Aiseya 26:6 - ALLALA KUMƐ

⁶ Minnu tɔrɔnɛ, wonu si tenbi so-labuinɛ wo kuma ka ta tagamana a kuma dafi-dafi!

Aiseya 26:6 ပူးပေါင်းရင်းမြစ်များ

2 Mansɛnu 9:33

Mansa Yehu ya a fɔ wonu ye ko, “Wo ni a latosokoro dugi ma.” Wonu ya ale musi latosokoro. A yele pusenta dandan anubɛ soeenu ma. Mansa Yehu ya ala soeenu anubɛ ala kirindi bi ka a furi dɛgbɛ.

Aiseya 11:4

A si bolo-kolɔnnu kiti telenbagayɛ la. A si mɔgɔ-tɔrɔnɛnu dɛnbɛn anu yoe wara-koe rɔ. A wa ban min yilikila, wonu si tɔrɔyɛ le sɔrɔn, ado a si wunduyogenu faga.

Aiseya 25:10

Mari si ata kɔnkɔ-sɛnimɛ lakanan kɔnɔ Mohabu kɛnu ta si tɛntɛn iko binyɛ anubɛ ninki-nyɛ yabasannɛ ninki kɔrɔ nya min.

Aiseya 28:3

Mɔgɔ-ba-gbɛɛtoe wonuna wasinteyɛ si taran anu yogenu denu kin kɔrɔ.

Aiseya 29:19

Isirɛlata Mari Alla-sɛnimɛ ye sewɛ min dila mɔgɛnu ma, bolo-kolɔn anubɛ mɔgɔ-famayiginɛnu si wo sɔrɔn tun.

Aiseya 3:14

A ara kumɛ rabɛn ala mɔgɛnuna kun-tiginu anubɛ anuna mɔgɔ-banu kan ma. A ko, “Wo ara bui mɔgɛnu ma ka anuna ki-fannu bi anu bolo. Wola bɔnnu nafanɛ bolo-kolɔnnuna fannu na.

Aiseya 3:15

Sereya sa wo bolo ka bui nna mɔgɛnu ma ka bolo-kolɔnnuna bolo-fannu bi anu bolo.” Ale wo Tigi Mari Sɛnbɛ-Bɛɛ-Tigi kan le kɛ la.

Aiseya 37:25

A ye a nyɛrɛ matɔgɔla ko a ye kɔlɔnnu sinna sibolo-gbɛrɛnu barɛnu tɔ. A ko anubɛ ala kɛlɛ-dannu bara Iyipiti bɛnu gbala anu kian la.

Aiseya 60:14

Mɔgɛ minnu bara i matanban nun, wonu si anu maburun i kɔrɔ. I sɔgɛ labɔnɛ minnu na, wonu si na anu sa i kin kɔrɔ. Wonu si i kele ko, “Marita So-Karantan.” Wonu si i kele fanan ko, “Isirɛlata Alla-sɛnimɛ warɛ,” Yerusalɛm, kɔni.

Yɛrɛmaya 50:45

Mari ko a ara koe min tabɛn Babilɔn kɛnu kan ma, anu ni anu tole masɔ wo la. Hali anuna dannu, anu yogenu si wonu sagan dugi la. Bɛɛ kun ma si kɔ.

Daniyɛli 7:27

Alla Min Bi Fan Bɛɛ Kun Na, mansaya-sɛnbɛ anubɛ ala kinyɛ min bi duninya bɛɛ rɔ, a si wo latenbi ala mɔgɔ-sɛnimɛnu ma. A ko anu si to mansayɛ la burubukai! Min sanɛ wo kuma, duninya-mansɛ toenu si wɔlɛ kɛ anu ye ka anu gbiliya.

Sɛfanaya 3:11

A ko wo wati wa ke tumɛ min, wole Isirɛla kɛnu kana miliya tun ka a tɛgɛ wo ara murutiyɛ min ma Mari ma nun fɔlɔ. Kɔnɔ yanni wo wati ni ke, a ko a si mɔgɔ-wasinɛ bɛɛ firan dugu-kole kɛ kuma. Woletɔ wo ti murutiya Mari ma tun kɔnkɔ-kolo-wɛ kuma ata Bato-Bɔn sɔnɛ kan min.

Malakayi 4:3

Wo tele wa ke, ale Alla wa a lawuli, a ko wo si wo yogenu nɔ ka anu tatɛrɛgbɛn wo kian kɔrɔ iko gbangban.

Luka 10:19

Nba, wo ni wo tole masɔ, n bara fanka di wo ma alako wo ni tagama duguma-fannu anubɛ bondalɛnu kuma. Wo si Setanɛla sɛnbɛ bɛɛ nɔ, ado fenfen ti wo madumɛ.

Romu 16:20

Alla min bi yisi-kimɛ dila ma ma, wo ti mɛ Setanɛ kasarala wo kin kɔrɔ. Ma Mari Yisala hinɛ ni to wo fɛ.

1 Kɔrɛnti 1:26

N na-kelen-nyɔgɛnu, Alla ya wo kele tumɛ min, wo ye nya min nun, wo ni wo yili to wo ko. Iko hadama-dan si fan dan nya min, a hɛnkilima wo, a mɔgɔ-ba wo, a kun-tigi wo, wonu ma siya wo tɛma nun.

Yemesi 2:5

N diyana na-kelen-nyɔgɛnu, wo ni wo tole masɔ! Alla ara bolo-kolɔnnu yabɔ duninya kɛ rɔ ka anu nama-a-la dɛnkɛninyɛ rɔ. Alla di minnu ye, wonu si mansayɛ sɔrɔn iko a ara lanyiri kiri anu ye nya min.

Yasowa 10:24

Yasowa ya Isirɛla kei bɛɛ kele. A ya a fɔ ala kɛlɛ-den-kun-tiginu ye ko, “Wo ni wo kian sɔ mansɛ kɛnu kan kuma alako ka anu namiliya.”

Lankɛnimayɛ 2:26

Minnu ba nɔlɛ kɛ ka n sako kɛ ha a laban, n ya sarati min sɔrɔn n Fa bolo, n si wo di anu ma. N si nɛgɛ gbelekɛ don anu bolo ka mansayɛ kɛ sibolenu kuma. Anu si anu takerikeri iko bɔnku-dagɛ.

Lankɛnimayɛ 3:9

Nba, wo ni wo tole masɔ! Minnu bilanɛ Setanɛ fɛ, foninya-fɔlɛ le wonu na. Anu bi a fɔla ko Yahudiya le anu na kɔnɔ a sa wo nya. N si a ma, anu ni anu sa wo kin kɔrɔ wo madiya tinɛ. Anu dama si a lɔn ko wo di n ye.