Aiseya 24:1 - ALLALA KUMƐ

¹ Mari si duninya kuma kolɔnya filili. A si dugi raburun sagbayi! A si duninya-mɔgɛnu tanyɛnsɛn.

Aiseya 24:1 ပူးပေါင်းရင်းမြစ်များ

2 Mansɛnu 21:13

N si Yerusalɛm kɛnu tɔrɔ iko n ya Samariya kɛnu anubɛ Ehabu kegeyɛ tɔrɔ nya min nun. N si mɔgɛnu kian firan Yerusalɛm soe burɔ iko mɔgɛ ye fi rafiranna nya min ka a laburun.

Nihɛmaya 1:8

I yandi, i wara koe minnu fɔ Nɛbi Musa ye nun, i fonde lamiri wonu ma. I ko ni male Isirɛla mɔgɛnu ma ma telen i ye, i si ma ranyɛnsɛn sibolo-gbɛrɛnu tɛma.

Yaburi 146:9

Mari kɛnɛna kɛɛ-musinu anubɛ kelennɛnu dɛnbɛna. A si sibolo-gbɛrɛnu natanka minnu bi ma tɛma kɔnɔ a si karagbɛlɛnu nata anu kasara tinɛ.

Aiseya 13:13

A ko ale Mari Sɛnbɛ-Bɛɛ-Tigi wa diminya lunyɛ min, san-kole ra si maga. Dugi si bɔ a gbɛ rɔ.

Aiseya 13:5

Anu bi bɔla nyamani-yan le tɔ pon! Mari si na nyamanɛ wo fi-koro-tiyi-kɛ ka a daga-koro-tiyi-kɛ ata fondo-bɔɛ la.

Aiseya 2:19

Mari wa na dugu layɛrɛyɛrɛn tinɛ tumɛ min, mɔgɛnu si na anu dogon farannu na kɔnkɛnu tɔ. Anu bi dugu-kɔrɔ-kilɛnu sala alako anu ni bɔ Marita fondo-bɔɛ kɔrɔ. Anu bi anu dogonna ala sɛnbɛ anubɛ ala gbiliyɛ kɔrɔ.

Aiseya 24:19

Dugi ra si fara, a ra si tii, a dɛ la ni ka.

Aiseya 24:20

Dugi si to tonko-tankanna iko gbɛɛ-minna-wɛ. A si to magala iko fɔnyɔ si to bugi lamagala nya min. Hakɛ ara a ma, dugi ara gbiliya kirimimi! A wa bui, a ti a lasɔ tun!

Aiseya 27:10

Anuna so-gbɛlɛmɛ si to tonbonyɛ la. A ra si kolonya filili iko wula-da-rakolɔn. A si ma tubali-kɛ-tinɛ la ninkinu ye iko anu bi yanba-kun-kurannu dɔnna kan min.

Aiseya 29:16

Koe bɛɛ rabasannɛ anu bolo. Bɔnku-dagɛ anubɛ a ladannɛ, nyamintan kolo? Hadama-dan ye fan min nadanna, wo si ke a fɔla a ladannɛ ye ko, “Ile ma n nadan.” A ti ke a fɔla a ladannɛ ye ko, “I ye min kun na, i ma wo nya lɔn.”

Aiseya 29:2

Alla si kasarɛ lana soe kɛ ma mɔgɛnu bi min kelela ko, “Allata saraka-mintan-tinɛ.” Di-kɛ anubɛ gbele-gbelan si taran ile rɔ. Soe mumɛ bɛɛ si ma iko saraka-mintan-tinɛ min yamatogonnɛ yele la.

Aiseya 30:32

Marita bosɛ tenbi anu tagbesila tumɛ min, yonbo-kan anubɛ bɔlon-kan ye tala anu nyɔgɔn fɛ. A si anu kɛlɛ ata kɛlɛ-kɛ-miran-sɛnbɛmɛnu na.

Aiseya 32:12

Wo ni wo kɔgɔ ragbesi yisi-tinya bolo bawo dɔn-fen wo dɔn-fen sa wola wɔli-kɛ-tinɛnu tɔ.

Aiseya 33:9

Nyamanɛ lakolɔnnɛ si to wo nya na le. Lɛbanan gbɔngbɔn-lafɔsɔnɛ si to. Sarɔn lɛɛ si ma iko wula-da-rakolɔn. Yanba-kunyɛ bɛɛ ye yalanna Basan nyamanɛ anubɛ Kamɛli kɔnkɛ ma.

Aiseya 34:10

Tɛ si to sigini a la dɔnkɔnyɔ, su-ni-tele. A sisi si to yɛlɛla kulakula! Nyamanɛ tinyanɛ si to burubukai! Mɔgɔ-wo-mɔgɔ ti tagama nyamanɛ wo rɔ tun!

Aiseya 34:2

Mari ara diminya sibole bɛɛ ma anubɛ anuna kɛlɛ-dannu. A ara anu dama kasara-koe latɛgɛ.

Aiseya 42:15

A si kɔnkɛnu anubɛ gburukulinu tii mɛmɛ! A si binyɛ anubɛ kɔlɔmanu gbala. A si ba-lɛɛ anubɛ bɛnu ma gberende la! Yi-kundi minnu siginɛ a rɔ, a si wonu gbala todo!

Aiseya 5:6

N si a ma, nyɔ ni ma bin-gbansan la. Minnu sa gbɔla, n ti ko ma wonu na. N ti anu kɔrɔ wɔrɔ. N si a ma, gbenkinya anubɛ gbangbufe ni nyɔ bira-a-la. N si tɔn sigi bandɛla nɛ la a rɔ.”

Yɛrɛmaya 4:7

Sibolenuta kasara-kɛlɛ ara fɔlɔla nala iko yarɛ wa bɔ faran la. A ara a warɛ boloka ka na wola nyamanɛ tinya-tinɛ. Wola soenu si tii mɛmɛ! Hali mɔgɔ-den-kelan, a ti to wonu tɔ.

Yɛrɛmaya 40:15

Woletɔ anu tara anu sɔ anu dan na. Yohenan ya a fɔ ale Kɛdalaya ye ko, “A ma, n ni ta Sumanyila faga. Mɔgɔ-wo-mɔgɔ ti sui n ma. Ma kana sɔn, a ni i faga. Ni a ya i faga, wo si a ma, Yuda kɛ minnu na ara dɛn, wonu ta si nyɛnsɛn, ado anu si kasara.”

Yɛrɛmaya 50:17

Mari ko Isirɛla mɔgɛnu mani de iko yarɛ wa sagɛnu tanyɛnsɛn. Asiriya mansɛ fɔlɔn ya anu dɔn dabira. Wo kɔma, Babilɔn Mansa Nɛbukanasa tora anu kolenu masusunna.

Yɛrɛmaya 51:34

Babilɔn Mansa Nɛbukanasa ara Yerusalɛm soe dɔn. A ya soe rakolonya iko yi-bara-takolɔn. A ya a dama lakunu iko ninkinankɛ. Min di a ye, a ya wo bi ka a toe lakɛ a rɔ.

Yɛrɛmaya 9:16

A ko a si wo ranyɛnsɛn ka wo basan sibolo-gbɛrɛnu na pirikali! Wo si taran sibolo-gbɛrɛnu tɛma, hali wo benbanu ma minnu lɔn. A ko a si wo yogenu natugu wo kan ma ha wo damasi ni ban fagala.

Isikiyɛli 12:20

So-kunbɛ minnu nafanɛ mɔgɛ la, wonu si kasara pɔ! Nyamanɛ ra si kolonya iko wulɛ. Wo kɔma, anu si a lɔn ko Mari le nde la.”

Isikiyɛli 24:11

Wo kɔma, i ni daga-rakolonyanɛ wo sigi ta-wɔlɔn rɔ ha a silɛɛ ni mɔ puipui! Dagɛ wo burɔ-nɔgɛ bɛɛ wa mintan, dagɛ wo sɛninyanɛ si to.

Isikiyɛli 35:14

“Nde, i Tigi Mari ko n si a ma, Idɔm nyamanɛ ni bui, ado duninya mumɛ si sewa anuna buiyi wola ko la

Isikiyɛli 5:14

Sibolo-gbɛrɛ minnu tenbi tenbila wo la, wonu bi nyimala wo rɔ ka anu masɛgi wo la.

Isikiyɛli 5:2

Kɛlɛ wa ka-a-la ila so-ladannɛ wo rɔ, i ni i kun-sigi, sigi kelan bi ka a mintan nyɔ. A sigi kelan, i ni wo ratɛgɛ gbede-gbede, ila faan wo la soe wola foolɛ rɔ. A sigi kelan min tonɛ, i si wo ranyɛnsɛn. Fɔnyɔ ni ta a la bawo nde, Mari si Isirɛla mɔgɛ wonu sagaran nta faan la.

Isikiyɛli 6:14

Tonyɛ le wo la. N si n bole lata ka anuna nyamanɛ tinya. Ka a bi anuna wula-da-rakolɔn dugu la, ha ka ta a sigi Ribila soe kan tɔ pon, Isirɛla mɔgɛnu siginɛ kan tinɛ min bɛɛ rɔ, n si wo bɛɛ halaki pɔ! Mɔgɛ bɛɛ si a lɔn worɔ ko Mari le nde la.”

Isikiyɛli 6:6

Isirɛla soe bɛɛ si halaki pɔ! Wo si a ma, saraka-mintan-tinɛnu anubɛ bɛsɛnu si tinya pɔ! Anuna isɛnti mintan tinɛnu si tii mɛmɛ! Anu bara min bɛɛsi ladan, wonu si tunu yen!

Isikiyɛli 7:12

“Wati ye nala kɔɔ! Fen-sannɛnu kana nyagalen anuna tɔnɛla ko la. Fen-mayiralɛnu yisi kana tɔrɔ anuna bɔnɛla ko la bawo nde, Marita tɔrɔyɛ si taran anu bɛɛ kuma nya-kun-kelen.

Isikiyɛli 7:14

Hali kɛlɛ-buri wa fɛ alako kɛlɛ-dannu ni anu tabɛn yɔnyɔn, mɔgɔ-wo-mɔgɔ ti ta kɛlɛ rɔ bawo nna diminyɛ ye Isirɛla mɔgɛ bɛɛ kuma nya-kun-kelen.”

Nehami 1:5

Kɔnkɛnu si to yɛrɛyɛrɛnna Mari yakɔrɔ. Gburukulinu si ta leela bandin! Duninya anubɛ ata mɔgɛnu ta si maga.

Nehami 2:10

Wole Ninɛfa kɛnu, wola soe ara kasara pɔ! Wo bɛɛ ara wo buri. Nyɔ ara ma tonbɔn la. Wo ara mɔlɔkɔn kilan bolo ka ma tulan!

Luka 21:24

Donu si faga faan la. Donu si ta yɔɔnyɛ rɔ nyamanɛ bɛɛ rɔ. Sibolo-gbɛrɛnu si Yerusalɛm radɔn ha anuta wati ban tumɛ.

Kɛwɔlɛnu 17:6

Kɔnɔ anu ma ke anu yenna min kɛ, anu ya Yeson anubɛ Mari Yisata mɔgɛ donu sagan ka ta anu na so-burɔ mɔgɔ-banu bara. Anu ya wɔyɔ layɛlɛ ko, “Kɛnu bi mɔgɛnu tɔrɔla dinkirɛ bɛɛ! Kaka, anu bara na maleta so tɔrɔ tinɛ,

Tɔn-Fɔɛ-Fila-Nyɔgɛ 28:64

“Ka a fɔlɔ duninya-tonko kelan ma ha ka a sigi a tonko-doi la, Mari si wo ranyɛnsɛn sibolo-gbɛrɛkɛ-mɔgɛnu tɛma. Wo tenbi anu tɛma, hali wo benbanu ma bɛsɛ minnu kɔ, wole si wonu kɔ. Kɔlɔma-malɛsɛnɛ anubɛ kuru-malɛsɛnɛ le wonu na.

Tɔn-Fɔɛ-Fila-Nyɔgɛ 32:26

A bɛnta nun, Mari ni wo lato dogbe, woletɔ mɔgɛnu ti anu miri wo ma tun.

Tɔn-Fɔɛ-Fila-Nyɔgɛ 4:27

Wo kɔma, Mari si wo ranyɛnsɛn. Wo si basan sibolo-gbɛrɛkɛnu na. Wo siyaman si faga. Wo ma ni dɔgɔya.

Yemesi 1:1

Alla anubɛ Mari Yisa, Allata-Mɔgɔ-Yabɔnɛla wɔli-kɛlɛ, Yemesi le ye kɛdi kɛ sɛbɛla. N bi Allala mɔgɛ bɛɛ kɔndɔnna minnu nyɛnsɛnnɛ duninya kan tinɛ bɛɛ rɔ.