Aiseya 26:17 - ALLALA KUMƐ

¹⁷ Kɔnɔ Mari, i wara a ma, ma ara ma dɛ sa-a-rɔ iko musi bui wa a lamaga.

Aiseya 26:17 ပူးပေါင်းရင်းမြစ်များ

Ko-Dabirɛnu 3:16

Alla ya a fɔ musi wo ye ko, “N si a lagbɛlɛya i kuma den sɔrɔn tinɛ. Hali wo, ila kei-sɔgɛ si taran i la, ado a si kun-tigiyɛ kɛ i kuma.”

Yaburi 48:6

Anu yɛrɛyɛrɛnta iko musi min buyi ara a lamaga

Aiseya 13:8

Bɛɛ kun ma si kɔ. Anu si taran dumɛ rɔ iko musu-den-sɔrɔnmatoe. A bɛɛ yɛ si wuya-a-rɔ kilan bolo. Anu ti ke anu kunyɛ kɔrɔbila yisi-tinyɛ bolo.

Aiseya 21:3

N bara min tayen anubɛ n bara min namɔɛn ko-rayirɛ kɛ rɔ, wo ara dumɛ anubɛ kumakɔɛ tenbi n tɔ iko musi wa wuli a nyɛrɛ-masɔrɔn la.

Aiseya 37:3

Mansa Hɛsakaya ya a fɔ anu ye ko anu ni a fɔ nde, Nɛbi Aiseya ye ko, “Tɔrɔ-tele le bi la. Ma ye tɔrɔyɛ anubɛ yarabiyi kɔrɔ bi. Ma mani de iko musi min bi mui-koe rɔ kɔnɔ sɛnbɛ sa a bolo tun den sɔrɔn tinɛ.

Yɛrɛmaya 30:6

Wo ni wo miri kumɛ kɛ ma. Kei si ke buyi bila ka dan sɔrɔn? Nfenna a ye kemini-tagbɛlɛmɛnu yenna anu bi anu buyi rabirala iko musi tenbi a nyɛrɛ masɔrɔnna? Nfenna bɛɛ yakɔrɛ manɛ fangbo iko furitɛ?

Yɛrɛmaya 4:31

N bi di-kɛ-kan lamɔɛnna iko musi tenbi a nyɛrɛ-masɔrɔnna. A ye dila iko nyaganɛ tenbi a fɔlɔtɛ sɔrɔnna. Yerusalɛm ye a niyi makawa-tinɛ le. A ara a bole rasagan ka a fɔ ko, “N bi kirɔnna-a-la le kɛ la. Anu bi n faga-tinɛ le kɛ la!”

Yɛrɛmaya 6:24

Wole Yerusalɛm so-burɔ-mɔgɛnu ba kɛlɛ-dan wonu na-koe lamɔɛn, wo mankulan si bɔ wo ma kilan bolo. Yisi-tɔrɛ si wo bira. Wo si taran dumɛ rɔ iko musi tenbi den sɔrɔn kun na.

Yɔni 16:21

Ni musi ye a nyɛrɛ-masɔrɔn tinɛ, a yisi si gbala ata tɔrɔyɛla ko la. Kɔnɔ a wa dan sɔrɔn tumɛ min, a si nyina ala tɔrɔyɛ wo ko ka sewa bawo dan ara sɔrɔn a ye.

1 Tɛsalonaika 5:3

Mɔgɛnu tenbi a fɔla ko anu bi yisi-kimɛ anubɛ lafɛrɛ rɔ, nba, anu si tɛrɛna halakiyi la wo wati le tɔ, yɔ! A si ma iko musu-kolomɛ buyi wa a lamaga. Anu ti kisi Mari na-tumɛ rɔ.

Lankɛnimayɛ 12:2

A buyi gbiliyanɛ, ado a ye dila den-sɔrɔn-dumɛ anubɛ a tɔrɔyɛ kɔrɔ.