Aiseya 22:15 - ALLALA KUMƐ

¹⁵ Ma Tigi Mari Sɛnbɛ-Bɛɛ-Tigi ya a fɔ n ye ko n ni ta mansɛla fen-fɛ-biralɛ wara, min tɔgɛ Sɛbana. A ko n ni a fɔ a ye ko,

Aiseya 22:15 ပူးပေါင်းရင်းမြစ်များ

1 Mansɛnu 4:6

Ahisari, wo ye mansɛla bonna-wɔli-kɛlɛnu kun na. Abidala den Adonaram, wo ye fɔrɔsɔya-wɔli-kɛlɛnu kun na.

2 Mansɛnu 10:5

Mansɛla mɔgɔ-banu wo, nyɔ-so-tigi wo, mɔgɔ-ba-sɛbɛnɛnu wo, anubɛ mansa-makandannɛnu wo, wonu ya anu kundɛn ka kilayɛ lata Yehu ma ko, “Ita wɔli-kɛlɛ le male la. I wa fenfen fɔ, male si wo ma kɔnɔ male ti mɔgɛ yabɔ yan ka wo ma mansɛ la. Ni koe min telennɛ ile yala, ile si wo ma.”

2 Mansɛnu 18:18

Anu ya Mansa Hɛsakaya kele nyɔ rɔ. Helikayala den Ilayakim min bi mansɛla bolon-mafɛlɛnna wo, anubɛ Sɛbana min bi ala kɛdi-sɛbɛla wo, anubɛ Esafila den Yowa min bi kɛdi-sɛbɛnɛnu-namarala, ale Mansa Hɛsakaya ya ala mɔgɔ-ba sawɛ wonu nata anu ma.

2 Mansɛnu 18:26

Wo kɔma, Ilayakim anubɛ Sɛbana anubɛ Yowa ya a fɔ Asiriya mansɛla kandɛ wo ye ko, “I yandi, kuma ma ye Aramaki kan rɔ. Ma si wo ragbɛ le. I kana kuma ma ye mata Hiburu-kan rɔ alako mɔgɛ minnu bi tarɛ kuma san ma, wonu kana na ma kan ragbɛ.”

2 Mansɛnu 18:37

Ilayakim anubɛ Sɛbana anubɛ Yowa ya anuna durukinu tafara yisi-tinyɛ bolo. Kandɛ wo ya kumɛ min bɛɛsi fɔ anu ma, anu tara wonu takaran Mansa Hɛsakaya ye.

2 Mansɛnu 19:2

Ilayakim min bi ala bolon-mafɛlɛnna wo, Sɛbana min bi ala kɛdi-sɛbɛla wo, anubɛ saraka-masɔla-kun-tiginu wo, Mansa Hɛsakaya ya wonu nata Emɔsila den Nɛbi Aiseya ma. Wonu fanan tara kasa-kurɛ la anu kan na.

1 Ko-Kɔrɔta-Karan 27:25

Adeyɛlila den Asamafɛti ye mansɛla fen namara tinɛ kun na. Mansɛ bolo-fan minnu bi kanikɔma soe doinu tɔ, Yusayala den Yonatan, ye wonu kun na.

Aiseya 36:11

Wo kɔma, Ilayakim anubɛ Sɛbana anubɛ Yowa ya a fɔ Asiriyanu mansɛla kandɛ wo ye ko, “I yandi, kuma ma ye Aramaki-kan rɔ. Ma si wo ragbɛ le. I kana kuma ma ye mata Hiburu-kan rɔ alako minnu bi tarɛ kuma san ma, wonu kana na ma kan ragbɛ.”

Aiseya 36:22

Ilayakim anubɛ Sɛbana anubɛ Yowa ya anuna durukinu tafara yisi-tinya bolo. Kandɛ ya kumɛ min bɛɛsi fɔ anu ma, anu tara wonu takaran Mansa Hɛsakaya ye.

Aiseya 36:3

Helikayala den Ilayakim min bi mansɛla-bolon-mafɛlɛnna wo, Sɛbana min bi ala kɛdi-sɛbɛla wo, Esafila den Yowa min bi kɛdi-sɛbɛnɛnu-namarala wo, wonu tara a taran yi dɛ la nyɔ. Yuda kɛ le mɔgɔ sawɛ wonu na.

Aiseya 37:2

Ilayakim min bi bolon-mafɛlɛnna wo, anubɛ Sɛbana min bi ala kɛdi-sɛbɛla wo, anubɛ saraka-masɔla-kun-tiginu wo, Mansa Hɛsakaya ya wonu nata nde, Emɔsila den Nɛbi Aiseya ma. Wonu fanan tara kasa-kurɛ la anu kan na.

Kɛwɔlɛnu 8:27

Woletɔ Filipi ya a rabɛn. A ya kilɛ wo bira. Nba, Itiyopiya-kun-tigi do ye bɔla kilɛ wo fɛ ka ta a warɛ. Kun-tigi-ba le wo la nun. Ale le ye Itiyopiya musu-mansɛ Kandasila nɔnfuli bɛɛ kun na. A tara Alla bato tinɛ Yerusalɛm.