Aiseya 23:2 - ALLALA KUMƐ

² Wole Saidon yilanu! Wo ni wo made diyi-kɛ la. Wola kulun-naburilɛnu bara wo ma nɔnfulu-tiginu na.

Aiseya 23:2 ပူးပေါင်းရင်းမြစ်များ

Yaburi 46:10

Alla ko wo ni wo fara kɛlɛ la. Wo ni a lɔn ko Alla le ale la. A ye sibole bɛɛ anubɛ duninya kun na.

Aiseya 41:1

Alla ko, “Wole wula-yanna-mɔgɛnu, wo ni wo tole masɔ n na. Wo ni wo rabɛn wola kitinu nata-koe la kiti-bɔn la. Wo si fɛrɛ sɔrɔn nyɔ le ka kuma. Ma ni ma ladɛn ka a lɔn ni yoe ye min bolo.

Aiseya 47:5

Mari ko, “Ile Babilɔn, i radenɛ ni to pinpi rɔ. Nyamanɛnu ti i kele tun ko musu-mansɛ.”

Isikiyɛli 28:2

“Ile hadama-dan, i ni nde, wo Tigi Mari kuman-kan kɛ latenbi Taya mansɛ ma. A fɔ a ye ko a kɔrɔbinɛ wasinteyɛ la a bolo. A ye a nyɛrɛ mala Alla la. A ye a fɔla ko a siginɛ Allala mansaya-waganɛ rɔ, kɔgɔ-yi ye ala foolɛ rɔ. A ye a nyɛrɛ mala iko Alla, ado hadama-den-gbansan le ale la.

Isikiyɛli 28:21

“Ile hadama-dan, i ni i ya-lamunun Saidon soe la ka a makuma.

Habakuku 2:20

Mari ye a warɛ Arinyɛni tɔ. I tenbi a yakɔrɔ, mɔgɛ bɛɛ ni a sigi-a-la don!