Aiseya 25:1 - ALLALA KUMƐ

¹ Mari, nta Alla le ile la. N si i matɔgɔ ka i gbiliya. I wara kabana-koenu kɛ. I wara min miriya nun, i wara wonu natɔnbagaya, bi ko ma.

Aiseya 25:1 ပူးပေါင်းရင်းမြစ်များ

Yaburi 111:4

Mari ara kabana-koe minnu kɛ, a ti sɔn ma ni nyina wonu ko. A nyimayanɛ, ado a kinikinite.

Yaburi 118:28

Nta Alla le ile la n si baraka bira min ye. N si i makawa-koe rakaran kan tinɛ bɛɛ rɔ.

Yaburi 145:1

E, nna mansɛ Alla, n si i makawa-nya lawanka mɔgɛnu ye. N si to i tantola habadan!

Yaburi 146:2

Fananta n bi n niyi la, n bi a matɔgɔla. N si bɛti bɔ nta Alla ye n siyi-tele-bɛɛ kɔrɔ.

Yaburi 31:15

N bi ita gbɔfɛ rɔ wati mumɛ bɛɛ kɔrɔ. N nakisi n yogenu ma. Minnu bi n napɛrɛnna, n nakisi wonu ma.

Yaburi 40:5

Mata Mari Alla, i wara ko-siyaman ma ma ye. I nyɔgɔn sa! I wara kabana-ko-miriya-siyaman tabɛn ma ye. N ti ke anu damasi wara-koe rakaranna. N ma anu dan-natɛgɛ lɔn.

Yaburi 40:6

Ile sa nyinina sarakɛnu anubɛ kɔ-fannu ma ma bolo. I sa ma matarala saraka-mintantɛnu ma, ma si minnu gbuya mintan saraka-mintan-tinɛ kuma. Hali sarakɛ minnu si mala hakɛ bɔ ma ma, i ma ma matara wonuna ko ma. Kɔnɔ min kolo wo dama ko, i wara n tole laka alako n ni ita kumɛ lamɔɛn.

Yaburi 46:10

Alla ko wo ni wo fara kɛlɛ la. Wo ni a lɔn ko Alla le ale la. A ye sibole bɛɛ anubɛ duninya kun na.

Yaburi 75:2

Alla ko a ara hadama-dan kiti-lunyɛ latɛgɛ. A ko a si kiti tɛgɛ a kilɛ fɛ.

Yaburi 78:4

Ma ti Marita ko-makawanɛnu dogon mala dannu ma, ado ma si ala kabana-koenu takaran ma mamanɛnu fanan ye.

Yaburi 89:1

E, Mari, n si to ila hinɛ-sigi sala tolon! N si to ila telenbagayɛ wara-koe rakaranna dɛɛ!

Yaburi 98:1

Wo ni bɛti-kurɛ bɔ Mari ye bawo a ara kabana-koenu kɛ ma ye. A kelen peta sɛnbɛ le ya a ma, a ya nɔ-ko sɔrɔn.

Yaburi 99:5

Tantolɛ ni di mata Mari Alla ma. Wo ni a bato ala mansaya-waganɛ yakɔrɔ bawo a sɛninyani de!

Bɔ-Koe-Iyipiti 15:2

Ma kisilɛ le mata Mari la min si ma kunyɛ bɔ gbaran rɔ. Ma fanuta Alla le, ma si min gbiliya. Ma nyɛrɛta Alla le, ma si min tanto.

Aiseya 11:5

A si ala mɔgɛnu mara lanayɛ anubɛ telenbagayɛ la.

Aiseya 12:1

Wati ye nala, mɔgɛnu si to bɛti bɔla ko, “E, Mari, n bi i matɔgɔla. Hali i fununɛ ye ma la nun kɔnɔ mala diminyɛ sa i bolo tun, ado i ye ma ladiyala.

Aiseya 26:13

Mata Mari Alla, ma taranta sibolo-gbɛrɛnu kɔrɔ nun kɔnɔ hali wo, ma Mari kelen pe le ile la.

Aiseya 26:8

Ma ye i sako kɛla ka ma yigi sa ile rɔ. Ma ye nyinina fan min bɛɛsi ma, ile le wonu kun-bira-yili la ma ye.

Aiseya 28:29

Hɛnkili kɛ bɛɛ ye bɔla Mari Sɛnbɛ-Bɛɛ-Tigi le bolo. Ata miriya makawara. Hadama-den wo hadama-den ti ke ala kabana-koe lɔnna.

Aiseya 40:27

Kɛ dama rɔ, wole Isirɛla mɔgɛnu bi tola gbunyala ka a fɔ ko Mari ma wo tɔrɔ-koenu lɔn. Wo ko hali wo tora telenbɛlɛnu bolo la, Marita sa wo rɔ.

Aiseya 46:10

A ko kebi duninya dabirɛ, a ya ko-laban-watinu fɔ. Koe min bi nala mala yarɔ, a ya wonu fɔ wo ye, bi ko ma wo la. A ya a fɔ ko ala ko-latɛgɛnɛnu ti tinya. A ko a ara ban koe minnu miriyala, fɔ a wa wonu ma le!

Aiseya 46:11

A ko a ye kei do kelela tele-bɔɛ min si yigi wo kuma iko tanbakɔrɔmanɛ. A ko ale Mari ara minnu miriya nun, kei wo le ye anu natɔnbagayala. Ale Mari ko a ara ban a fɔla, ado a ye wo nya na le gbɛn!

Aiseya 49:4

Kɔnɔ nde ko n bara wɔli-gbɛlɛmɛ kɛ fu! N bara n sɛbɛ don kɔnɔ n ma ko-bɛrɛ yen a rɔ. Fɔ Mari, wo le si nna wɔlɛ tɔnɛ yen. Alla si n barayi nna wɔlɛla ko la.

Aiseya 49:5

Yanni n ni sɔrɔn, Mari ara n mondo n na burɔ ka n nabɔ alako n ni ata mɔgɛnu nasɛgi a ma ka Isirɛla mɔgɔ-ranyɛnsɛnnɛnu kundɛn. Mari ye nala gbiliyɛ dila n ma ka n sɛnbɛ don.

Aiseya 61:10

Mari le ya a ma, ma ara sewa dɔgɔma-ma-de! Alla ya a ma, n niyi ra ara diya. Mari ara kisi-koe fɛrɛya-bɔɛ di ma ma. A ya ata nyimayɛ ma duruku-ba la. Ma manɛ iko kɔɛn-tigi min mabɛnnɛ yɔnyɔn! Ma manɛ fanan iko kɔɛn-kurɛ min makirinɛ fen-kolomɛnu na.

Aiseya 7:13

Nba, nde, Aiseya ko, “Wole Mansa Dawuda kegeyɛnu, wo ni wo tole masɔ a kin na! Nde ma n munyu wo sɔn ma. Wo kana a ma, Alla ni a munyu wo sɔn ma.

Yowɛli 2:26

Kɔnɔ a ko dɔn-fan ra si boroko-baraka wo gba ma, kurukurun ti a ban, tarali ti a ban. Wo si a ma, wo ni ale wota Mari Alla tanto. Ale ara kabana-koenu kɛ wo ye. Sibolo-gbɛrɛkɛ-mɔgɛnu ti anu yɛ layigi wola sole rɔ tun.

Yilan-Yilan Koe 23:19

Alla sa iko mɔgɔni-finyɛ minnu si foninyɛ fɔ. A ti a miriya yɛlɛma iko hadama-dannu. A ya lanyiri kiri fenfenna ko la, a si wo ma, yɔ! Ni a kumara, a ara ban.

Ɛfɛsa 1:11

Fan bɛɛ si ma iko Allata ko-latɛgɛnɛ anubɛ a sako ye nya min. Woletɔ a ya ma yabɔ ko mabɛ Kirasiti ni to ko kelen tɔ ka ma a halalɛ la, ado a ara a latɛgɛ wo nya le kebi fɔlɔ.

Lankɛnimayɛ 15:3

Anu bi Allala wɔli-kɛlɛ, Nɛbi Musa, anubɛ saga-danta bɛti bɔla ko, “Mari Alla Sɛnbɛ Bɛɛ Tigi, ila kɛwɔlɛnu kolo. Anu makilanta! Sibole bɛɛta Mansɛ, i kɛ-nyanu telennɛ. Tonya-kilɛ le anu na.

Lankɛnimayɛ 19:11

Wo kɔma, n ya Arinyɛnɛ dɛ lakanɛ yen. So-gbɛmɛ ye nyɔ. Min siginɛ a kuma, wo tɔgɔ le Lanayɛ anubɛ Tonyɛ. A ye kiti tɛgɛla ka kɛlɛ kɛ telenbagayɛ la.

Lankɛnimayɛ 7:12

Anu ko, “Amina! Tantolɛ wo, gbiliyɛ wo, hɛnkili wo, baraka-birɛ wo, bonyɛ wo, sɛnbɛ wo, anubɛ fanka-wɛ le mata Allatɛ la habadan! Amina!”