Aiseya 22:16 - ALLALA KUMƐ

¹⁶ “Ile miri ko nfen bi ile la mansɛ wara yan? Yon ya a fɔ i ye ko i ni i nyɛrɛ kanbɛ sin farɛ rɔ yan?

Aiseya 22:16 ပူးပေါင်းရင်းမြစ်များ

Ko-Dabirɛnu 50:5

yanni n fa ni a layigi tumɛ min, a ya a ma, n ya n keli a ye. A ara kaburu-soe min tabɛn Kenan nyamanɛ rɔ a ko n ni ta a togon nyɔ rɔ. Woletɔ n bi mansɛ madiyala ni a si sɔn, n ni ta n fa togon. N ba ban a togonna tumɛ min, n si sɛgi.” Mɔgɔ-banu tara wo fɔ mansɛ ye.

2 Samuwɛli 18:18

Abasalɔm ye a niyi la tumɛ min, a ya kuri do sigi Mansɛnuna lɛɛ rɔ ka a tɔgɛ sa kuri wo kuma alako mɔgɛnu ni to anu mirila a ma. Wati wo rɔ, den sa a bolo min si ma a sugi la. Ha bi, anu bi kuri wo kelela ko Abasalɔm Yili-To-Kuri.

2 Ko-Kɔrɔta-Karan 16:14

Anu ya a togon ala kuru-kaburu rɔ a ara min tabɛn a nyɛrɛ ye nun Mansa Dawuda halala-luyi ma. Anu ya tulu-suma-diyamɛ susa a furi ma ka a yamatogon kɛnɛnu na. Anu ya ta-wɛ ladɛn a san-koe kuma.

Yobu 3:14

Ni n fagara le nun, n si taran n fanbolo mansɛ anubɛ mɔgɔ-banu fɛ lakira minnu ya bon-hakikɛnu sɔ duninya rɔ nun. Ado nfan, anuna mansaya-bɔn wonu bara tenbi, bi ma!

Aiseya 14:18

“Mansa doinu sa-bole rabɛnnɛ kaburu-hakikɛnu tɔ

Aiseya 14:19

kɔnɔ ile Babilɔn mansɛ ma sa kaburu tɔ fɔ anu ya i furi lakɛ-a-rɔ le alako a ni tuli. Anu ya a lakɛ-a-rɔ fole burɔ ka ila kɛlɛ-dannu furi lakɛ i kuma. Mɔgɛnu ya i furi ratɛntɛn anu kian kɔrɔ.

Aiseya 22:17

Hali mɔgɔ-ba le ile la, Mari si i fɔrɔn ka i lakɛ a rɔ pirr!

Aiseya 52:5

Wo ye Babilɔn nyamanɛ min tɔ kaka, ko-sifa wo le mara nyɔ fanan. Wonu ya wole, ata mɔgɛnu bira, wonu fanan ma wo sɔnkɔ di. Wo biralɛ kɛnu bi anu nyɛrɛ matɔgɔla. Anu bi ale Mari tɔgɔ tinyana tuma-wo-tuma.

Maika 2:10

Mari ko wole kensunte-kɔrɛnu, wo ni wo bɔ yan, wo ni ta pon! Wo sigi-tina sa yan tɔ tun, wo si taran wo diya kan min. Wo hakɛ ara a ma, kan-tinɛ kɛ ara tinya pɔ!

Matiyu 27:60

Anu ya a sa ale Yusufula kanbɛ rɔ min sinnɛ farɛ rɔ. Wo kɔma, a ya kuru-belebele makuru-kurun ka a sa kanba-dɛ la. A tara.