Aiseya 23:11 - ALLALA KUMƐ

¹¹ Mari ara a kɔɛn kɔrɔbi kɔgɔ-yi dafɛ-nyamanɛnu kasara-koe la. A ara a latɛgɛ ko fɔ a wa Kenan kɛnuna so-gbɛlɛmɛnu kasara.

Aiseya 23:11 ပူးပေါင်းရင်းမြစ်များ

Ko-Dabirɛnu 9:25

A ya a fɔ wo rɔ ko, “Hamala den Kenan anubɛ a bɔnsɔn si ma dankatoenu na. Anu si ma yɔɔnnu na Sɛma anubɛ Yefɛti bɔnsɔnnu kɔrɔ.”

Yaburi 46:6

Kɔnɔ sibolo-gbɛrɛ doinu, wonu bi kilanna kumakɔɛ bolo dɔgɔma-ma-de! Nyamanɛ doinu ta ye magala. Alla tenbi kumala iko san wa sɛrɛn, wo si a ma, dugi ni lee bandin!

Yaburi 71:3

I ni ma nta lakisi-bɔn la min si n tanka n yogenu masibɛ ma. Nta bon-gbɛlɛmɛ anubɛ nna kɛlɛ-kɛlɛ le ile la. N si n buri tala ile wara tuma-wo-tuma.

Bɔ-Koe-Iyipiti 14:21

Musa ya a bole rasagan Kɔgɔ-Yi-Wulan wo kuma. Mari ya fɔn-belebele-wɛ do lana ka bɔ tele-bɔɛ wara la suyi wo nyɛrɛ rɔ ka Kɔgɔ-Yi-Wulan wo tɛ tɛgɛ fila la ka nyɔ gbala todo!

Aiseya 10:6

A ko a ara wo latugu Alla-lɔnbɛlɛ donu kan ma bawo anu bara a ladiminya. A ara wo lata bumalɛ anubɛ kankanyɛ anubɛ Yuda kɛnu tatɛntɛn tinɛ ka anu ma iko gbangban.

Aiseya 13:13

A ko ale Mari Sɛnbɛ-Bɛɛ-Tigi wa diminya lunyɛ min, san-kole ra si maga. Dugi si bɔ a gbɛ rɔ.

Aiseya 14:26

A ko miriya kɛ le a bolo duninyala ko la. A ara a kɔɛn kɔrɔbi sibole mumɛ tɔrɔ-koe la.

Aiseya 19:5

Nayɛli bɛ si to gbalala a worɔn la.

Aiseya 2:19

Mari wa na dugu layɛrɛyɛrɛn tinɛ tumɛ min, mɔgɛnu si na anu dogon farannu na kɔnkɛnu tɔ. Anu bi dugu-kɔrɔ-kilɛnu sala alako anu ni bɔ Marita fondo-bɔɛ kɔrɔ. Anu bi anu dogonna ala sɛnbɛ anubɛ ala gbiliyɛ kɔrɔ.

Aiseya 23:10

Wole Taya kɛnu, fɔ wo wa ma sɛni-salɛnu na iko Iyipiti kɛnu bi nya min bawo kulun-nasɔ-tina woo sa wola nyamanɛ rɔ tun.

Aiseya 23:3

Wonu bi anu burila kɔgɔ-yi kuma ka ta fui-fannu bi Iyipiti nyamanɛ min fɛ-yan yan na! Wonu bi fere-kɛ-tinayɛ la nyamanɛ bɛɛ rɔ.

Aiseya 25:2

I wara soenu ma sundu-kunyɛ la ka so-latankanɛnu kasara pɔ! Ma yogenu ya bon-hakikɛ min bɛɛ sɔ, wo bɛɛ ara tii mɛmɛ!

Aiseya 5:25

Mari fonde bɔnɛ wole, ata mɔgɛnu ma, ado a ara a kɔɛn kɔrɔbi wo tɔrɔ-koe la. Kɔnkɛnu si yɛrɛyɛrɛn. Minnu bi fagala, wonu furi-bolokanɛ si to belenna lu-kolenu ma iko yefe-gbalɛ. Kɔnɔ hali wo, wo ti a ma, Marita fondo-bɔɛ ni ban. A si wo tɔrɔ serr!

Aiseya 50:2

A ko a tara i lakisi tinɛ lunyɛ min, nfenna i ma i tole masɔ a la? Nfenna i ma ala keleli labira? A ko ile miri ko i kisi-sɛnbɛ sa a bolo? A ko hali a kumara dɔrɔn, kɔgɔ-yi mumɛ si gbala todo! Bɛnu si yɛlɛma gbangban la. Yɛgɛ minnu bi yi wonu tɔ, wonu si faga.

Yɛrɛmaya 47:7

Kɔnɔ Mari ko, “A si ke a sulenna kama? Wɔlɛ ye a bolo.” Mari ara Asikilɔn anubɛ kɔgɔ-yi dafɛ mɔgɛ toenu kɛlɛ-koe latɛgɛ.

Isikiyɛli 26:10

Anuna soee wonu kinta-gbangban si Taya kɛnu yamatogon. Anuna soeenu anubɛ kirindinu kinta-kan si anuna soe tarɛnu nayɛrɛyɛrɛn anu tenbi donna anuna so-kasaranɛ rɔ.

Isikiyɛli 26:4

Wonu si anuna soe tarɛnu keri ka anuna kan-tina-layan-bɛnu fanan tii. A gbangban min tonɛ, n si wo bɛɛ firan ka fara-makolɔn to.

Isikiyɛli 31:16

N ba a lakɛ lakira, a huma-human-kan si sibole bɛɛ rakilan. Idɛn kɔlɔma-nyimɛ anubɛ Lɛbanan kɔlɔma-nɔrɔnnɛ minnu bara ta lakira nun a yarɔ, wonu si nyagalen ka a tɛgɛ a bu-koe ma.

Nehami 1:14

Mari ara ban kɛ latɛgɛla wole Asiriya kɛnuna ko la. A ko wo ti kegeya-wo-kegeya sɔrɔn minnu si to wo kɔmɛ lasabatila. A ko bɛsɛ minnu bi wola kɔ tinɛnu tɔ, a si wonu kasara pɔ! A ko a ye wole Asiriyanu kaburu-sinyɛ kun na kaka! Wo wunduyogo kati!

Hegayi 2:7

A si duninya-mɔgɛnu tamaga ka anuna fen-kolomɛnu nana Bato-Bɔn kɛ la. Ata gbiliyɛ si taran nyɔ.

Sakaraya 14:21

Dagɛ min bɛɛsi ye Yuda anubɛ Yerusalɛm, dagɛ wonu dantɛgɛnɛ si to Mari Sɛnbɛ-Bɛɛ-Tigi ma. Saraka-bɔlɛnu si dagɛ kɛnu ma saraka sogo-te-fan la. Wo wati wa ke, yila-wo-yila ti taran Mari Sɛnbɛ-Bɛɛ-Tigi Bato-Bɔn la.

Maraka 11:17

A ya mɔgɛnu karan ko, “A sɛbɛnɛ Allata kitabu rɔ ko, ‘Anu si nna Bato-Bɔn kele ko madiyali-kɛ-bɔn sibole bɛɛ ye’ kɔnɔ wole ye a mala kankannu dogon tinɛ la!”

Yɔni 2:16

Minnu bi kangbɔɛnu ferela, a ya a fɔ wonu ye ko, “Wo ni anu bɔ yan! Wo kana n Fala bɔn ma feri-kɛ-tinɛ la!”