Aiseya 24:20 - ALLALA KUMƐ

²⁰ Dugi si to tonko-tankanna iko gbɛɛ-minna-wɛ. A si to magala iko fɔnyɔ si to bugi lamagala nya min. Hakɛ ara a ma, dugi ara gbiliya kirimimi! A wa bui, a ti a lasɔ tun!

Aiseya 24:20 ပူးပေါင်းရင်းမြစ်များ

Ko-Dabirɛnu 41:31

Wo wati rɔ, wo ya dɔn-fan minnu sɔrɔn nun san wɔrɔnfila diyanɛ wonu kɔrɔ, wo fenfen ti to wo bolo nyamanɛ kɛ rɔ gbɛlɛyɛ bolo.

Yobu 12:25

Anu si to anu bole mɛmɛla pinpi rɔ ka to tonko-tankanna iko gbɛɛ minnɛ.

Yaburi 107:27

Anu bi tola tonko-tankanna iko gbɛɛtoe. Anu kɔndɔfilita pirikali!

Yaburi 38:4

N buinɛ nna hakɛ tɛma iko mɔgɔ si to bɛ rɔ nya min. Nna hakɛ wonu gbili iko mɔgɔ ti ke dunɛ min na.

Aiseya 1:28

Kɔnɔ mɔgɔ-wo-mɔgɔ wa hakɛ kɛ ka murutiya a ma, a ko a si wo tigi bunden. Min bɛɛ bannɛ a la, a si wo bɛɛ faga.

Aiseya 1:8

Yerusalɛm kelen pe ara to sɔni iko soe min bi kurɔn rɔ a yogenu bolo. A latankabɛlɛ iko bɛndɛ min sɔnɛ sɛnɛ tɛma.

Aiseya 19:14

Mari ara anuna makawandili-kumɛ yabasan anu bolo. Ka a tɛgɛ wo ma, Iyipiti mɔgɛnu si ma iko gbɛɛtoe wa nama ala teseri rɔ.

Aiseya 24:1

Mari si duninya kuma kolɔnya filili. A si dugi raburun sagbayi! A si duninya-mɔgɛnu tanyɛnsɛn.

Aiseya 28:7

A nɛbi wo, a saraka-masɔla wo, wo bɛɛ ye tonko-tankanna gbɛɛ-minyɛ bolo. Anu bara baan-su bɛɛ min ha anu bi tola anu nyɛrɛ mabondanna. Alla ye ko-rayirɛ minnu nanala, anu ti ke wonu nya-yenna gbɛɛ bolo. Saraka-masɔlɛnu ti ke kiti tɛgɛla yalafinyɛ bolo.

Aiseya 29:9

Nba, i raya, i ni ma iko kuntan. I nyɛrɛ ma fiyɔn la alako i kana fen yen. Hali i ma i min, i ni to tonko-tankanna iko gbɛɛtoe.

Aiseya 38:12

N niyi la ara to dogbe. A mani de iko fani-bon-wuyanɛ. A mani de iko yese min bara tɛgɛ, a ma ban bɛ. N miri ko Alla ye n niyi ban tinɛ le.

Aiseya 43:27

Ma benba-fɔlɔfɔlɛnu ya hakɛ kɛ. A ko mala kun-tiginu murutiyara a ma fanan.

Aiseya 66:24

Minnu bi Mari kan ma, Mari-batolɛnu si ta wonu furinu bolokanɛ yen belenna soe kɔma. Tunbi minnu bi wonu dɔnna, wonu ti faga. Tɛ min bi furi wonu mintanna, wo ti dufen. Furi wonu mafɛlan ti a diya don mɔgɛ rɔ.

Yɛrɛmaya 25:27

Mari Sɛnbɛ-Bɛɛ-Tigi, Isirɛlata Alla, kɔni, wo ya a fɔ n ye ko n ni a ma, bɛɛ ni a min kɛ la alako bɛɛ yɛ la ni fin ha anu ni teseri. Anu ba bui, anu ti ke anu nasɔla tun ka a tɛgɛ kɛlɛ ma, ale Mari ye min natugula anu damasi kan ma, kɔni.

Yɛrɛmaya 4:24

N ya kɔnkɛnu mafɛlɛn, anu bi yɛrɛyɛrɛnna. A bɛɛ ye magala a rɔ.

Yɛrɛmaya 51:29

Duninya ra si maga ka pirinkan bawo Mari miriya bɛnni ma fenfen ma fɔ ka Babilɔn ma wula-da-rakolɔn la, mɔgɔ ti sigi kan min tun!

Yɛrɛmaya 8:4

Mari ko n ni wole, Yuda kɛnu manyinika ko ni mɔgɛ buira, a ti a lasɔ tun, ba? Ni mɔgɛ samara kilɛ ma, a ti sɛgi a kɔma tun ka kila-bɛrɛ da-kunyɛ bira?

Nimisa Koe 1:14

“Mari ara n hakɛ bɛɛ ladɛn ka anu kiri anu nyɔgɔn ma. A ban, a ya wonu kiri n kan ma. A ya wo ma min kɛ, n tafagara kuluba! N Tigi Mari ya a ma, n yogenu ya n nɔ. Wo wati ya n taran, n ti ke anu kɛlɛla mumɛ!

Daniyɛli 11:19

Siriya mansɛ wo si sɛgi ala so-latankanɛ wonu tɔ kɔnɔ a yoge wonu si a nɔ kɛlɛ rɔ. Wo si ma ala mɔgɔyala ban la.

Emɔsi 8:14

Wo ye tola tala Samariya bɛsɛnu bara wo dɛnbɛn-koe rɔ. Wo ye belenna wo gborola Dan kegeyɛnuta bɛsɛ rɔ. Wo ye tagamana min kɛ ka ta Biri-Siba, wo ara wo yigi sa wo kuma. Kɔnɔ fufafu le wo la. Mari ko a si wo labui. Wo ti ke wo lasɔla tun.

Nehami 1:5

Kɔnkɛnu si to yɛrɛyɛrɛnna Mari yakɔrɔ. Gburukulinu si ta leela bandin! Duninya anubɛ ata mɔgɛnu ta si maga.

Lankɛnimayɛ 18:21

Wo kɔma, melika-sɛnbɛ-tigi ya kuru-belebele-wɛ bi ka a lakɛ kɔgɔ-yi rɔ fɔrɔsɛ la. A ko, “Babilɔn-so-belebele-wɛ la si bui sɛnbɛ la ka le. Wo kɔma, a ti yen tun.