Aiseya 24:16 - ALLALA KUMƐ

¹⁶ Mɔgɛnu si na Yerusalɛm ka bɔ wula-yan-bɛnu na ka tantoli-bɛtinu bɔ nyɔ. Kɔnɔ yigi-wo-yigi sa nde, Aiseya ma. N fɛrɛ ye banna n ma. N yogenu bi tola n bolo labirala. Anuna wunduyogoyɛ kuma ye tala sala.

Aiseya 24:16 ပူးပေါင်းရင်းမြစ်များ

Yaburi 106:15

Woletɔ anu ya min manyinika a bolo, Alla ya wo di anu ma. Kɔnɔ a ya kiraya-yogomɛ fanan nana anu kuma.

Yaburi 119:158

N ya n yɛ sɔ yanfantenu na min kɛ, tɛ sigira n sɔn la bawo anu sa ila tɔnnu birala.

Yaburi 2:8

A ko hali n ya a manyinika le dɔrɔn, a si sibole bɛɛsi latenbi n ma. A ko duninya mumɛ si ma ntɛ la.

Yaburi 58:10

Hakɛ-tiginu ba anuta tɔrɔyɛ sɔrɔn, telenbagɛnu si sewa. Anu kiannu ma si ku karagbɛlɛ wonu yele la.

Yaburi 65:8

I wara kabana-koe minnu kɛ, duninya bɛɛ kawanɛ wonu ma. Ka a bi duninya tɔnkɔn doi ma ka a sigi a tɔnkɔn doi la, i ye mɔgɛnu nasewala.

Yaburi 67:7

Alla ara ata duwɛ layigi ma kuma. Alamɛ mɔgɛ bɛɛ ya a gbiliya duninya rɔ.

Yaburi 98:3

A tora ata keninteyɛ anubɛ lanayɛ yirala Isirɛla mɔgɛnu na. Duninya-mɔgɛ bɛɛsi ara mata Allata nɔ-koe yen.

Bɔ-Koe-Iyipiti 15:11

“E, Mari, nfen sifa ye duninya rɔ mɔgɛnu si min bato iko ile Mari. Yon sɛninyanɛ iko ile? Ma si i tanto ila kɛwɔli-makilannɛnuna ko la. Yon si ke kabana-koenu kɛla iko ile?

Aiseya 10:16

Ma Tigi, Mari Sɛnbɛ-Bɛɛ-Tigi ko kɛlɛ-den bu lafanɛ minnu bi nyɔ, a si kiraya-fitinɛ lana wonu ma alako wonu si bara wao! A ko anu fɛrɛ-kaliyanɛ si to kodokodo, iko tɛ wa sigi fen na.

Aiseya 11:12

Mari tenbi Isirɛla mɔgɛnu anubɛ Yuda mɔgɛnu kundɛnna ka bɔ duninya-tonko-nanɛ bɛɛ rɔ, a si falafalɛ layɛlɛ tamasereyɛ la ka wo yira duninya bɛɛ la.

Aiseya 17:4

Mari ko wati ye nala, tɔn si sigi Isirɛla nyamanɛla makawɛ la. Anuna fen-tigiyɛ si a laban anu bolo bolo-kolonyɛ ma.

Aiseya 21:2

N ya min yen ko-rayirɛ wo rɔ, yanfɛ anubɛ kasarɛ. Ilam kɛlɛ-dannu, wo ni wo sɛbɛ don! Midiya kɛlɛ-dannu, wo ni wo bui soenu ma! Babilɔn kɛnu bara tɔrɔyɛ min nana, Alla si yili kiri wo dan la.

Aiseya 26:15

Mari, i wara ma makofu kosɛbɛ! I wara mala nyamanɛ da lasa belenna, ado wo ara a ma, i wara gbiliya-belebele sɔrɔn.

Aiseya 28:5

Wati ye nala, Mari Sɛnbɛ-Bɛɛ-Tigi nyɛrɛ-nyɛrɛ si ma iko mansaya-fulɛ min nadannɛ kɔn-fere la. Ala mɔgɔ-dande minnu bi tola, ale si to wonu ye.

Aiseya 33:1

Ma yogenu si halaki. Hali mɔgɔ ma anu denu yanfa ka anu kankan, anu denu bi mɔgɛnu yanfala ka anu kankan. Kɔnɔ koe wo dama katoe le a-la bawo mɔgɛnu bi nala anu denu yanfala ka anu kankan.

Aiseya 42:10

Wo ni bɛti-kurɛ bɔ Mari ye. Duninya mumɛ bɛɛ ni a matɔgɔ-bɛti bɔ! Min bɛɛ ye kulɔn laburila yi kuma, wo bɛɛ ni a matɔgɔ! Nima-fan min bɛɛ ye kɔgɔ-yi rɔ, wo bɛɛ ni Mari matɔgɔ! Mɔgɔ min bɛɛsi ye nyamani-yannu tɔ, wo ni a matɔgɔ-bɛti bɔ!

Aiseya 48:8

A ko ale nyɛrɛ ya a lɔn ko a ti ke lala wole la. A ko wo dama manɛ mɔgɔ-murutiyanɛnu na a yala. Wo le ya a to, wo ma ko-kurɛ kɛnu namɔɛn nun.

Aiseya 52:10

Mari si ata sɛnbɛ-sɛnimɛ lawɔli ala mɔgɛnu kisi tinɛ. Kɛ si ma duninya-mɔgɛ bɛɛ ya la.

Aiseya 6:5

Nde, Aiseya ya a fɔ ko, “Gbalo ye n ma bawo n dɛ ma kin, ado n bi mɔgɛ minnu tɛma, wonu fanan dɛ ma kin. Ado nfan, n bara Mansa Alla yen n nyɛrɛ yɛ la, Mari Sɛnbɛ-Bɛɛ-Tigi, kɔni. Ka a tɛgɛ kɛ dama ma, yigi-wo-yigi sa n bolo tun.”

Aiseya 60:21

Ila mɔgɛnu si to ko-telennɛ mala. Duninya si ma anutɛ la tɛban! Mari ko ata ki-fan le ile la bi ko ma min ki a bolo. A ko a ya ile dan a nyɛrɛ kɔɛn le la ka ata fanka mayira mɔgɛnu na.

Yɛrɛmaya 12:1

Mari, ile min telennɛ, a bɛnta, n ni n yasere-masa ile le ye. Fɔ n ba i manyinika telenbagayɛ wara-koe ma. Nfenna karagbɛlɛnu bara-koe ye tala yarɔ? Nfenna telenbɛlɛnu nafɛrɛnɛ?

Yɛrɛmaya 12:6

I ye minnu yasere-masala kɛ la, i na-kelen-nyɔgɔ-bɛrɛbɛrɛ le wonu na. Hali i kebilɛ nyɛrɛ, anu bi dɛdɛ rasala i ma. Wonu denu bi i kan ma. Woletɔ hali anu bi kuma-teleka-telekɛnu fɔla i ye, i kana la anu na.

Yɛrɛmaya 3:20

Kɔnɔ Mari ko wole, Isirɛla mɔgɛnu mani de a ye iko musi min tadunɛ ala kei ma.

Yɛrɛmaya 5:11

Mari ko wole, Isirɛla mɔgɛnu anubɛ Yuda mɔgɛnu ma wo telen a ye. Ale Mari kan le kɛ la.

Nimisa Koe 1:2

A ye kila dila min kɛ kudu, woletɔ a ya-denkɛ rakimanɛ a ya-yi bolo. Mɔgɔ-den-kelen sa tun ala kemini-kɔrɛnu tɔ minnu si a madiya alako a ni a rade. A diyana-mɔgɛnu bara anu kan-kɔ sɔ a la ka ma a yoge la.

Hoseya 5:7

Wo ma wo telen Mari ye muk! Wola dannu ma ko-wo-ko lɔn Alla wara-ko rɔ. Woletɔ a ti mɛ tun, a si wobɛ wola nyamanɛ kasara pɔ!

Hoseya 6:7

“Sarama-kan min bi wole anubɛ nde, Mari tɛma, wo ya wo tinya tiriya iko ma benba Hadama ya a ma nya min.

Saraka-Masɔlɛnuta Tɔnnu 26:39

Wo toe minnu basannɛ wo yogenu na, wonu baranɛ si belenna tagamana wo yogenu tɛma kamasɔrɔn wo benbanu anubɛ wole fanan hakɛ sebu la.

Maika 5:4

A si ata mɔgɛ kɛnu fɛ-bira iko saga-fɛ-biralɛ si ala sagɛnu fɛ-bira nya min. Mari nyɛrɛ si wo fanka-makawanɛ anubɛ gbiliyɛ di a ma ka wonu fɛ-bira. Ata mɔgɛ kɛnu si sigi lafɛrɛ rɔ ka taran anu diya bawo duninya-mɔgɛ bɛɛ si a lɔn ko mansa-makawanɛ le ale la.

Habakuku 1:13

Kɔnɔ Mari, ile si ke i munyuna karagbɛlɛ wonu kɔrɔ kama? I kolan sɛnima karagbɛlɛ wonu mafɛlan ma. I ti to i kolan bɛnna karagbɛlɛ wonu ma. Anu tenbi mɔgɔ-latelennɛnu kasarala wati min, nfenna i si i made, i ti kuma? Anu bi min kasarala, wonu telenta ka tenbi anu denu na.

Habakuku 1:3

N nafoonɛ karagbɛlɛnu anubɛ kasara-kɛlɛnu na pito! Mɔgɛnu bi buila anu nyɔgɔn ma ka wunduyogoya-su bɛɛ sigi anu nyɔgɔn na kan-tinɛ bɛɛ rɔ. Nfenna i ye a mala, nde ye wonu tayenna n yɛ la? Nfenna Mari, ile nyɛrɛ ye ko-sufa kɛnu tayenna ka i munyu wonu kɔrɔ?

Maraka 13:27

N si nta melikanu nata duninya-tonko-nanɛ bɛɛ rɔ. Anu si nna mɔgɔ-yabɔnɛnu nadɛn ka bɔ duninya kan tinɛ bɛɛ rɔ.

Kɛwɔlɛnu 13:47

ado Mari ya min fɔ ma ye, wo le kɛ la. A ko, ‘N bara wo yabɔ alako wo ni ma waan la sibolo-gbɛrɛnu ye, ado duninya-mɔgɛ bɛɛ si nta kisi-koe lamɔɛn wole sebu la.’ ”

Lankɛnimayɛ 15:3

Anu bi Allala wɔli-kɛlɛ, Nɛbi Musa, anubɛ saga-danta bɛti bɔla ko, “Mari Alla Sɛnbɛ Bɛɛ Tigi, ila kɛwɔlɛnu kolo. Anu makilanta! Sibole bɛɛta Mansɛ, i kɛ-nyanu telennɛ. Tonya-kilɛ le anu na.