubali-kɛ-tinɛ la ninkinu ye iko anu bi yanba-kun-kurannu dɔnna kan min.

Aiseya 27:10 ပူးပေါင်းရင်းမြစ်များ

Aiseya 17:2

ado a ko Siriyanuna so-mɛsɛnu si to tonbonyɛ la tolon! A ko anu si ma ninki anubɛ sagɛnu de-nyini-tinɛnu na, ado anu gbenna fenfen ti taran.

Aiseya 17:9

Wo wati wa ke, tara-hakikɛ mininɛ soe minnu ma nun, wo bɛɛ si ma tonbɔn la tɛrr, iko Hɛfanu anubɛ Amoranu ya anu buri Isirɛla kɛlɛ-dannu kɔrɔ nya min ka anuna soenu boloka.

Aiseya 24:10

Koe bɛɛ piriki-parakɛ si to soe burɔ. Mɔgɛnu si dɛ balan anu nyɛrɛ ma anu kanan-koe la.

Aiseya 25:2

I wara soenu ma sundu-kunyɛ la ka so-latankanɛnu kasara pɔ! Ma yogenu ya bon-hakikɛ min bɛɛ sɔ, wo bɛɛ ara tii mɛmɛ!

Aiseya 32:19

Hali banda-kole wa wola gbɔngbɔnnu takerikeri ka wola soenu tinya,

Aiseya 35:1

Wula-da-rakolɔn si sewa. Nyɔ-bagɛnu si fere.

Aiseya 49:21

Nba ile Yerusalɛm, i si a fɔ i nyɛrɛ ma ko, “Yon ya den-siyamɛ kɛ bɛɛ sɔrɔn n ye?” I si a fɔ ko i wara foo ila dan bɛɛ la ko i ti den-gbɛrɛ sɔrɔn tun. I ko anu bara i gben ka i to biralɛ rɔ kɔnɔ yon ya dan kɛ damasi labɔ a rɔ i ye? I si a fɔ tun ko i bolokanɛ tora min kɛ, dan kɛ bɛɛ bɔra mintɔ gbɛ?

Aiseya 64:10

Ila so-sɛnimɛnu ta ara kolonya iko wula-da-rakolɔn ye nya min. Yerusalɛm ra ara kolonya filili, ka ma tonbɔn la.

Aiseya 7:21

“Wo wati wa ke, a ko ni mɔgɛ ya a raya ka ninki-yɛrɛ kelen anubɛ baa fila lamara,

Aiseya 7:25

Anuna sɛnɛ sa tinɛ minnu bi kɔnkɛnuna minɛ rɔ, wonu si ma wɔnɔ-gbansan na ha mɔgɔ ti ke bɔla nyɔ. Nyɔ si ma ninkinu anubɛ sagɛnu de-nyini-tinɛ la.”

Yɛrɛmaya 25:37

Wola ninki de-nyini-tinɛnu bi gbalala. Wo ye mala le bawo Mari fonde ye bɔla dɔgɔma-ma-de!

Yɛrɛmaya 26:18

“Mansa Hɛsakaya ye Yuda nyamanɛ kun na tumɛ min, Mɔrɔsɛti kɛ, Nɛbi Maika ya a fɔ Yuda kɛnu ye wati wo rɔ ko Mari Sɛnbɛ-Bɛɛ-Tigi ko, ‘Yerusalɛm ma si nunku iko sɛnɛ. A si to kasarala, ado tɔ-a-la, Bato-Bɔn sɔ-tinɛ si ma gbɔngbɔn la.’

Yɛrɛmaya 26:6

Ni wo tora murutiyɛ kɛ kun na, a ko a ya ala Fani-Bɔn tinya Sailo soe burɔ nya min nun, a ye a Bato-Bɔn fanan tinyana wo nya na le, ado duninya-mɔgɛ bɛɛ si Yerusalɛm soe tɔgɔ ratɛgɛ dankali-kɛ-tinɛ.

Yɛrɛmaya 52:27

Anu ke anu na Ribila soe burɔ Hamati nyamanɛ rɔ, Babilɔn mansɛ ya a ma, anu ya Yerusalɛm kɛ wonu gbesi ka anu faga. Kɛlɛ tara Yuda mɔgɛnu na ka le.

Nimisa Koe 1:4

Kilɛnu bi dila bawo mɔgɔ-wo-mɔgɔ sa na tina batoli-kɛ-tinɛ Bato-Bɔn la tun. Mɔgɔ-wo-mɔgɔ sa a yɛ masala Bato-Bɔn don-dɛnu ma tun. Woletɔ saraka-masɔlɛnu bi dila anu sigi soenu tɔ. Sunkurɔn minnu bi sigi sala Bato-Bɔn la nun, wonu tɔrɔni kati! Soe ye tɔrɔya-belebele le tɔ.

Isikiyɛli 36:4

Kɔnkɛnu anubɛ gburukulinu wo, folenu anubɛ lɛɛnu wo, kan-tina-tinyanɛnu wo, tonbɔn minnu nafɛyanɛ sibolo-gbɛrɛnu bolo wo, anu ni anu tole masɔ nde, anu Tigi Mari ye nala min fɔla anu ye.

Maika 3:12

“Woletɔ mɔgɛ kɛnu bara-koe le ye a mala, sibolo-gbɛrɛkɛ-mɔgɛnu ni Yerusalɛm ma tonbɔn la. Anu si so-karantan kɛ rasin ka a ma sɛnɛ la. Wo kɔma, hali Marita Bon-Sɛnimɛ sɔnɛ kɔnkɛ min kuma, wo fanan si ma anuna sangban la.”