Aiseya 26:10 - ALLALA KUMƐ

¹⁰ Hali i ye ko-nyimɛ kɛla karagbɛlɛnu ye, anu ti anu degen ko-telenni-kɛ ma. Hali mɔgɔ-telennɛnu taranta nyamanɛ kɛ rɔ, anu bi karagbɛlɛyɛ kɛla. Anu ma ila kabana-koe lɔn fenfen na.

Aiseya 26:10 ပူးပေါင်းရင်းမြစ်များ

2 Mansɛnu 13:6

Kɔnɔ hali wo, anu benba Mansa Yɛrabowami ya anu nabila ko-yogomɛ minnu na, anu ma wonu boloka, ado anu tora wo le kun na burubukai! Min sanɛ wo kuma, kɔlɔma min lɛsɛnɛ musila muninyɛ la, anu bi min kelela ko Asura, anu tora wo kɔla Samariya soe burɔ.

Yaburi 106:43

Mari mɛra ala mɔgɛnu nakisila. Kɔnɔ wonu denu sɛgira murutiyala a ma. Anu tununta anu hakɛ rɔ pɔɛ!

Yaburi 143:10

N ni min ma, wo fɔ n ye bawo nta Alla le ile la. Ila nyimayɛ ni n bila kila-nyimɛ fɛ.

Yaburi 69:27

I yandi, anu hakɛ sɛbɛ. I ni anu namara. A ma, hali kisi-ko-kundunɛ, anu kana a sɔrɔn i bolo.

Bɔ-Koe-Iyipiti 8:15

Kɔnɔ ale mansɛ ya a yen nkɛkuna, tɔrɔyɛ ara bɔ a kuma, a ya a yisi gbɛlɛya tun gbon! Mari kuman-kan bɔra-a-la iko a ya a fɔ nya min. A ma sɔn anuna kumɛ birala. (3) Muruntu-mɛrɛntɛnu Bara-Koe

Bɔ-Koe-Iyipiti 9:30

Kɔnɔ ile anubɛ ila mɔgɔ-banu, n ya a lɔn ko ha bi wo ma kilan Mari Alla la hali!”

Bɔ-Koe-Iyipiti 9:34

Ale mansɛ ya a yen tumɛ min ko banda-kole anubɛ san-sɛran la ara to, a ya a yisi gbɛlɛya tun. Anubɛ ala mɔgɔ-banu bilara Alla la tun ka anu ban Isirɛla mɔgɛnu boloka-koe ma. Mari kuman-kan bɔra-a-la iko a ya a fɔ nya min.

Hɛnkilimaya-Kumɛnu 1:32

Mɔgɔ-rakolɔnnu bi fagala bawo anu bi anu banna hɛnkilimayɛ la. Hɛnkilimayɛ bɔrɔ sa kun-takolɔnnu ye min kɛ, anu bi anu nyɛrɛ kasarala wo le ma.

Makawandili Kumɛnu 3:16

N sigira ka duninya lakɔrɔsi. N ya a yen ko a fisa, telenbagayɛ ni taran kan min, yaga, telenbɛlitayɛ ye nyɔ le!

Makawandili Kumɛnu 8:11

Mɔgɛnu bi tola karagbɛlɛyɛ kɛla bawo anu sa anuna tɔrɔyɛ sɔrɔnna yona.

Aiseya 1:21

Yerusalɛm soe min telennɛ nun fɔlɔ, wo ara wo nyɛrɛ ma iko yɛlan. Fɔlɔ nun, a lafanɛ wole mɔgɔ-telennɛ gbansan denu na kɔnɔ kaka, wole mɔgɔ-fagalɛnu denu bi a rɔ.

Aiseya 2:10

Wole Isirɛla mɔgɛnu, wo ni wo dogon farannu na kɔnkɛnu tɔ. Wo ni dugu-kɔrɔ-kilɛnu sa alako wo si bɔ Marita fondo-bɔɛ kɔrɔ nya min. Wo ni wo dogon ala sɛnbɛ anubɛ ala gbiliyɛ kɔrɔ.

Aiseya 24:5

Duninya la ara tinya bawo mɔgɛnu bara Allata tɔnnu tinya ka ata habadan-sarama-kan boloka.

Aiseya 27:13

Wo tele-nyɛrɛ wa ke, buru-kan si bɔ min bi mɔgɛnu takelela ka bɔ Asiriya anubɛ Iyipiti nyamanɛnu tɔ, kɛlɛ tara minnu na, kɔni. Anu si na Mari bato Yerusalɛm soe burɔ ata kɔnkɔ-sɛnimɛ kuma.

Aiseya 32:6

Kun-takolɔn si kuntanya-kumɛ le fɔ ka a miri ko-yogomɛnu ma. A kɛ-nya anubɛ a darɔ-kan, wo bɛɛ manɛ Alla manyini-fan le la. Mɔgɛ wo ti dɔgɔma di kɔnkɔtoe ma. A ti yi di kan-nagbalatoe ma.

Aiseya 32:7

Hɛnkili-tinyanɛ si kuntanya-kumɛnu fɔ ka karagbɛlɛya-koenu nadan. Anu si yanfɛ ladan alako anu si bolo-kolɔnnu tabunden foninyɛ la nya min. A si a ma, bolo-kolɔn ni foo a yoe la.

Aiseya 5:12

Wo ye sɔrɔnnu anubɛ bɔlɔnnu anubɛ wasanbɛnu anubɛ fulinu kɛla-a-rɔ wola ladiyɛnu tɔ kɔnɔ katarala gbɛɛ, wo ye nyɔ duk! Wo ma a lɔn Mari ye min kun na lefan

Yɛrɛmaya 2:7

Mari ko a tara anu na nyamani-diyamɛ rɔ alako anu si nyɔ dɔn-fan-diyamɛnu dɔn. Kɔnɔ hali wo, anu ya ala nyamanɛ wo latinya. Anu ya nyɔ ma nyamani-magboyanɛ la Mari ye.

Yɛrɛmaya 31:23

Mari Sɛnbɛ-Bɛɛ-Tigi, Isirɛlata Alla ko a wa mɔgɛnu nasɛgi anuna nyamanɛ rɔ tumɛ min, anu si to a fɔla nyɔ ko, “Alamɛ Marita duwɛ yigira ata kɔnkɔ-sɛnimɛ kuma, a mayiginɛ kan min, kɔni.”

Hoseya 11:7

Ka wo kan-kɔ sɔ n na, wo nɔrɔnɛ wo ma fatifati! Wo si to gbele-gbelenna ka a tɛgɛ dunɛ wo ma min siginɛ wo kuma kɔnɔ mɔgɔ-wo-mɔgɔ ti dunɛ wo bɔ wo kuma.

Hoseya 13:6

Wo kenɛ nyamani-hakikɛ kɛ rɔ, wo makoe bɛɛ nyinyara ha wo wasara. Wo kɔma, wo wasira ka nyina nde, Mari ko.

Hoseya 9:3

Wole Isirɛla mɔgɛnu ti to sigini Marita dugi kɛ rɔ tun fɔ anu ni ta wo la yɔɔnyɛ rɔ iko wo taranta Iyipiti rɔ nya min nun. Anu si ta wo la Asiriya nyamanɛ rɔ. Wo si to fan dɔnna nyɔ minnu ma sɛninya iko tɔn ya a fɔ nya min.

Maika 2:10

Mari ko wole kensunte-kɔrɛnu, wo ni wo bɔ yan, wo ni ta pon! Wo sigi-tina sa yan tɔ tun, wo si taran wo diya kan min. Wo hakɛ ara a ma, kan-tinɛ kɛ ara tinya pɔ!

Matiyu 4:5

Wo kɔma, Setanɛ ya Yisa bi ka ta a la Yerusalɛm so-sɛnimɛ rɔ ka a sigi Alla-Bato-Bɔn kun-tɛma-sore la.

Tɔn-Fɔɛ-Fila-Nyɔgɛ 32:15

“Wole Marita mɔgɛnu mara nɔnfulu-tiginu na kɔnɔ hali wo, wo murutiyara a ma. Wo ara tɔlɔ ha wo bu-dagɛnu bara sigi kɔnɔ hali wo, wo ya ale Dali-Mari boloka. Wota Fara-Kole min ya wo lakisi, wo ya wo ban wo la.

Lankɛnimayɛ 2:21

N bara wati di a ma alako a ni a kɛ-nya yɛlɛma kɔnɔ a sa a fɛ, a ni fara ala yɛlɛnyɛ la.

1 Samuwɛli 15:17

Samuwɛli ya a fɔ a ye ko, “Hali ile yigi tɛgɛnɛ i nyɛrɛ la nun, kun-tigi le ile la Isirɛla bɔnsɔn-mɔgɛnu kun na. Mari ara i dantɛgɛ ka i ma Isirɛla mɔgɛnuna mansɛ la,