Aiseya 27:1 - ALLALA KUMƐ

¹ Ninkinankɛ min bi kɔgɔ-yi rɔ, hali a ye a mamagala a buri tinɛ, wo wulɔn nyɛrɛ rɔ, Mari si wo tɔrɔ ata faan-damɛ sɛnbɛmɛ la.

Aiseya 27:1 ပူးပေါင်းရင်းမြစ်များ

Yobu 26:13

Alla wa banda-finyɛ fɛ, san ma si tɛgɛ tonsen! Fen-makilannɛ min bi yi rɔ, a ya wo rasɔgɔ a kɔɛn la.

Yobu 3:8

Mɔgɛ minnu bi dankalɛ kɛla, alamɛ wonuna dankalɛ ya tele wo lakunu. Duri min si a ma, ninkinankɛ ni tele latunu, alamɛ wonu ya a ma, ninkinankɛ wo ni tele wo latunu.

Yobu 40:19

A makawara nima-fan bɛɛ ko, ado fɔ a dannɛ, wo le si a nɔ.

Yobu 41:1

Ile si ke ninkinankɛ birala lunyɛ la, wa? I si ke yili sɔla a nagan la, wa?

Yaburi 104:26

Kulɔnnu bi anu burila kɔgɔ-yi wo kuma, ado ninkinankɛ min tɔgɛ Lifayatan, wo ye tolonna yi rɔ nyɔ. Ile le ya wo dan.

Yaburi 45:3

Ile mansa-sɛnbɛmɛ, ila faan dun i kawɛ la, ile mansa-makawanɛ min bi ko-makawanɛ kɛla, kɔni.

Aiseya 26:21

Mari ye nala bɔla ata kan-tina-sɛnimɛ rɔ san-kole rɔ. A ye nala mɔgɛnu tɔrɔla dugu-kole kuma anuta hakɛla ko la. Anu ya mɔgɛ min bɛɛsi faga dogɔn tɔ, wo bɛɛ si bɔ gbɛ ma wulɔn. Minnu bara faga nun, bɔnkɛ ti a sansan wonu ya ma tun mumɛ!

Aiseya 51:9

Mari, i yandi, kunden. I ni ma dɛnbɛ. Ita sɛnbɛ lawɔli ka ma kisi. Wɔli iko i duruta a mala kɔrɔma la nya min. Ile le ya ninkinankɛ ratɛgɛtɛgɛ fɔlɔ nun.

Aiseya 65:12

Mari ko ko-latɛgɛnɛ wo si ma wo ye faan la. Wo dama si wo kan panparan kan-natɛgɛlɛ ye. Ni i ya a yen, kɛ ye mala wo la bawo Mari ya wo kele min kɛ, wo ma a denkun defan! A kumara wo ye kɔnɔ wo ma wo tole masɔ a la. Koe minnu ma kin, wo ni wo fara wonu na. Wo tora wo gbɛ wonu denu da la, ado wo ma ale Mari hɛnɛ.

Aiseya 65:25

Yarɛ anubɛ saga-dan si anu de-nyini kan-tina-kelen. Kuli si to binyɛ dɔnna iko ninki. Duguma-fan ti ko ma mɔgɛ la tun. Mari ko fenfen yogo, wo ti taran ata kɔnkɔ-sɛnimɛ kuma.

Aiseya 66:16

Mari si kiti tɛgɛ tɛ la. A si hadama-dan bɛɛ tɔrɔ faan la, ado a ye minnu wara-koe kala-a-la, wonu denu siya.

Yɛrɛmaya 47:6

Filisitinu bi gbunyala ko, “E, Marita faan, i si to pelen-pelenna ha tumɛ nyamintan? Don i lɛɛ rɔ ka i sulen nyɔ.”

Yɛrɛmaya 51:13

Hali bɛ rakanɛ nyamanɛ wo rɔ, dugu-kɔrɔ-nɔnfuli siya a rɔ, Mari ko nyamanɛ wo lato-wati ara ke.

Yɛrɛmaya 51:34

Babilɔn Mansa Nɛbukanasa ara Yerusalɛm soe dɔn. A ya soe rakolonya iko yi-bara-takolɔn. A ya a dama lakunu iko ninkinankɛ. Min di a ye, a ya wo bi ka a toe lakɛ a rɔ.

Isikiyɛli 29:3

Nde, i Tigi Marita kilayɛ kɛ latenbi a ma ko a yogo-finyɛ le nde la. Mɔgɔ-dɔn-banbɛ le ale mansɛ la min sanɛ bɛ rɔ. A ye a fɔla ko atɛ le Nayɛli bɛ la iko ale le ya a ladan.

Emɔsi 9:3

Ni minnu ya a dogon Kamɛli kɔnkɛ kuma, a ko a si a nyini nyɔ ha a ni wo yen. Hali minnu ya a dogon kɔgɔ-yi-dumɛ rɔ, a ko a si a fɔ ala yi-kɔrɔ-fen-makilanni-bɛ ye ko a ni wo kin.

Lankɛnimayɛ 12:3

Kabana-ko-gbɛrɛ bɔra Arinyɛni tɔ. Ninkinanka-wulen-ba bɔra gbɛ rɔ nyɔ. A kunyɛ wɔrɔnfila. A kere tan. Mansaya-fulɛ ye a kunyɛ wo kelen-kelennamɛ-bɛɛ la.

Lankɛnimayɛ 13:11

Wo kɔma, n ya sogo-ferema-gbɛrɛ yen bɔla dugi kɔrɔ. Kere fila ye a kuma iko saga-dan-kere. A kumara iko ninkinankɛ.

Lankɛnimayɛ 13:4

Mɔgɛ bɛɛ ya ale ninkinankɛ kɔ bawo a ya ala sarati di sogo-feremɛ wo ma. Anu ya sogo-feremɛ wo fanan kɔ. Anu ko, “Yon bi iko sogo-feremɛ kɛ? Mɔgɔ ti ke a kɛlɛla.”

Lankɛnimayɛ 16:13

Wo kɔma, n ya nyina-kɔsɔni sawa yen. Anu manɛ iko turugbɔfɔrɛnu. Anu bi bɔla ninkinankɛ wo, sogo-feremɛ wo, anubɛ foninya-nɛbi wonu dɛnu tɔ.

Lankɛnimayɛ 17:1

Wo kɔma, pani-kunba wɔrɔnfilɛ ye melika minnu bolo, wo kelen ya a fɔ n ye ko, “Na ma ni ta. Babilɔn-so-wɛ min manɛ iko yɛlan, wo tɔrɔta nya min, n ni wo yira i la. Babilɔn wo sɔnɛ ba-siyaman dafɛ.

Lankɛnimayɛ 17:15

Melika ya kɛ fɔ n ye fanan. A ko, “I ya musu-yɛlan wo siginɛ yen bɛ minnu dafɛ, mɔgɔ-su bɛɛ le bɛ wonu na anubɛ sibolenu anubɛ nyama iko anuna kan faranɛ nya min.

Lankɛnimayɛ 19:21

Faan min bi bɔla so-laburilɛ wo dɛ rɔ, wo ya anuna kɛlɛ-dannu faga. Kona bɛɛ ya wonu fɛrɛ-bɔnkɛ dɔn ha anu fara pen!

Lankɛnimayɛ 2:16

Nba, wo ni wo kɛ-nya yɛlɛma! Ni wo ma, faan-da-filɛ min bi bɔla n da rɔ, n si na yona ka mɔgɛ wonu kɛlɛ wo la.

Lankɛnimayɛ 20:2

A ya ninkinankɛ wo bira ka a kiri san waga kelen kɔrɔ. Duguma-fen-kɔrɛ wo, wo le Setanɛ la, ninkinankɛ, kɔni.