Aiseya 26:13 - ALLALA KUMƐ

¹³ Mata Mari Alla, ma taranta sibolo-gbɛrɛnu kɔrɔ nun kɔnɔ hali wo, ma Mari kelen pe le ile la.

Aiseya 26:13 ပူးပေါင်းရင်းမြစ်များ

2 Ko-Kɔrɔta-Karan 12:8

kɔnɔ anu si to Sisaki kɔrɔ. Ka wɔli nde ye wo, ka wɔli mansɛnu ye duninya rɔ wo, anu si dan-nafarɛ yen wonu tɛma.”

Aiseya 10:11

N bara ban Samariya kɛnubɛ anuna bɛsɛnu tinyana, ado n bi wo le nyɔgɔn mala Yerusalɛm kɛnu anubɛ anuta bɛsɛnu na.”

Aiseya 12:4

Wati ye nala mɔgɛnu si sigi sa ko, “Wo ni baraka bira Mari ye. Wo ni a kele wo dɛnbɛn-koe la. A ara min ma wo ye, wo ni wonu fɔ sibole mumɛ bɛɛ ye tɛrr! Wo ni Alla-makawanɛ wara-koe fɔ anu ye.

Aiseya 2:8

Anuna nyamanɛ lafanɛ bɛsɛnu na, anu ya min nadan anu bole la, kɔni. Anu bi wonu kɔla.

Aiseya 26:8

Ma ye i sako kɛla ka ma yigi sa ile rɔ. Ma ye nyinina fan min bɛɛsi ma, ile le wonu kun-bira-yili la ma ye.

Aiseya 51:22

ita Mari Alla ye wo latankala ka a fɔ wo ye ko a fonde bɔnɛ ya tɔrɔya-yi-lafɛ min di wo ma, a si wo bi wo bolo tun. Tɔrɔyɛ min si wo ma tɔlɔn iko gbɛɛtoe, a ko wo ti wo min wo la tun.

Aiseya 63:7

A di n ye, n ni Marita keninteya-dan-natɛgɛbɛlɛ wara-koe fɔ. N si a tanto ka a tɛgɛ a ara min bɛɛ kɛ ma ye. A ara fen-nyima-siyaman di ma ma. A ara Isirɛla mɔgɛnu bira a kin na! Mari ara ata kinikinɛ yira ma la. A nyimayanɛ ma ma dɔgɔma-ma-de!

Aiseya 64:5

Mɔgɛ min sewanɛ ko-telenni-kɛ la, i ye wonu dɛnbɛna. Minnu bi anu mirila ko anu ni ma iko i miriya ye anu ma nya min, i ye wonu fanan denkunna. Kɔnɔ i yisi kɔrɔtɔra ma ma bawo ma tora hakɛ kɛla nun, ado ita tɔn-tinyɛ ara ma ma kɛ-nya le la. Ma si kisi kama gbɛ?

Emɔsi 6:10

Furi wonu na-kelen-nyɔgɛnu ba na anu nabɔ tinɛ bɔn wo la, anu ni ta mɔgɛ do taran nyɔ, anu si a manyinika ko, ‘I kelan le yan?’ Wo si anu yabi ko, ‘Ɔn!’ Furi wo na-kelen-nyɔgɛnu si a fɔ mɔgɛ wo ye ko, ‘I rade don! I kana Alla tɔgɛ ratɛgɛ yan tɔ tun alako mɔgɔ-gbɛrɛkɛ kana faga.’

Maika 4:5

“Hali sibolo-gbɛrɛkɛ-mɔgɛnu bi anu nyɛrɛta bɛsɛnu kɔla kɔnɔ male si mata Mari Alla bato burubukai!

Yɔni 8:32

Wo si na tonyɛ lɔn, ado tonyɛ wo si wo hɔrɔya.”

Romu 6:22

Kɔnɔ kaka, wo ara hɔrɔya hakɛ ma ka ma Allala yɔɔnnu na. Woletɔ wo si tɔnɛ min sɔrɔn, wo le sɛninyɛ la Alla ye, ado tɔ-a-la, wo si habadan-nimayɛ sɔrɔn.

1 Kɔrɛnti 4:7

Yon ya wo lafisaya donu ko? Fan min bɛɛ ye wo bolo, Alla le ma wonu di wo ma, wa? Nba, nfenna wo ye wo nyɛrɛ matɔgɔla iko min bi wo bolo, ale le ma wo di wo ma, wa?

Hiburunu 13:15

Nba, ma ye Alla matɔgɔla tuma-wo-tuma min kɛ, ma wa sɔn ata Mariyɛ ma tumɛ min, wo ye sarakayɛ le la Alla ye Yisa baraka rɔ.

Yasowa 23:7

Wo kana bila mɔgɛ wonu fɛ minnu bi wola nyamanɛ rɔ. Wo kana anuna bɛsɛnu tɔgɛ rakele. Wo kana lanyiri kiri hali ka wo gboro anuna bɛsɛnu tɔ. Wo kana wo nyɛnkin bɛsɛ wonu kɔrɔ ka anu kɔ.