Aiseya 26:16 - ALLALA KUMƐ

¹⁶ Mari, i wara ita mɔgɛnu tɔrɔ nun, anu kɔndɔfilinɛ wati min, anu ya i matara wɛwɛ rɔ.

Aiseya 26:16 ပူးပေါင်းရင်းမြစ်များ

Yaburi 142:2

N bi nna yasere-masɛ bɛɛ kɛla a ye. N bi nta tɔrɔyɛ rakaranna a ye.

Yaburi 27:8

Mari, i ya a fɔ n ma wati min ko n ni i bato, n ma n kun tadu. N nara le.

Yaburi 42:4

N ba n miri ko-tenbinɛnu ma, n yisi si tinya. Fɔlɔ nun, mabɛ mɔgɔ-siyaman bi tala Alla Bato-Bɔn la. Ma tenbi tala, n sɔnɛ anu yarɔ. Anu sewanɛ, anu si a lawɔyɔ sewa-bɛti bɔ tinɛ.

Yaburi 50:15

Tɔrɔyɛ wa na wo ma, ni wo ya n kele, n si wo dɛnbɛ, ado wo si n gbiliya.”

Yaburi 77:3

N ba n miri Alla ma, fɔ di-kɛ-sumɛ si sigi n ma. N ba n miri a ma wɛ kɛ, fɔ n si ma kɔrɔn!

Yaburi 78:34

A wa donu faga anu tɔ wati min, a toenu ni sɛgi a ma. Anu si tubi ka madiyali kɛ anu sɛbɛ-kuna-wɛ la.

Yaburi 91:15

A ko anu ba a rakele, a si a labira. Anu tenbi yakɔrɔ-mamɔɛ rɔ, a ye anu fɛ. A ko a si anu nakisi ka a ma, anu ni gbiliyɛ sɔrɔn.

Aiseya 37:3

Mansa Hɛsakaya ya a fɔ anu ye ko anu ni a fɔ nde, Nɛbi Aiseya ye ko, “Tɔrɔ-tele le bi la. Ma ye tɔrɔyɛ anubɛ yarabiyi kɔrɔ bi. Ma mani de iko musi min bi mui-koe rɔ kɔnɔ sɛnbɛ sa a bolo tun den sɔrɔn tinɛ.

Yɛrɛmaya 2:27

Wo kɛnɛna a fɔla wola kɔlɔma-malɛsɛnɛnu ma ko wo fa le wonu na. Wo kɛnɛna a fɔla wola kuru-malɛsɛnɛnu ma ko wonu denu ya wo sɔrɔn. Mari ko wo ara wo yɛ bɔ a la. Wo ara wo kan-kɔ sɔ a la. Kɔnɔ nanparan wa na wo ma, wo ye dila Mari dala wo kisi-koe la.

Yɛrɛmaya 22:23

Wola mansɛla bɔn sɔra sida-fɛran minnu na ka bɔ Lɛbanan kɔnkɛnu kuma, ale mansɛ lafɛrɛnɛ sanɛ wo burɔ! Kɔnɔ dumɛ wa tagbaya a ma, a makinikininɛ si to iko nyaganɛ wa sigi tin kɔrɔ.

Yɛrɛmaya 29:12

A ko wo si a tɔgɔ ratɛgɛ wo tumɛ. Wo si na a wara ka a madiya, ado a ko a si a wɔlɔ matɔlɔ wo la.

Nimisa Koe 2:19

Ile Yerusalɛm soe ni to i lasɔla suyi rɔ ka di n Tigi Mari dala i dɛnbɛn-koe rɔ. I sɔndɔmɛ lagbɛ Mari ye ka a madiya alako a ni kinikini ila dannu ma. Ila dannu bi fagala kɔnkɛ bolo lu-kole ma belenna soe burɔ.

Hoseya 5:15

A ko a si a kɔɛn bɔ wo wara-koe rɔ feufeu, ha wo ni kɔrɔtɔ wo yisi rɔ. Tɔrɔyɛ wo wa wo rabɔ tumɛ min, wo ni na to ale Mari nyinina. A ko tumado ni wo tɔrɔta, wo si a nyini de worɔ.

Hoseya 7:14

Wo ma n matara wo yisi la fɔ ka wo nyɛrɛ gbesi dugi la ka belenna dila iko Alla-lɔnbɛlɛnu bi a mala nya min. Wo tenbi n matarala dɔn-fen-koe la, wo ye belenna wo mafarafarala iko kafirinu. Mɔgɔ-murutiyani-bɛrɛbɛrɛ le wo la.

Yilan-Yilan Koe 21:7

Mɔgɛnu nara di Musa dala. Anu ko, “Ma ara hakɛ kɛ wobɛ Mari la. I ni Mari madiya ko a ni sagan-fan kɛnu bɔ ma tɛma.” Musa ya madiyali kɛ anu ye.

Lankɛnimayɛ 3:19

Min bɛɛ di n ye, n si wo tigi makuma ka a kolo. Nba, wo ni wo raya ka wo kɛ-nya yɛlɛma ka wola hakɛ boloka.

Kɛlɛ-Kurugbɛnu 10:15

Kɔnɔ Isirɛla mɔgɛnu ya a fɔ Mari ye ko, “Tonyɛ le, ma ara hakɛ-bɛrɛbɛrɛ-wɛ kɛ. Ni ko-wo-ko diyara i ye, i ni wo ma ma la kɔnɔ i yandi Mari, ma kisi ma yogenu ma bi.”

1 Samuwɛli 1:15

Hana ko, “N fa, n ma gbɛɛ min dɛɛ! N bi nna kɔndɔfili le fɔ tinɛ Mari ye bawo a ara gbɛlɛya n kuma.