Aiseya 26:11 - ALLALA KUMƐ

¹¹ Mari, i yogenu ma a lɔn mumɛ, ko i si anu tɔrɔ dɛɛ! Anu namiliya le serr, anu ni tɔrɔ. I ya tɔrɔ-dagɛ min namara anu ye, i ni wo rawuya anu kunyɛ ma. Ita mɔgɛnu di i ye nya min, i ni wo yira anu na.

Aiseya 26:11 ပူးပေါင်းရင်းမြစ်များ

Yobu 34:27

bawo anu bara anu kan-kɔ sɔ a la ka anu ban ata tɔn-bira-koe ma.

Yaburi 10:12

E, Mari Alla, karagbɛlɛ kɛnu tɔrɔ. Minnu bi tɔrɔyɛ rɔ, i ni i fonde lamiri wonu ma.

Yaburi 21:8

Mansɛ si a yoge damasi bira gbuturu! Ale mansɛ gbo min bɛɛ ye, a si wonu bira.

Yaburi 28:5

Anu ma anu miri ile Marita wɔli-nyimɛ ma, ni wo ma, ka anu miri ita ko-ladannɛ ma. Wola ko la, i si anu tɔrɔ ka anu kasara pɔɔ! Anu ti sɔ a kurɛ la tun!

Yaburi 78:63

Kemini-mɛsɛnu-kunyɛ tora kɛlɛ rɔ. Sunkurun-mɛsɛnu kun-nakanɛ ye tala, anu furula sa.

Yaburi 86:17

Mari, ila nyimayɛ-misalɛ yira n na alako n gbo minnu ye, wonu ni miliya bawo anu bi a yenna i wara n dɛnbɛ kosɛbɛ!

Bɔ-Koe-Iyipiti 9:14

N si tɔrɔya-fitinɛ lana mansɛ nyɛrɛ anubɛ ala mɔgɔ-banu anubɛ ala nyamanita-mɔgɛnu kuma. Anu ni a lɔn ko nde, Alla nyɔgɔn sa duninya kɛ rɔ.

Aiseya 1:31

Wola kun-tigi-makawanɛnu si ma sɔgɔ-gbalɛ la. Anu kɛ-nya si ma iko ta-kundi. Anu ba bira anu nyɔgɔn na, tɛ si wuli anu tɔ, ado anuna dufenna ti taran.

Aiseya 10:16

Ma Tigi, Mari Sɛnbɛ-Bɛɛ-Tigi ko kɛlɛ-den bu lafanɛ minnu bi nyɔ, a si kiraya-fitinɛ lana wonu ma alako wonu si bara wao! A ko anu fɛrɛ-kaliyanɛ si to kodokodo, iko tɛ wa sigi fen na.

Aiseya 10:17

Alla min bi kala-malanyɛ la Isirɛla mɔgɛnu ye, wo ko a si ma ta-wɔnkɔrɔmɛ la. Isirɛla mɔgɛnuta Mari-sɛnimɛ si yɛlɛman ta-mɛlan la. A ko a si fan bɛɛ mintan tele kelen kɔrɔ hali wɔnɔ-firɛ.

Aiseya 11:13

Isirɛla mɔgɛnu ti Yuda mɔgɛnu makeliya tun, ado Isirɛla yoge ti ma Yuda la tun.

Aiseya 18:3

Duninya mɔgɛ bɛɛ, wo ni wo yɛ lata. Falafalɛ min bi tamasereyɛ la, wo ni wo yɛ lakalan wo ma kɔnkɛnu kuma. Wo ni wo tole masɔ buru-fɛ-kan la.

Aiseya 37:32

Mɔgɛnu si to anu niyi la Yerusalɛm soe burɔ nyɔ kɔnkɛ kuma bawo Mari ara ban a latɛgɛla wo nya na le.”

Aiseya 42:13

Mari si ta kɛlɛ-kɛ-tinɛ iko kɛlɛ-kurugbɛ! A rabɛnnɛ kɛlɛ-kan ma, ado kɛlɛ-sɔgɛ ye a la fanan. A ye tala mankan tugula a yogenu ma. A si ata sɛnbɛ yira a yogenu na.

Aiseya 44:18

Kun-takolɔn le mɔgɔ-sufa wonu na. Anu ma a lɔn anu bi min kun na. Fan do burunnɛ anu yɛ la. Anu sɔn-kunyɛ-dɛ latogonnɛ alako anu kana na tonyɛ lɔn.

Aiseya 44:9

Mɔgɔ-fuyi le bɛsi-ladannɛnu na. Hali bɛsɛ di mɔgɛnu ye, fufafuyi le bɛsɛ wonu na. Minnu bi bɛsɛ wonu kɔla, fiyɔn anubɛ kun-takolɔn le wonu na. Anuna kun-takolonyɛ si a laban anu bolo yarabiyi ma.

Aiseya 5:24

Nba kaka, wo ara wo suli min nayigi iko kɔlɔmatɛ, wonu si tuli. Wo fere minnu bi wo la, fɔnyɔ si wonu nayalan. Wo si ma iko binyɛ min sanɛ tɛ rɔ bawo wo ara wo ban Isirɛlata Alla Sɛnimɛ, Mari Sɛnbɛ-Bɛɛ-Tigita labilɛ la.

Aiseya 59:17

Marita ko-nyimɛ le manɛ a nyɛrɛta duruku-ba la. Kisi-koe le manɛ ata fulɛ la. Tayili-sarɛ le manɛ a fɛrɛya-bɔɛ la. Kerinteyɛ le manɛ ala kan-makɛ-fan la.

Aiseya 60:14

Mɔgɛ minnu bara i matanban nun, wonu si anu maburun i kɔrɔ. I sɔgɛ labɔnɛ minnu na, wonu si na anu sa i kin kɔrɔ. Wonu si i kele ko, “Marita So-Karantan.” Wonu si i kele fanan ko, “Isirɛlata Alla-sɛnimɛ warɛ,” Yerusalɛm, kɔni.

Aiseya 63:15

Mari, i kolan layigi ma ma dugi ma. I tenbi ita sɛninya-tina-makawanɛ rɔ, i miri ma ma. Ita keninteya-belebele-wɛ ye mintɔ? Nfenna i ye ita keninteyɛ anubɛ ita kinikinɛ dogonna ma ma?

Aiseya 66:15

I ma Mari yen nala tɛ la a bolo? Marita kɛlɛ-dannu bi nala kirindi la anu bolo iko fɔn-digidigi-wɛ. A si a yogenu tɔrɔ ata fondo-bɔ-belebele la. A si anu tɔrɔ ta-mɛlan la.

Aiseya 66:24

Minnu bi Mari kan ma, Mari-batolɛnu si ta wonu furinu bolokanɛ yen belenna soe kɔma. Tunbi minnu bi wonu dɔnna, wonu ti faga. Tɛ min bi furi wonu mintanna, wo ti dufen. Furi wonu mafɛlan ti a diya don mɔgɛ rɔ.

Aiseya 66:5

Wole min bi Marita kumɛ birala, wo ni wo tole masɔ a kan la. A ko wo gboyara wo na-kelen-nyɔgɛnu ye. Anu wulita wo kan ma bawo wo bilanɛ ale Mari fɛ. Anu bi wo rasɛ-kumɛnu fɔla ko, “Nba, alamɛ ata fanka ya wo lakisi, woletɔ ma si to wo sewanɛ yenna.” Kɔnɔ Mari ko fɔ mɔgɔ-mayɛlɛnnɛ kɛnu ba tɔrɔ le serr!

Aiseya 9:18

Mɔgɛnuna wunduyogoyɛ ye mintannɛ kɛla iko tɛ tenbi wɔnɔ-fira-gbalanɛ la. A si mintannɛ kɛ fanan iko tɛ tenbi kala-gbalɛ la. A sisi si yɛlɛ kulakula!

Aiseya 9:19

Mari Sɛnbɛ-Bɛɛ-Tigita fondo-bɔ-belebele kɛ si mintannɛ kɛ ka nyamanɛ mumɛ bɛɛ mintan gburr! Mɔgɔ-wo-mɔgɔ ti a nyɔgɔn denkun. Bɛɛ paraparɛ si ta a kun fɛ.

Aiseya 9:7

Ata mansaya-dan sa. Yisi-kimɛ le ye ata mansayɛ rɔ burubukai! A si mansayɛ kɛ a kebila Mansa Dawuda gbɛ rɔ. Ka a bi wo wati ma ha tumɛ min di Alla ye, ata mansaya-sɛnbɛ le tɔn-birɛ anubɛ telenbagayɛ la. Mari Sɛnbɛ-Bɛɛ-Tigi ara a wakila wo kɛ-koe ma.

Yɛrɛmaya 44:28

Wo mɔgɔ-dande si wo buri ka bɔ Iyipiti ka ta Yuda. Wo dande min bi tola, wo si a lɔn ni tonyɛ ye minta kumɛ la, wotɛ wo, Maritɛ wo.

Yɛrɛmaya 5:3

Mari, i sa nyinina tonyɛ le ma mɔgɛnu bolo, wa? Hali i ye Yuda kɛnu gbesila, bosɛ bɔrɔ sa anu ye. Hali i ya anu tabunden, anu ti kilɛ bira. Anu tole gbɛlɛyanɛ iko farɛ. Anu ya anu ban sɛgila ile Mari ma.

Maika 5:9

Isirɛla mɔgɛnu si anu yogenu nɔ ka anu nato dogbe!

Maika 7:10

Ma yogenu ba a yen, Mari ara ma dɛnbɛn tun ka ma lasɔ, anu si miliya ka a tɛgɛ anu darɔ-kan ma. Anu denu denu ya ma manyini ko, “Mata Mari Alla wo ye mintɔ?” Kɔnɔ ma si ma yoge wonu tinyanɛ yen. Anu si ma iko bore, mɔgɛnu bi minnu tatɛntɛnna.

Maika 7:16

Kɔnɔ ni i ya wo ma, hali sibolo-gbɛrɛkɛ-mɔgɛnu tagbɛlɛ, anu kɔndɔ si fili miliyɛ bolo. Isirɛla mɔgɛnuna ta-koe yarɔ, wo lamɔɛn-sɔgɛ ti anu bira. A sɔgɔ sa anu na, anu ni anu dɛ bila Isirɛla mɔgɛnu bara-koe rɔ tun. Anu dɛ si ma gbɔgbɔrɔ!

Malakayi 4:1

Mari Sɛnbɛ-Bɛɛ-Tigi ya a fɔ ko wati ye nala, mɔgɔ-wasinɛnu anubɛ karagbɛlɛ damasi si mintan gburr iko bin-gbalɛ.

Matiyu 25:41

“Wo kɔma, minnu bi n maran rɔ, n si a fɔ wonu ye ko, ‘Wo ni wo bɔ n fɛ, wole min bi Allala dankɛ kɔrɔ! Wo ta habadan-tɛ rɔ min tabɛnnɛ Setanɛ anubɛ ata melikanu ye!

Luka 16:23

Ale nɔnfulu-tigi ye tɔrɔyɛ rɔ lakira. A ya a yɛ layɛlɛ ka Iburayima yen wulɛ la, ado Lasarasi ye ale Iburayima tɔgɔfɛ.

Kɛwɔlɛnu 28:27

Fan do sanɛ mɔgɛnu miriya-ya ma alako anu kana ko nya-yen. Anu tole gberenɛ alako anu kana na ko lamɔɛn. Fen sanɛ anu yɛ ma alako anu kana na ko ragbɛ. Ni anu ya fen yen ka ko lamɔɛn nun, tumado fɔ anu ba anu ya-lamunun n na anu nakɛndɛya-koe la.’ ”

2 Tɛsalonaika 1:8

ta-mɛlan la. A si Alla-lɔnbɛlɛnu tɔrɔ anubɛ minnu ma sɔn ma Mari Yisa, Allata-Mɔgɔ-Yabɔnɛta kibara-nyimɛ bira-koe ma.

Hiburunu 10:27

Min bara to Alla yogenu ye gbɛ, fɔ ka kilan ale la min si na kiti anubɛ ta-belebele la anu halaki tinɛ!

1 Pita 3:16

Kɔnɔ wo tenbi a faranfasila, wo ni a kɛ dinyɛ anubɛ gbiliyɛ rɔ. Wo sɔndɔma-sɛninyanɛ ni to, woletɔ anu ba wo manyini tumɛ min, minnu bi kuma-yogomɛ fɔla wo ma wo kɛ-nya-nyimɛla ko la Kirasiti rɔ, wonu si miliya anuna kumɛ wonuna ko la,

Lankɛnimayɛ 19:20

Anu ya sogo-feremɛ wo bira anubɛ foninya-nɛbi min ya kabana-ko-siyaman kɛ sogo-feremɛ wo yala. (Sogo-feremɛ wola mandan ye mɔgɛ minnu ma anubɛ minnu ya sogo-feremɛ wola muninyɛ kɔ, a ya wonu yanfa ala kabana-koe wonu fɛ.) Sogo-feremɛ wonubɛ foninya-nɛbi, wonu filɛ bɛɛ kɛndɛ lafilita ta-dalɛ rɔ min bi mintanna tɛ anubɛ munku-gbɛ la.

Lankɛnimayɛ 3:9

Nba, wo ni wo tole masɔ! Minnu bilanɛ Setanɛ fɛ, foninya-fɔlɛ le wonu na. Anu bi a fɔla ko Yahudiya le anu na kɔnɔ a sa wo nya. N si a ma, anu ni anu sa wo kin kɔrɔ wo madiya tinɛ. Anu dama si a lɔn ko wo di n ye.

1 Samuwɛli 6:9

Wo ni wo yɛ bɛn anu ma. Ni anu ya anu kun telen Bɛti-Simɛsi soe wara la, wo ni a lɔn worɔ ko Isirɛla mɔgɛnuta Alla, wo le ya kirayɛ kɛ sigi ma ma. Kɔnɔ ni anu ma anu kun telen nyɔ la, ma ni a lɔn worɔ ko ale ma kirayɛ kɛ sigi ma ma. Kirayɛ le dɔrɔn nara ma ma.”