Aiseya 24:18 - ALLALA KUMƐ

¹⁸ Min tenbi a burila ko-makilannɛ do kɔrɔ, wo ye tala buila denkɛ rɔ. Min tenbi bɔla denkɛ rɔ, wo ye tala birala gbɛrɛ la. San-kole si a dɛ bɔ bandɛ kɔrɔ, ado dugu-kurukɛ-tinɛ nyɛrɛ si yɛrɛyɛrɛn.

Aiseya 24:18 ပူးပေါင်းရင်းမြစ်များ

Ko-Dabirɛnu 19:24

Mari ya munku-gbɛ anubɛ tɛ layigi iko bandɛ ka bɔ san-kole rɔ Sɔdɔm anubɛ Kɔmɔra kuma.

2 Mansɛnu 7:2

Ale mansa-makandannɛ ya a fɔ Nɛbi Ilaisa ye ko, “Wo ti ma mumɛ! Hali Mari ya fui-fan bɛɛ layigi a nyɔgɔn fɛ, kɛ ti ma hali!” Nɛbi ya a fɔ a ye ko, “Ile nyɛrɛ si a yen i yɛ la sina kɔnɔ i ti fen dɔn a rɔ muk!”

Yobu 20:24

A tenbi a burila nɛgɛ-faan kɔrɔ, sila-kalabɛn si a bon.

Yaburi 18:15

Mari nyɛɛra a yogenu ma tumɛ min ka anu makuma, ma ya kɔgɔ-yi dumɛ-kole anubɛ dugu-kurukɛ-tinɛ yen ma yɛ la.

Yaburi 18:7

Marita fondo-bɔɛ ya a ma, dugu-kole ramagara ka yɛrɛyɛrɛn. A ya kɔnkɛnu kurukɛ tinɛ layɛrɛyɛrɛn.

Yaburi 18:8

A fonde bɔnɛ min kɛ, a mara iko ta-sisi ye bɔla a sunyɛ rɔ. A mara fanan iko ta-wɔlɔn le a karɛ rɔ. Wo damasi mara bawo a fonde bɔnɛ.

Makawandili Kumɛnu 9:12

I ma ila harayɛgɛbɛlɛ sɔrɔn-wati lɔn. Iko kona ye birala mana la nya min wo, iko yɛgɛ ye birala yalɛ la nya min wo, male hadama-dannu si bira nanparan rɔ wo nya na le hali ma sa a kalama.

Aiseya 13:13

A ko ale Mari Sɛnbɛ-Bɛɛ-Tigi wa diminya lunyɛ min, san-kole ra si maga. Dugi si bɔ a gbɛ rɔ.

Aiseya 2:19

Mari wa na dugu layɛrɛyɛrɛn tinɛ tumɛ min, mɔgɛnu si na anu dogon farannu na kɔnkɛnu tɔ. Anu bi dugu-kɔrɔ-kilɛnu sala alako anu ni bɔ Marita fondo-bɔɛ kɔrɔ. Anu bi anu dogonna ala sɛnbɛ anubɛ ala gbiliyɛ kɔrɔ.

Aiseya 2:21

Mari wa na dugu layɛrɛyɛrɛn tinɛ tumɛ min, mɔgɛnu si na anu dogon farannu na kɔnkɛnu tɔ. Anu bi dugu-kɔrɔ-kilɛnu sala alako anu ni bɔ Marita fondo-bɔɛ kɔrɔ. Anu sɛbɛ donnɛ ka anu dogon Marita sɛnbɛ anubɛ gbiliyɛ kɔrɔ.

Aiseya 42:22

Kɔnɔ kaka, ala mɔgɛnu yogenu bara anu kankan ka anu tagbɛrɛnnɛ to yele la. Anu kankannɛ dogonnɛ ara to yele la, ado anu nabɔla fenfen ti taran nyɔ.

Aiseya 8:14

Ka a tɛgɛ ata sɛninya-makawanɛ ma, a ko ale si ma kuri la, mɔgɛnu si anu kian latugu min na. A ko a si ma gbɛrɛ fanan na min si Yuda anubɛ Isirɛla anubɛ Yerusalɛm kɛnu bira.

Yɛrɛmaya 48:43

Kumakɔɛ anubɛ denkɛ anubɛ gbɛrɛ rabɛnnɛ Mohabu kɛnu ye. Mari kan le kɛ la.

Yɛrɛmaya 48:44

Min tenbi a burila kumakɔɛ bolo, wo ye buila denkɛ rɔ. Ni min bɔra denkɛ rɔ, wo si bira gbɛrɛ la bawo ale Mari ara ban Mohabu kasara-wati latɛgɛla.

Nimisa Koe 3:47

Kasarɛ anubɛ tinyɛ siginɛ ma kuma sodo! Fenfen ma to fɔ kilan anubɛ kumakɔɛ.

Isikiyɛli 11:8

Wo kilannɛ faannu na, wa? A ye nala faan-tiginu na wo kan ma.

Isikiyɛli 12:13

A fɔ anu ye ko n si nta yalɛ rafulen mansɛ yarɔ alako n ni a bira. Wo kɔma, n si ta a la Babilɔn soe burɔ. Ha a si faga nyɔ, a ti soe wo ragbɛ a yɛ la.

Isikiyɛli 15:7

tɔrɔla wo nya na le. Anu bara anu buri tɛ do kɔrɔ nun kɔnɔ tɛ kɛ, wo ye anu mintanna le. N ba anu tɔrɔ, wo ye a lɔnna wo le ma ko nde le Mari la.

Emɔsi 5:18

Nɛbi Emɔsi ya Mari kan latenbi, “Wo ko a sɔgɛ ye wo la, Mari ni na wo kiti kɔnɔ hali wo, a si gbɛlɛya wo kuma. Wo si tɔnɛ nyamintan sɔrɔn wo wati rɔ. Wo tele si ma tɔrɔya-tele la. A ti ma tele-nyimɛ la wo ye.

Emɔsi 5:19

Wo si ma iko kei min bi a burila yarɛ kɔrɔ ka ta bɛn suluki la. A wa a buri wo fanan kɔrɔ tumɛ min ka ta ala bɔn la alako a ni kisi, a wa a gbɔnkun ala bɔn rɔ, gbanwore fanan si a kin.