Aiseya 25:9 - ALLALA KUMƐ

⁹ Wo wa ma tumɛ min, bɛɛ si a fɔ ko, “Mata Alla le ale la. Ma ya a ma ma yigi la min kɛ, a ara ma lakanan. Ale le mata Mari la. Ma ara la a la. Ma ara sewa kaka bawo a ara ma lakisi.”

Aiseya 25:9 ပူးပေါင်းရင်းမြစ်များ

Ko-Dabirɛnu 49:18

Yakoba ya madiyali kɛ ko, “E, n Mari, mabɛ nna dannu bi ila kisi-koe makɔnɔna.” Wo kɔma, a ya wɔlɔyiya-kumɛ dabira tun.

Yaburi 100:1

Duninya dugu-kolo-mɔgɛ bɛɛ ni tantoli-bɛti bɔ Mari ye.

Yaburi 20:5

Wo dama wa ma tumɛ min, ma si a lawɔyɔ ka a tɛgɛ ila nɔ-ko-sɔrɔn-koe ma sewɛ bolo. Ma si baraka bira Alla ye bui! Alamɛ Mari ya i makoe bɛɛ nyinya.

Yaburi 21:1

E, Mari, mata mansɛ ara sewa bawo i wara ila sɛnbɛ di a ma. A ara nyagalen bawo i wara a ma, a ara a yogenu nɔ.

Yaburi 27:14

Ma ni la Mari la. Ma kana bandan. Ma ni to Mari makɔnɔna tolon!

Yaburi 33:20

Ma yigi bɛɛ bɛnnɛ Mari le ma. Ma dɛnbɛlɛ anubɛ ma latankalɛ le Mari la.

Yaburi 33:21

Ma sewanɛ ala wɔli-nyimɛla ko la. Ma lanɛ a la bawo a sɛnima.

Yaburi 40:17

N tigi, bolo-kolɔn le n na. N sɛnbɛ sa. Kɔnɔ hali wo, i ma nyina n ko. Nna kisilɛ anubɛ nta Alla le ile la. I yandi, i latiriya n dɛnbɛna.

Yaburi 9:14

woletɔ n si ke sɔla mɔgɛ bɛɛ yakɔrɔ Yerusalɛm soe burɔ ka i matɔgɔ-koenu fɔ anu ye. N si sewa bawo i wara n nakisi.

Yaburi 95:1

Wo na, ma ni Mari matɔgɔ. Ma ni sewa-bɛtinu bɔ Alla ye, ma latankalɛ, kɔni.

Aiseya 33:2

Mari, kinikini ma ma. Ma yigi bɛnnɛ ile le ma. To ma lakananna tele-wo-tele ka ma lakisi yakɔrɔ-mamɔɛ rɔ.

Aiseya 33:22

Fenfen ma kulun-matelen-fannu na. Kurɛ min si kulɔn lata, wonu ta ma fulen. Ma si ma yogenu bolo-fannu toronde anu na. Wo si siyaya ma bolo, hali namarɛnu si do sɔrɔn anu tɔ. Mari nyɛrɛ si ma mala mansɛ la. Ale si ma lamara ka ma lakanan.

Aiseya 35:1

Wula-da-rakolɔn si sewa. Nyɔ-bagɛnu si fere.

Aiseya 35:10

Anu ba don Yerusalɛm lunyɛ min, anu si sewa dɔgɔma-ma-de! Anu si anu dɛ sa-a-rɔ sigi sa tinɛ sewɛ bolo. Anu si to sewɛ rɔ burubukai! Anu ti mɔnɛ anubɛ nyagbɛ sɔrɔn tun.

Aiseya 35:2

Wulɛ wo si sigi sa ka sarandɛ ratii sewɛ bolo. Nyɔ si kinya iko Lɛbanan kɔnkɛnu. A dugi si kinya iko Kamɛli kɔnkɛ anubɛ Sarɔn lɛɛ ye nya min. Mɔgɛ bɛɛ si Marita fanka anubɛ ata gbiliyɛ yen nyɔ.

Aiseya 35:4

Min bɛɛ yisi tinyanɛ, a fɔ wonu ye ko anu ni anu sɛnbɛ don ka anu kerinteya. Alla ye nala anu nakananna. A ye nala anu yogenu tɔrɔla.

Aiseya 37:20

I yandi, mata Mari Alla, ma tanka Asiriyanu masibɛ ma alako duninya bɛɛ ni a lɔn ko ile Mari kelen pe le Alla la.”

Aiseya 40:9

Yerusalɛmta ko-mayonnɛ, i ni ta kibara-nyimɛ lake kɔnkɔ-layan-bɛ kuma! I ni i kan labɔ ka kibara-nyimɛ wara-koe lawanka. I ka kilan a mayonna. A fɔ soe bɛɛ rɔ Yuda nyamanɛ rɔ ko anuta Alla ye nala!

Aiseya 41:16

Anu ta si fɛ. Fɔnyɔ si ta fofe wonu na pon! Fɔnyɔ si a ranyɛnsɛn. Kɔnɔ wole si sewa Mari la. Wo si Isirɛlata Mari-sɛnimɛ matɔgɔ.

Aiseya 49:23

A ko mansɛnu si ma iko i fanu. Mansɛnuna musinu si ma iko i nanu. Anu si anu maburun i kɔrɔ ka i gbiliya. Anu si ila sanbarɛ bɔ i kian rɔ i gbiliya tinɛ. A ko kɛnu ba ma tumɛ min, i ni na to Mari lɔnna ita Mari la. Mɔgɔ-wo-mɔgɔ wa ala dɛnbɛnɛ Mari makɔni, wo tigi ti baya.

Aiseya 51:3

Mari ko a si kinikini Yerusalɛm soe ma, min bi tonbonyɛ la nun, kɔni. Hali ala dugi mara kɛnkɛn-dugi la, a ko a si nyɔ ma dugu-lamonɛ la a ye. Sewɛ anubɛ kɔntɔdiyɛ si taran nyɔ kati! Mɔgɛnu si baraka-bira-siginu sa ka a tanto tolon!

Aiseya 52:10

Mari si ata sɛnbɛ-sɛnimɛ lawɔli ala mɔgɛnu kisi tinɛ. Kɛ si ma duninya-mɔgɛ bɛɛ ya la.

Aiseya 60:16

I makoe taranta fenfen na, sibolo-gbɛrɛnu si wonu di i ma. I si to fen-nyimɛnu nabɔla nyamani-gbɛrɛnu tɔ iko dan si a na kinyɛ susun nya min. Wo wa ma tumɛ min, i ye a lɔnna wati wo le ma ko ale Mari le ye i lakananna. Wo si a lɔn ko i kunkalɛ, Yakobata Alla-Makawanɛ le ya i kisi.

Aiseya 61:10

Mari le ya a ma, ma ara sewa dɔgɔma-ma-de! Alla ya a ma, n niyi ra ara diya. Mari ara kisi-koe fɛrɛya-bɔɛ di ma ma. A ya ata nyimayɛ ma duruku-ba la. Ma manɛ iko kɔɛn-tigi min mabɛnnɛ yɔnyɔn! Ma manɛ fanan iko kɔɛn-kurɛ min makirinɛ fen-kolomɛnu na.

Aiseya 64:4

Kebi fɔlɔ, mɔgɔ ma Alla wara-koe lamɔɛn min makawara iko ile, ado mɔgɛ yɛ la ma tii Alla-gbɛrɛ ma ile kɔma. Minnu lanɛ ile la, i ye wonu dɛnbɛna.

Aiseya 65:18

Ka a tɛgɛ ko-kurɛ wonu ma, ala mɔgɛnu si to sewala. A si Yerusalɛm ladan alako a la ni fa sewɛ la. A si a ma, ala mɔgɛnu fanan ni sewa.

Aiseya 8:17

Hali Mari ara a dogon ala mɔgɛnu ma, nde lanɛ ale la bawo n yigi le ale la.

Maika 7:7

“Hali wo, nde, Nɛbi Maika, n bi n kisilɛ Mari Alla makɔnɔna. Nta Mari Alla si a wɔlɔ matɔlɔ nta kumɛ kɛ la.”

Habakuku 3:18

kɔnɔ hali wo, n si nyagalen ka sewa bawo Mari Alla le nna kisilɛ la.

Sakaraya 10:7

A ko Isirɛla mɔgɛnu ta si gbɛlɛya iko kɛlɛ-kurugba-bananu. Anu si sewa iko baantoenu. Anu kegeyɛnu fanan si anu miri nɔ-ko-sɔrɔn-koe kɛ ma. Anu si sewa ka a tɛgɛ ale ara min ma.

Sakaraya 9:9

Wole Yerusalɛm kɛnu, wo sewa. Yerusalɛm so-burɔ-mɔgɛnu, wo ni a lawɔyɔ sewɛ bolo. I ma wola mansɛ yen nala wo wara? A ara na nɔ-ko-sɔrɔn la a bolo. Kɔnɔ hali wo, a famayiginɛ ye nala. A siginɛ sofɛli-bulan la.

Luka 2:25

Mɔgɛ do ye Yerusalɛm soe burɔ nun min tɔgɛ Simiyɔn. Mɔgɔ-nyimɛ le, a telennɛ. A ye Isirɛlata kisi-koe makɔnɔna nun, ado Allata Ni-Sɛnimɛ ye a fɛ.

Filipai 3:1

Kumɛ kɛ kundɔn, n na-kelen-nyɔgɛnu, alamɛ Mari ya sewa-ba di wo ma. N bara koe minnu sɛbɛ fɔlɔ-nun, a ti gba n na ka wo koenu fɔ tun. Ni n ya wo ma, a si wo tanka nyagbɛ ma.

Filipai 3:3

ado male ara kemininya-bɛrɛ sɔrɔn. Anu denu ma de! N bi wo fɔla bawo male ye Alla batola ata Ni-Sɛnimɛ baraka rɔ. Male ara nyagalen ma tagama-nyala ko la Yisa Kirasiti rɔ. Mɔgɛnu bi min mala anu fɛrɛnu na, male ti ma yigi sa wo kuma hali doni!

Taita 2:13

Ma tenbi tele-makawanɛ wo makɔnɔna, ma ni to Alla gbiliyala duninya kɛ rɔ, ado ma yigi sanɛ tele wo kuma ko ma kisilɛ Yisa Kirasiti si na bɔ gbɛ rɔ wulɔn, mata Alla gbiliyanɛ, kɔni.

1 Pita 1:6

Hali wo yisi tɔrɔnɛ kaka kɔrɔbɔli-sufa-siyaman tɔ kɔnɔ a fɛrɛ sa, ado a bɛnnɛ wo ni sewa tɔrɔyɛ wola ko la.

1 Pita 1:8

Wo ma Yisa yen bɛ kɔnɔ wo ara a keni. Wo ma a yen bɛ wo yɛ la, hali wo, wo dɛnkɛninyanɛ a ma. Woletɔ wo ye nyagalenna ka sewa-makawani-wɛ kɛ, hadama-dan dɛ ti ke min fɔla.

Lankɛnimayɛ 1:7

Wo ni wo yɛ lana! A ye nala banda-finyɛ rɔ! Mɔgɛ bɛɛ si a yen nala hali minnu ya a sɔgɔ tanbɛ la. Duninya-mɔgɛ bɛɛ si di ala ko la, ado a ye mala wo nya na le! Amina.

Lankɛnimayɛ 22:20

Ale min bi koe kɛ bɛɛ sereyɛ bɔla, wo ye a fɔla ko, “Tonyɛ le serr! N bi nala tiriya!” Alamɛ a mara wo nya na le. Na, Mari Yisa!